اعمل ايه مع التكييف

**hossfo** · 21-06-2009 12:47 AM

السلام عليكم

فى بدايه الصيف رحت لفنى تكييف فى ورشه معروفه فى شبرا وصرفت 250 ج مابين شحن واولسييه وزيت

وبعد 10 ايام انقطع التبريد
رحت كبس التكيف وقالى مفيش حاجه وجدد الشحن ونفس الحكايه بعد 10 ايام

رحت تانى كبسها لمدة يوم كامل وقالى انه فيه تسريب بسيط بس فى الجز الموجود خلف التبلوه ولازم تفك التابلوه عند الكهرباء لانه بحث ع التسريب فى الجز ء المكشوف ما فيه اى شىء وغالبا التسريب فى الثلاجه اللى خلف التابلوه او اولسيه بيسرب وقالى لو الثلاجه وهى لها اسم تانى مش فاكرة المهم لو العيبه فيها والبرومه وكلاها هتتغير فى حدود 800 ج جديد او 300 استيراد

اعمل ايه اسمع كلامه وافك التبلوة ولا فيه حل تانى

ومستنى رد الخبراء

**samirayad** · 21-06-2009 12:50 AM

للأسف مفيش حل تانى غير أنك تسمع كلامه وتطمن على وجود تسريب من المبخر (الثلاجه ولا لا ) ...........وغالبا كلامه مظبوط طالما كل الأماكن المكشوفه مش باين فيها التسريب

**hossfo** · 21-06-2009 12:57 AM

متشكر على سرعه ردك

فيه سؤال 1_ التابلوة هيرج زى الاول يعنى ما راح احس وانا جالس فى السيارة ان التابلوة اتفك قبل كدة

2_ تكلفة فك التابلوة وربطه مره اخرى ممكن تكون كام عشان ابقى عارف تقريبا كم

**samirayad** · 21-06-2009 01:03 AM

مع الصنايعى النظيف .............كل شىء بيرجع لأصله ....وأعتقد حل التابلوه وأرجاعه لوضعه الطبيعى حيكون فى حدود 100 جنيه

**ahmedhilmy** · 21-06-2009 05:13 AM

خد راي حد تاني الاول قبل متخش في سكة التجارب تفك و يكبس و لأ معلش طلع طلع التنفيس كان من العربية اللي كانت وقفة وراك بس مخدتش بالي بالذات بتوع التكييفات محدش عارف اي حاجة و كله بيفتي متخدش بكلام اول واحد علطول و خد راي حد تاني مش هتخسر حاجة

**marawanshahin** · 21-06-2009 11:02 AM

على فكرة أنا كان عندى العيب ده وكان بتاع التكييفات اللى بتعامل معاه قالى برده ان التنفيس من التلاجة الداخلية.المهم رحت لواحد تانى كنت بتعامل معاه زمان فى عابدين.وقلت له على الموضوع من الأول انى شحنت التكييف كدة مرة و بعد اسبوع ما يسقعش المهم قال لى حنكبس و نشوف و ممكن ان يكون العيب فى الكمبروسور .بعد ما كبس على طول لقى فيه فريون و قالى ان العيب فى الكنترول بتاع الكومبروسر وهو المسئول عن علية الكبس والفصل و غيرهولى و التكييف ما شاع الله اتظبت و الحمد لله بس عيبه انه غالى شويتين يعنى أخد منى 350 جنيه فى المشكلة دى (200 شحن + 150 كنترول)بس صلح العيب و الغالى تمنه فيه و هو نفسه قال كدة و قال على سبيل التجربة. الموضوع ده من شهرين. رحله قبل ما تفك التابلوه وشوف حايقولك ايه هو رجل محترم أوى و عارف ربنا و عنده أجهزة كويسة عنوانه (15 قشلاق عابدين أمام محافظة القاهرة 0113133252-0123133252-23954146) أ.محمد مصطفى (الشركة العربية للتبريد لتكييف السيارات)

**hossfo** · 22-06-2009 12:43 PM

انا متشكر جدا ع الردود والاهتمام

بس انتوا كدة هتخلونى افكر كتير قبل ما اعمل الى شىء

اولا لانى الصنا يعى الاولانى واخد منى 250ج يعنى عشان اروح لواحد تانى وادفع 350 ج كدة هيبقى كتير فى حين ان لو فكيت وكشف ع الثلاجه اكيد مش راح ياخد كتير

بس انا اولا راح الفت نظرة لكلام الاخ\ مروان بخصوص الكنترول واشوف ردة ايه