الموضوع: نيو سيراتو 2009 ولا كورولا 2009

المشاركة الأصلية كتبت بواسطة mohammedsamirabdeen

هم لسه لاحقوا يسلموهم علشان تنتشر ؟؟؟؟وبعدين السيراتو تستبعد ليه ؟؟؟وبعدين يعني تقفيل الكورولا هو اللي عدل اوي كلها مشاكل خاصة في الفيتيس واهم هايرجعوا تاني الفتيس الاتوماتيك العادي وكمان في كلام ان الكورولا بعد كده هتكون تقفيل تايلندي .....انا مش متحيز بس مستغرب ان الناس بتقول دي السيراتو زبالة ...انت راميت فلوسك ...دي كوري ....دي مقلب ...دي متنافس اصلا ....كل الهجوم ده ليه امال لو اتجمعت في مصر ولا حتى في السودان هتعملوا ايه ...التويوتا محترمة ومحدش قال حاجة بس ما يمنعش ان حتى الكيا تنافسها وبلاش فقر خامات وبلاستيك وصاج ورق كل الجديد كده

انا قولت راىء شخصى مش عارف انت متعصب كدا ليه!!!!!!!!!!
انت متاكد انك ركبت الكورولا قبل كدا انا واثق انه لا
لان ابسط حاجه ان تقفيل الكورولا افضل من السيراتو ب 10 مرات على الاقل
الفتيس ما فيهوش اى مشاكل والعربيه معايا 30 الف كيلو وبشد وبحول على المانيوال وعلى الوضع الرياضى وبعدى بيها 200 كثير والفتيس زى الفل ولا عمره قال لا
ما حدش قال خالص انها هتنزل تايلندى زى ما هى جنوب افريقى
بالنسبه لفقر الخامات ده شىء اكيد اركب الاثنين وقول رايك وبلاش تحيز
بس فعلا فعلا محدش بيشترى السيراتو ويسيب الكورولا ابدا
ده اعلى فئه فى السيراتو ب 126 الف واقل فئه فى الكورولا 2010 اوتوماتيك ب 145 الف
تحياتى

بس يا باشا انا عندى الكورولا الجنوب أفريقى وما شاء الله العربية ممتازة فى كل حاجة

وعلى فكرة تقفيل الجنوب افريقى ممتاز ولا يقل على اليايانى وأسال ملاك العربية محدش طلع عيب فيه على الاطلاق

مع احترامى للسيراتو
بس الكورولا تكسب و بتفوق تااااام

يا جماعة الخير ببساطة شديدة ، اللي ممعوش غير فلوس السيراتو يشتريها وهي عربية حلوة حتى الان كشكل خارجي فقط والداخلي احسن تشوفه بنفسك لأن فيه ناس لا تحتمل ان تضحي بالخامات الداخلية واللي هوه المكان اللي انت بتعيش فيه طول ما انت راكب العربية والشكل الخاجي بيكون للي ماشيين جنبك ، غير كده هي كعربية لم تختبر ولسه كام شهر لما نقول رأي فيها ولكنها ليست طفرة عن السيارات الكورية المعتادة ، ولكن لو هتشتريها اعلى فئة " رأي الشخصي " حرام لأنك مش هتحس ابدا انك راكب عربية ب 126000 جنية وحتى لو ممعكش غيرهم وعاوز تجيب عربية كمالياتها كتيرة وده اللي مخليك مغمي عنيك عن فروق كتيرة اساسية ، احسنلك تشتري حاجه نضيفة بالمرة ويبقى حاجة من الاتنين ، يا تقسط فرق الفلوس اللي مش هيكون كتير ، يا تشري كسر زيرو ،

دي وجهة نظر شخصية وبقولها عن اقتناع تام وليس تحيز لصناعة او غيره ، ولكن الواقع بيقول كده ، وكل واحد عقله في راسه

المشاركة الأصلية كتبت بواسطة justs

يا جماعة الخير ببساطة شديدة ، اللي ممعوش غير فلوس السيراتو يشتريها وهي عربية حلوة حتى الان كشكل خارجي فقط والداخلي احسن تشوفه بنفسك لأن فيه ناس لا تحتمل ان تضحي بالخامات الداخلية واللي هوه المكان اللي انت بتعيش فيه طول ما انت راكب العربية والشكل الخاجي بيكون للي ماشيين جنبك ، غير كده هي كعربية لم تختبر ولسه كام شهر لما نقول رأي فيها ولكنها ليست طفرة عن السيارات الكورية المعتادة ، ولكن لو هتشتريها اعلى فئة " رأي الشخصي " حرام لأنك مش هتحس ابدا انك راكب عربية ب 126000 جنية وحتى لو ممعكش غيرهم وعاوز تجيب عربية كمالياتها كتيرة وده اللي مخليك مغمي عنيك عن فروق كتيرة اساسية ، احسنلك تشتري حاجه نضيفة بالمرة ويبقى حاجة من الاتنين ، يا تقسط فرق الفلوس اللي مش هيكون كتير ، يا تشري كسر زيرو ،

دي وجهة نظر شخصية وبقولها عن اقتناع تام وليس تحيز لصناعة او غيره ، ولكن الواقع بيقول كده ، وكل واحد عقله في راسه

العربية طفرة فعلا عن الكوري

اعلى فئة هي الوحيدة اللي تتركب و هتحس ان 126 قليل عليها

الخامات اللي تصل اليها يدك في الهاي لاين هى ذات جودة عالية كلها جلد تقريبا

و بلاش تكرار حتة " اللي مامعاهوش فلوس يجيب سيراتو" انا ميزانيتي للعربية كانت واصلة لـ150 الف

يعنى قدامي تقريبا كل حاجة

و اخترت السيراتو الهاي لاين و خليجي و اغلى 8 الاف من الوكيل (134 الف) ومازلت غير نادم ابدا

ولو كنت ندمت مش هاتكسف أبدا اني احذر الناس من العربية لأنها سنة ولا اتنين ان شاء الله كده كده هاتتغير

المعنى الل عايز اوصله ان ممكن افضل السيراتو على الكورولا و السيفيك و ما يكونش المفتاح قلة الفلوس


مش هاشوفك بقى