انا ان شاء الله ناوية اشترى عربية جديدة auto
skoda mini fabia - ford fiesta
يا ريت تفيدونى و تقولولى ايه احسن
و تقريبا الاتنين سعرهم قريب من بعض
و انا اخترت الاتنين دول عشان hatchback
عرض للطباعة
انا ان شاء الله ناوية اشترى عربية جديدة auto
skoda mini fabia - ford fiesta
يا ريت تفيدونى و تقولولى ايه احسن
و تقريبا الاتنين سعرهم قريب من بعض
و انا اخترت الاتنين دول عشان hatchback
الفورد اكيد ابعد عن الفابيا ضيقة جدا عربية عبيطة مالهاش لازمة
بس معتقدش ان الفابيا عبيطه وملهاش لازمه زي ما semsem kane قال وكمان الفورد فيستيا شكلها غبيييييييييي ( مساله ازواق)
انا عندى نفس المشكلة دى و بقارن بين الاتنين و حيران جدا ,,
بس انا ميال اكتر للفيستا ,,
و بالنسبة للاستاذ سمسم و الاستاذ محمد ,, الفيستا واخدة تقييمات فوق الممتازة برة و العربية دى هتنزل فى كل بلاد العالم
لو بنقارن ما بين العربيتين بس ,, يبقا الفيستا تكسب طبعا و بقوة
انما احنا هنا بنقارن ما بين اسعار اعادة البيع و قطع الغيار و التوكيلات
و الانا شايفو :
1- اسعار اعادة البيع : اعادة البيع فى السكودا عموما احسن من الفورد عشان الفورد واخد سمعة مش كويسة بسبب التوكيل الكان قبل فكرى جروب الموجود دلوقتى
2- قطع الغيار : اسعارهم متقاربة من بعض ,, و فى ناس هتقول ان قطع غيار الفورد اغلى ,, بس دة مش صحيح ,, لان احنا اول مرة ينزل عندنا عربية من الفئة دى من فورد هنا فى مصر و الهى اقل من الفوكس فبالتالى قطع الغيار ارخص من الفوكاس
3- التوكيلات : ارتوك اوتو الهو توكيل سكودا اسمع انه مش اد كدة ,, انما فكرى جروب بحس انه من التوكيلات التى تعمل فى صمت و بذات ان الفوكاس الجديدة انتشرت جامد و محدش بيشتكى منها او من التوكيل
الخلاصة : الفيستا افضل ,, انما لو سعر اعادة البيع هيفرق يبقى السكودا احسن
عامة ,, لو حضرتك ناوية انشاء الله على الفيستا ياريت تقوليلى عشان انا كمان بفكر فيها
دة كان موضوع انا عاملوا هنا فى المقارانات
http://www.nilemotors.net/Nile/showthread.php?t=79080
و دة كان فى قسم فورد
http://www.nilemotors.net/Nile/showthread.php?t=79078
و ياريت حضرتك تبقى تشاركى فى الموضوع دة
http://www.nilemotors.net/Nile/showthread.php?t=81097
تحياتى
انا ركبت الفابيا مينى ولا جودة تقفيل,ولا خامات ,وضيقة جداااااااااااااااااااا,وا فورد ضيقة بس من ورا عشان سقفها واخد curve لتحت ,بس شكلها حلو وعلى فكرة اختبروها برة ونجحت فى الاختبار ماعدا مسالة المساحةاقتباس:
المشاركة الأصلية كتبت بواسطة mohammedwa
وهجيبلكوا اللينك ان شاء الله
