ادخل شوف مميزات وعيوب البرج بتاعك...

**jisso82** · 22-06-2009 08:54 AM

المشاركة الأصلية كتبت بواسطة نور العمر

أنا ليا رأي
فيه فرق بين الصفات البرجية ( ده علم )

وبين ... حظك اليوم وبكرة والسنة دي ( ده تنجيم )

انا بحب علم الابراج ... وساعات بيعلمني افهم ابعاد الشخصية إللي قدامي ... والصفات البرجية 90 % بجد متوافقة مع اصحاب البرج الواحد على مستوى العالم

أنا بتكلم على فكرة عن الصفات البرجية و عايز أعرف علم مبنى على أى أساس بمعنى إيه الأساس النظرى اللى اتبنى عليه العلم ده؟؟؟؟؟

و بعدين أنا هديكى مثال صغير اقرى فى الأبراج مرة بحيادية كتاب ما قريتيهوش قبل كده و ليكن فى الأبراج الصينية مثلا لأنها مختلفة شويه بس عايزك تقرئى أى برج من غير ما تعرفى البرج ده بيمثل أنهى فترة زمنية و أراهنك إنك هتلاقى مثلا 20 صفة متوزعة تقريبا كالتالى:
5 صفات مثالية و اللى مش نفسه إنها تبقى أو بيوهم نفسه إنها فيه (انت مخلص جدا للى بتحبه)
5 صفات عايمة زى مثلا أنت هادىء فى أحيان كثيرة و لكن لما تتعصب اتقى شر الحليم إذا غضب
5 صفات لها علاقة بردود أفعال طبيعية (انت لما بتعطش بتشرب و لما تكون مستعجل بتمد إلى آخره)
5 صفات بعيدة نسبيا عنك أو حتى جزء منهم فتلاقى إن 90% فعلا بنطبقوا على الشخص.

ده غير علم التوافق اللى هو برج إيه يتوافق مع برج إيه أهو ده لوحده ينسف تماما صدق علم الأبراج للى بيصدقوه لأنه جزء منه و لا إيه
فى الجزئية دى للى ما قرأوش فيها علم الأبراج بيقول حسب نوع البرج هوائى و لا مائى و لا تربى ولا نارى إن فى توافقات حسب أنواع الأبراج و إن اتنين من برجين غير متوافقين لا يمكن يرتبطوا و إن ارتبطوا لا يمكن يتفقوا و هيفضلوا فى مشاكل لحد ما يصححوا الوضع و ينفصلوا على فكرة أنا مش بسخر المرة دى ده أنا شفته فى كتاب فعلا و بالمناسبة كان بيقول وقتها إن أكتر برجين ما يتوافقوش البنت الأسد و الولد الجوزاء لاعتبارات لها علاقة بالسيطرة و القوة و الهوائية و حاجات كتيرة فى صفات البرجين المهم إحنا كنا ولدين و بنتين فى الكلية بنقرا الكتاب بضحك طبعا و أقسم بالله اللى هقوله ده حقيقى و يمكن يكون ربنا قدر الصدفة دى عشان يثبت فى دماغنا المثال البنتين كانوا أسد و أنا و زميلى كنا جوزاء و على فكرة زميلى كانت مرتبط ببنت منهم و الحمد لله اتجوزوا بعد الكلية و التانية كانت أنتيمتى و مازلنا أصدقاء لحد دلوقتى

**Abo.Omar** · 22-06-2009 09:10 AM

الابراج دى اى كلام وخلاص
وللاسف الناس بتجرى ورا اى حاجه حاجه وبتؤمن جدا موضوع الابراج دا وللاسف مجال غايه فالسذاجه

**SeiffoZ** · 22-06-2009 01:34 PM

الأبراج هجس كبير و مالوش أى لازمة ... التنجيم و خلافه ..

لكن فى علم فلك ... بمعنى إن إنت أى حاجة بتحصل فى الكون بتأثر على الباقى ..

علم الفلك ساعاتت بتكون كواكب نجوم فى وضع معين بتأثر على تركيب جزئية فى المخ فبطلع الصفات دى ..

(خصوصا الصفات لما بتتناقش باليوم) ...

هى ليها أبحاث و جرب تقرأ الأبحاث بتاعتها المعمولة فى أوروبا و أمريكا لأنهم بيتكلموا علميا مش شعوذيا ..

