اقتباس المشاركة الأصلية كتبت بواسطة beihoo مشاهدة المشاركة
سيبنا من من الأودي اللي فعلا نادرة جدا في السوق و مش بشوفها كتير .. السيفيك نفسها مكنتش منتشرة رغم إنها واحدة من أفضل العربيات في الفئة بتاعتها و ما انتشرتش -نسبيا- إلا بعد نزول أسعارها .. أعتقد إننا مش هانختلف على إن عدم إنتشار عربية مش هو السبب اللي يخليها وحشة أو الدليل على إنها وحشة.

الشي اللي محيرني فعلا إنك مصمم إن فيه حاجة غلط في الموضوع من غيرما تقول إيه الحاجة الغلط و لا أعتقد أبدا إن المسألة في جودة الخامة خاصة و أن خامات الأفيو أو الابترا أو غيرهم في نفس الفئة السعرية ليست أفضل من خامات الفابيا 1400 ناهيك عن الفابيا 1600 الاسبورت ..

حاجة تانية حضرتك بتقول إنك ركبت العربية و انا كمان ركبت العربية في كل فئاتها بس حضرتك أضفت لرأيك بقية أراء الناس التانية اللي للأسف ملقتش عند معظمهم -على الأقل هنا في المنتدى- نفس رأيك.

أخيرا شاكر ليك إهتمامك بالرد.

ملحوظة: الفابيا 1600 ستيبترونك مش ب 90 ألف دي ب 110 و الاسبورت بتاعتها ب 121 إنما الفابيا 1400 هي اللي ب89 ألف.
الحاجة الغلط انى شوفت حاجة وكان معايا مجموعة من الاراء بتؤيدنى من مختلف الاعمار ,وكمان صاحبى اللى معايا ولقيتكوا بتقولوا حاجة تانية خالص,
بس انا هاقولك حاجة هو فية حاجة غريبة بتحصل ان موديلات 2009 كلها بقى مستوى خاماتها وتقفيلها سىء جدا مقارنة بالسنة اللى قبلها ودة اللى لاحظتوا فى الكورى بالذات ,وخاصة هيونداى وكيا وهيونداى على وجة الاخص عموما احترم رايكوا جدا جدا وكل من شاركوا بالموضوع ,وكل واحد بيقول راية فى العربية بس انا استغربت من حاجة من الاخ اللى بيقول طولة 195 بسم الله ماشاء الله وبيقول انة كان قاعد مرتاح جدا ,مش عارف ازاى لائما اللى كان سايق طولة 170,مالهاش غير كدة لانى قعد فيها كانت ضيقة جدا جدا خاصة انى قعد قدام وقعد ورا على نفس ظبطة الكرسى كنت قاعد مش مستريح خالص ودماغى فى السقف ورجلى مزنوقة جدا
وبردة الفورد كانت كدة وكانت اضيق على فكرة من الفابيا بشكل واضح