ودة رائى بس خلى بالك رغم انخفاض سعر السيارة يعنى تمنها حوالى 85 الف او 88 بشوفها قليل جدا جدا جدا ودة دليل ان محدش بيجيبها,والعربية اصلا مانجتش خالص
لأ اسمحلى يا استاذ semsem ,, الفابيا انا بقيت اشوفها كتير اوى و بذات الغالى منها كمان الهى بسقف ابيض ,, و التقفيل فوق الممتاز و الخامات نضيفة ( دة الانا شايفوا )اقتباس:
المشاركة الأصلية كتبت بواسطة semsem kane
علي فكرة يا جماعة العربيتين الماني وخاماتهم كويسة جدا والي يقول غير كده يبقي مشفهمش انا رحت شفت الفابيا الي في التوكيل وكانت عربية ممتازة اعدتها مريحة والدركسيون كان فيه جلد طبيعي وكان كويس جدا اما بالنسبة للفيستا زيها بالضبط بس الفرق الجوهري ما بينهم ان الفابيا اوسع في الكنبة من الفيستا والفيستا شنطتها ضيقة جدا انما الفابيا شنطتها معقولة بالنسبة لعربية صغيرة
ياجماعة طيب اللى انا شوفتها دية اية دة انا وصاحبى معجبتناش نهائى,وبجد والله بدون حاجة محدش ركبها من الجمهور وعجبتة دة كبير وصغير انا مش عارف انتوا بتقولو كدة ازاى وبعدين انا ساكن فى وسط البلد وشغلى فى مدينة نصر ماصادفتش غير انة شوفتها من اول لما نزلت لحد دلوقتى بتاع تلات اربع مرات ويمكن كمان ببالغ
الفيستا افضل بفارق ضئيل و لولا إنها عربية أمريكية -رغم إنها تقفيل ألماني- كانت هاتبقى هي رقم واحد في إختياراتي و بعدها الفابيا (ما الواحد ما يقاطعش البيبسي و يشتري عربية) .. الحقيقة مشفتش الفيستا على الطبيعة و ما اعرفش توكيلها و لا أسعار قطع غيارها .. لكن شفت الفابيا (كل الفئات) و بختلف مع الأخ الفاضل اللي وصفها برادءة الخامات و التقفيل فخاماتها و تقفيلها ممتاز فعلا و يكفي أن موقع زي توب جير اعترف بتفوق التشيك على أقرانهم في فولكس في العربية دي .. نفس الموقع فضل الفيستا بفارق درجة واحدة عن الفابيا .. مش عارف نظام الفيستا إيه من جوه -اقصد وسع الصالون- لكن أنا طولي 195 و الفابيا كانت مريحة تماما خاصة مع هيدروليك الكراسي الأمامية و مساحة الرؤية الأمامية و الخلفية كانت مريحة جدا.
أوافق الأخ أيضا اللي قال إنتشار الاسكودا و سعر إعادة البيع فيها هايكون أفضل .. أما بخصوص توكيل سكودا فهو ليس بالسيء زي غبور و لا المميز زي تويوتا و رينو لكنه توكيل عادي و مش مقرف.
العربية لسه جديدة و التوكيل مش عامل دعاية صح لها للأسف عشان مركز مع الأوكتافيا .. ده لينك لمواصفات الفابيا عشان تتعرف عليها أكتر ..اقتباس:
المشاركة الأصلية كتبت بواسطة semsem kane
http://www.nilemotors.net/Nile/showthread.php?t=80068
حاول برضه تشوفها في التوكيل و يا ريت في المقطم عشان بيبقى هادي و تاخد راحتك في تقييم العربية.