و شوف هل الكلام منطقى ولا لأ .. لأن فى تفاصيل معينة عن إزاى تأثير قوة مغنطيسية معينة بيأثر على تركيب المخ فبيطلع الشخص ليه خصائص معينه ...

و شوف كده هيعجبك الكلام ولا لأ ... بس مطروحش تقرأ كتاب برجك إيه إللى بيتباع على الرصيف و الكتب التعبانة ..

إقرأ أبحاث علمية خارجية فقط لا غير ...

و حضرتك سمعت عن ال Butterfly effect ... دى مشابهة لموضوع الأبراج!

**نور القمر** · 22-06-2009 01:40 PM

انا برج العقرب ودي صفاته

برج العقرب

المميزات
1.ظبط النفس
2.التصميم
3.الشجاعة
4.الثقة بالنفس
5.الابداع في العمل
6.قوة المشاعر
7.التوجه العلمي

العيوب
1.حب الانتقام
2. التكتم والغموض
3.العنف
4.الشك
5.التطرف احيانا
6.التهكم والسخرية

في المميزيات اكثر من حاجة من منطبقه عليا زي ظبط النفس او الشجاعة او التوجه العلمي
والعيوب كمان على سبيل المثال معنديش خالص حب الانتقام واستحالة موضوع التهكم والسخرية

**jisso82** · 22-06-2009 02:16 PM

المشاركة الأصلية كتبت بواسطة نور القمر

انا برج العقرب ودي صفاته

برج العقرب

المميزات
1.ظبط النفس
2.التصميم
3.الشجاعة
4.الثقة بالنفس
5.الابداع في العمل
6.قوة المشاعر
7.التوجه العلمي

العيوب
1.حب الانتقام
2. التكتم والغموض
3.العنف
4.الشك
5.التطرف احيانا
6.التهكم والسخرية

في المميزيات اكثر من حاجة من منطبقه عليا زي ظبط النفس او الشجاعة او التوجه العلمي
والعيوب كمان على سبيل المثال معنديش خالص حب الانتقام واستحالة موضوع التهكم والسخرية

فكرة جامدة جدا يا ريت باقى الأعضاء اللى متابعين الموضوع كل واحد يدخل و يقول بأمانة ما ينطبق و ما لا ينطبق عليه من صفات برجه و هبدأ بنفسى

**jisso82** · 22-06-2009 02:30 PM

المشاركة الأصلية كتبت بواسطة Ahmed20_08nubira

برج الجوزاء

المميزات
1.قوة العاطفة
ماشى
2.الخيال المبدع
ممكن
3.قوة المشاعر
إيه الفرق الرهيب بينها و بين قوة العاطفة
4.الذكاء
الحمد لله بس دى مش صفة شخصية دى هبة ربنا بيديها للناس
5.الحركة الديناميكية
مش واصلالى لو تعنى متحرك و أكتيف أوقات كتير ممكن
6.قوة الاقناع
أعتقد دى أقوى صفة فيا
7.سرعة التكيف مع اي مجتمع
مش عندى إطلاقا أنا كنت انطوائى جدا و بحاول بالتدريج أغير من نفسى شوية.
8. قوة التعبير
قد تكون تعبيراتى قوية لكن أنا مش جرىء كفاية عشان أقولها
9.حب الاستطلاع
لو العلمى ممكن بس الفضول أنا أبعد ما أكون عنه

العيوب
1.التعجل
مش فيا خالص أنا متأنى جدا فى اتخاذ قراراتى و باخد وقت طويل فى التفكير خصوصا لما تبقى حاجات مصيرية
2.الثرثرة
طبعا عمركم ما شفتم حد انطوائى و خجول ثرثار فى نفس الوقت
3.التشتت الذهني
أنا أكبرعيوبى إنى مركز فى كل حاجة زيادة عن اللزم و ما ببطلش تفكير لدرجة إنى قلما أعرف أستمتع باللحظة
4.عدم المواظبة
على إيه بالظبط (بس يعنى لو على تجاربى الرياضية الفاشلة ممكن تمشى)
5.السخرية
أكتر حاجة بكرهها فى الدنيا و بتتعبنى بجد أشوف حد بيسخر من حد
6.العصبية
أنا هادىء جدا بشهادة الجميع و لا أستثار بسهولة
7.الهروب من المسؤلية
طبعا مش هينفع أشكر فى نفسى بس والله دى آخر حاجة ممكن تطلع فيا أنا ما بهربش من المسئولية حتى لو كانت كلمة عابرة

**HeMa_LanCeR** · 22-06-2009 02:40 PM

المشاركة الأصلية كتبت بواسطة نور العمر

أنا ليا رأي
فيه فرق بين الصفات البرجية ( ده علم )

وبين ... حظك اليوم وبكرة والسنة دي ( ده تنجيم )

انا بحب علم الابراج ... وساعات بيعلمني افهم ابعاد الشخصية إللي قدامي ... والصفات البرجية 90 % بجد متوافقة مع اصحاب البرج الواحد على مستوى العالم

انا مع رأي حضرتك
اصل انا يعني لما اعرف ان واحد موافق برج الأسد مثلا وقريت انه عصبي وحنين والكلام ده وصدقته شايف ان مافيهاش شرك بالله ولا الكلام ده
بس لما مثلا تقري حظك اليوم انك سوف تجلب فلوس كثيره اليوم (مثلا) ده فعلا اللي ممكن يكون شرك بالله لأنه بيقولك حاجه في علم الغيب ولا يعلم الغيب غير الله سبحانه وتعالي
وده رأيي باردوا

والله أعلم ,,,,,

**ahmad--ezzat** · 22-06-2009 05:32 PM

على فكرة يا جماعة انا برج الدلو وتقريبا كل اللى مكتوب منطبق عليا...بس برضو اكيد الموضوع دة نفسى يعنى لو مثلا قريت برج الاسد وختو على نفسك هتلاقيه ماشى معاك ولا اية.؟

برج الدلو

المميزات
1.الابداع
2.النزعة الانسانية
3.التسامح
4.قوة الحدس
5.الذكاء
6.الصداقة
7.الفردية الحرية

العيوب
1.غرابة التقلبات
2.الملل من التفاصيل
3.العصبية
4.االبرود العاطفي
5.التمرد
6.المزاجية

**نور العمر** · 23-06-2009 09:37 PM

برج القوس

المميزات
1.الاستقامة
2.المثالية
3.الاتساع الفكري
4.العمق
5.الطيبة
6.الصراحة
7.قوة الملاحظة
8.الكرم
9.محبة الرياضة

المميزات منطبقة عليا ... وإللي يعرفوني يحكموا ... بس للأسف ... مش بحب أمارس الرياضة .. لكن بعتني بالرشاقة طبعا ...

العيوب
1.الجدال
2.عدم الصبر
3.المغامرة
4.الانفعال
5.المبالغة
6.الثرثرة وكثرت الكلام

المغامرة موجودة بس بنسبة ضعيفة وبتقل مع تقدم السن الحمد لله .. الثرثرة وكثرة الكلام ... ممكن بقيت افضفض كتيير شوية .... بس مش رغاية قوي يعني

من الآخر ... صفات متقاربة مني فعلا .. وقريت أكتر من كتاب وأكتر من مقال وأكتر من موقع ابراج عن برج القوس .... مفيش فايدة ... 95% متطابقة

**Ayman_52** · 24-06-2009 04:12 AM

برج العذراء

المميزات
_______

1.النشاط

-مش اوى يعنى (اوقات اوقات)-

2.التنظيم

-تمام-

3.الاجتهاد

-اوك-

4.النظافة

-اشطه-

5.المثابرة

-ماشى-

6.التوجه العلمي

-يعنى-

7.الدقة

-100 100-

---

العيوب
____

1.التشكك والريبة

-صحيح-

2.الانتقاد

-بالتاكيد-

3.عدم لقدرة على الدفاع عن المواقف

-مش فاهم اوى؟؟؟-

4.الانانية

-لا مش فيا-

5.الكآبة

-تمام-

6.عدم القدرة على الاقناع

-هو دا الكلام-

الموضوع: ادخل شوف مميزات وعيوب البرج بتاعك...

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مميزات وعيوب i 30

مميزات وعيوب

مميزات وعيوب

مميزات وعيوب

ادخل و شوف ايه اللي بيحصل في الكمبيوتر بتاعك و هو مطفي

الكلمات الدلالية لهذا الموضوع

المفضلات

المفضلات

ضوابط المشاركة