ياباشا جديدة اية العربية نازلة بقالها 7 شهور فعلى فى المعارض وقعدوا فى الجرايد يجيبوها لمدة شهر كامل كل دة وعايزة تسويق ونزلولها امكانيات كتير جدا جدا وقعدوا يفرقوا بين ال1400 سى سى وال1600 سى سى يعنى كل واحد كان يشوف امكانياتها الل ىنازلة بيها متهيالى تضرب اى عربية كورى وسعرها ماكنش بيعدى 115 الف كاملة فول اوبشن تيبترونيك وبردة محدش جابها,وصدقنى فعلى مابشوفهاش ,يعنى السيراتو اول لما نزلت لقيتها كتير جدا قعدت بس حوالى شهرين وبعد كدة انتشرت جدا يبقى فين يقى الفابيا
طيب انتوا ممكن تكونوا بتتكلموا على الفابيا كومبى هية اة اكبر من الفابيا العادية بكتير بس بردة التقفيل واحد والخامات واحدة ,ومحدش يقارن عربيات برة بعربياتنا هنا
لأ احنا بنتكلم على الهاتشباك العادية ,,اقتباس:
المشاركة الأصلية كتبت بواسطة semsem kane
و احنا لما بنيجى نقارن ما بين هنا و برة يبقى بنقارن بين الاداء و الخامات ( لانهم واحد هنا و برة ) الحاجات المش بتخش المقارنة هى الاوبشنز عشان الاوبشنز طبعا بتفرق جامد ,,
انما فى شركة سيارات كبيرة زاى سكودا مينفعش الخامات تفرق من بلد لبلد ,,
اقتباس:
المشاركة الأصلية كتبت بواسطة semsem kane
السبب الرئيسي في عدم إنتشار الفابيا إنها أول ما نزلت كانت ب 115 ألف و جي أول ما نزلت أنا سألت عليه كانت ال 1400 سي سي و ب 115 الف غير إن النسخة الاسبورت رحت شفتها في معرض أخر عباس العقاد قالي 136 ألف جنيه فكانت غالية فعلا خاصة إنها كانت مقربة جدا من عربيات من فئة تانية زي السيفيك مثلا.
الفول أوبشن تيبترونك حاليا 121 بعد التخفيض مش 115.
بعدين العربية مش نازلة تضرب أي عربية كوري أو ياباني .. العربية نازلة تنافس كل الماركات .. بغض النظر كوري أو أوروبي .. وده الكلام اللي مكتوب عنها في كل مكان.
مش بتكلم على الفابيا كومبي و مش بقارن العربية بره و هنا و لو حضرتك رحت التوكيل و شفتها و شفتها على النت هتلاقيهم واحد في كل المواصفات عدا ال gps اللي إتشال من العربية قبل رغع الحظر عنه.اقتباس:
المشاركة الأصلية كتبت بواسطة semsem kane
و فعلا تقفيل العربيتين واحد و خامتهم واحدة.
أخر حاجة .. عدم إنتشار العربية مش دليل أبدا على إنها مش عربية كويسة خاصة في سوق زي مصر. و إلا أصبحت الأودي عربية سيئة رغم إن في منها فئات بنفس أسعال الباسات و البي إم دبليو. نفس الكلام ينطبق على الرومستر و الفرق الكبير بينها و بين الماتريكس و رغم ذلك الماتريكس منتشرة جدا .. لاحظ هنا إني بتكلم على الرومستر أول فئة اللي 87 ألف مش أعلى فئة.
شوف كلنا عارفين موضوع الاودى بل بالعكس بقيت بشوفها كتير جدا ودة معناة انها بدأت ترجع لان فعلا الاودى بحبها جدا وعربية محترمة بجد ,
بس معلش ماتجيبش عربية ب280 الف وتقول خليها تنتشر بردة مش كل الناس معاها المبلغ دة لكن 88 او 100 الف فى عربية عادى جدا يبقى الاسكودا لية مش ظاهرة فى السوق طالما هية حلوة كدة وسعرها قريب جدا او يوازى سيارات كورية زى الافيو والاوبترا والنوبيرا ماكل دة سعرهم بيتراوح من 80 الى 89 بالفتيس الاتوماتيك يبقى اجيب بقى استيبترونيك فابيا 1600 مش هتعمل غير 90 الف وراكب عربية زى مابتقولوا خامات وجودة تقفيل وعالمية وسيارة جميلة جدا,شوف اكيد فية غلط فى الموضوع انتوا بتقولوا حاجة وانا والناس اللى ركبت العربية بتقول حاجة تانية خالص
عموما شكرا لارائكوا ودية مناقشة عادية ,ان العربية ركبتها بس لكن ماسوقتهاش وشوفتها على الطريق عاملة ازاى وصدقنى لو صادفت ولقيت واحد راكبها هاسالة العربية عاملة معاة اية ,بس والله انا مابشوفها الا نادرا يعنى ممكن مرة فى الشهر وممكن يعدى الشهر من غير ماشوفها خالص
يا باشا دى طبعا مناقشة عادية ,,اقتباس:
المشاركة الأصلية كتبت بواسطة semsem kane
انا بس الاستغربتلوا ان كل الناس الاتكلموا على الفابيا قالوا انها كويسة ,,
بس مشكلة انها مش منتشرة دى عشان العربية اول لما نزلت كانت غالية ,, فالناس عرفت انها غالية و بعدت عنها ,, بس مش كل الناس دى بتابع الاخبار و متعرفش ان العربية سعرها نزل جامد كدة
و انا سعيد بالمناقشة معاك:Y_hi_3[1]:
سيبنا من من الأودي اللي فعلا نادرة جدا في السوق و مش بشوفها كتير .. السيفيك نفسها مكنتش منتشرة رغم إنها واحدة من أفضل العربيات في الفئة بتاعتها و ما انتشرتش -نسبيا- إلا بعد نزول أسعارها .. أعتقد إننا مش هانختلف على إن عدم إنتشار عربية مش هو السبب اللي يخليها وحشة أو الدليل على إنها وحشة.اقتباس:
المشاركة الأصلية كتبت بواسطة semsem kane
الشي اللي محيرني فعلا إنك مصمم إن فيه حاجة غلط في الموضوع من غيرما تقول إيه الحاجة الغلط و لا أعتقد أبدا إن المسألة في جودة الخامة خاصة و أن خامات الأفيو أو الابترا أو غيرهم في نفس الفئة السعرية ليست أفضل من خامات الفابيا 1400 ناهيك عن الفابيا 1600 الاسبورت ..
حاجة تانية حضرتك بتقول إنك ركبت العربية و انا كمان ركبت العربية في كل فئاتها بس حضرتك أضفت لرأيك بقية أراء الناس التانية اللي للأسف ملقتش عند معظمهم -على الأقل هنا في المنتدى- نفس رأيك.
أخيرا شاكر ليك إهتمامك بالرد.
ملحوظة: الفابيا 1600 ستيبترونك مش ب 90 ألف دي ب 110 و الاسبورت بتاعتها ب 121 إنما الفابيا 1400 هي اللي ب89 ألف.
الحاجة الغلط انى شوفت حاجة وكان معايا مجموعة من الاراء بتؤيدنى من مختلف الاعمار ,وكمان صاحبى اللى معايا ولقيتكوا بتقولوا حاجة تانية خالص,اقتباس:
المشاركة الأصلية كتبت بواسطة beihoo
بس انا هاقولك حاجة هو فية حاجة غريبة بتحصل ان موديلات 2009 كلها بقى مستوى خاماتها وتقفيلها سىء جدا مقارنة بالسنة اللى قبلها ودة اللى لاحظتوا فى الكورى بالذات ,وخاصة هيونداى وكيا وهيونداى على وجة الاخص عموما احترم رايكوا جدا جدا وكل من شاركوا بالموضوع ,وكل واحد بيقول راية فى العربية بس انا استغربت من حاجة من الاخ اللى بيقول طولة 195 بسم الله ماشاء الله وبيقول انة كان قاعد مرتاح جدا ,مش عارف ازاى لائما اللى كان سايق طولة 170,مالهاش غير كدة لانى قعد فيها كانت ضيقة جدا جدا خاصة انى قعد قدام وقعد ورا على نفس ظبطة الكرسى كنت قاعد مش مستريح خالص ودماغى فى السقف ورجلى مزنوقة جدا
وبردة الفورد كانت كدة وكانت اضيق على فكرة من الفابيا بشكل واضح
زي ما قلت لك قبل كده زي ما إنت بتقول معاك مجموعة من الأراء بتأيد وجهة نظرك .. انا برضه معاي مجموعة من الأراء بتأيد وجهة نظري ..اقتباس:
المشاركة الأصلية كتبت بواسطة semsem kane
أعتقد مفيش داعي للإستغراب إني طولي كان 195 و كنت مرتاح فيها فعلا خاصة لما نزلت الهدروليك بتاع الكرسي .. اللي قعد ورايا رجله كانت لامسه ضهر الكرسي لكن مش الخبطة اللي تضايق .. بص هاقولك حاجة .. العربية مش معايا و لا سكودا بتديني فلوس عشان أعملها دعاية فإيه الداعي إني أكذب لو ده اللي بتلمح ليه .. انا شفت ليك تعليق قبل كده على التيدا و تقريبا طلعتها علية صفيح واسعة شوية :)) .. من الواضح إنك ليك مواصفات خاصة جدا في العربيات مش زيي يعني .. يعني عندك High expectation.
ممكن اعرف مكان توكيل فورد ؟
عند البنزينة بعد انبى بشوية فى شارع ذاكر حسين فى مدينة نصراقتباس:
المشاركة الأصلية كتبت بواسطة eman_249
اقتباس:
المشاركة الأصلية كتبت بواسطة beihoo
على فكرة ياباشا دى كلها مناقشة يعنى ولا بطلعك كداب ولا اى حاجة وانا عارف ان كل واحد بيشوف العربية اللى قدامة من وجهة نظرة والا ماكنش فية حد اشترى الا نوع واحد من العربيات بس,لو كلنا اراءنا واحدة ,بس انا ممكن حاجة تعجبك متعجبنيش ممكن اكون انا تعود على حاجة مالقتهاش ,كدة يعنى وانا بردة مش معايا الفابيا ولا اعرف حد معاة حتى عشان اقول عليها كلمة وحشة عشان خاطرة ,بس دية تجربتى معاها انا وصاحبى ,وعلى فكرة والله انا ممكن اقابلك ونطلع على اى توكيل فية سكودا ونجرب العربية من جوة ونشوف انى بتكلم صح مش غلط,ودة والله اللى انا جربتة وشوفنة انا وصاحبى يعنى مش رائى لوحدى
وبالنسبة لموضوع التيدا,انا ماقولتش انها وحشة بالعكس العربية الةحيدة اللى عجبانى وسعها وبجد اوسع عربية ركبتها فى الفئة دية ,وحكاية شكلها الناس كلها متفقة ان شكلها مش قد كدة ,وانا اللى اتكلمت فية عن التيدا كانت كلها تجارب واقعية لان العربية مع صاحبى,وكل يوم بركبها وبسوقها,
وهو متعود على القرص يعنى نفسى مرة الاقية ماشى هادى ,على طول حرق على الكيك داون ,
وقولت عيوب العربية ومميزاتها ,وعيوبها انها مش ثابتة ودة طبيعى لانها عالية ,العربية سحبها مش اوى :يمكن بالنسبالى لانى معايا سيفيك sir وبجيب 100 فى 6. ثوانى وكسر يعنى لم اركب عربية اقل ممكن اكون حسيت بالشعور دة ,
صاحبها نفسة معترف بالعيوب دية انا هاقول اية
والله مافية كلمة بقولهالك الا وصاحبها هو كمان مقتنع بيها
ياجماعة انا مش هاقول حاجة من غير ماكون مجربها ,ولو بعمل كدة يبقى اكيد لازم هابان انى بكدب او بألف
وشكرا ليك جدا ولمشاركاتك الجميلة ومتزعلش منى اذا كنت فهمت منى اى سوء بس والله ماقصدت اى حاجة من اللى انت كتبتها خالص احنا كلنا اخوات ولازم نحترم بعض
ياريت اكون قدرت افهمك موقفى من السياراتين