بتعمل 135 كيلو في الصفيحة ده بعد تغير الرشاشات
عرض للطباعة
طيب ماتحط العربيه على الأسكانر ............لأن ممكن تكون مشكله برضه فى حساس الشكمان .............وبعدين فيه برضه موضوع مثبت فوق للبيانات المطلوبه وقت التشخيص ........حيفيدنا جدا فى تقريب الحل الأمثل برضه
رشاشات الهيونداي موفرة جداً عن تجربة
اولا شاكر جدا مشاركتكم الفعالة دي
ثم فعلا انا ها شوف موضوع البيانات المطلوبة واعرض كل المعلومات المتاحة
بس ايه موضوع حساس الشكمان علشان العربية فيها علبة شكمان اللى بيقولوا عليه تربو انا اصلا عايز اعرف هو بيعمل ايه غير انه يعلي صوت العربية وهل ده له علاقة بأكل البنزين وما عمل حساس الشكمان
على فكرة في حاجة تانية لاحظتها ان العربية اول ما ادورها بتطلع دخنة بيضا مرة واحدة زي ماتكون مكتومة وبعد كده مافيش دخنة بيضا والحمد لله بس في ريحة بنزين ني على طول
وشكرا
يا أخى ....لا شكر على واجب وكلنا بنفكر مع بعض من أجل الصالح العام وبنتعلم مع بعض مش أكتراقتباس:
اولا شاكر جدا مشاركتكم الفعالة دي
هو كل مازادت البيانات .....كل ماكانت فرصة وضع اليد على الحل الأمثل أفضل طبعا ..........يمكن نلاقى حاجه نمسكها ويكون فيها المراد بأذن الله .........لأن عملية التشخيص معقده فعلا ......وليها أحتمالات كتير جدا ............اقتباس:
ثم فعلا انا ها شوف موضوع البيانات المطلوبة واعرض كل المعلومات المتاحة
لا هو حساس الشكمان غير التربو خالص ( حساس الشكمان بيكون راكب على نهاية فرن الشكمان ) لضبط نسبة الهواء للبنزين http://www.nilemotors.net/Nile/showthread.php?t=74715 ............أما التربو فده لتزويد قدرة المكنه والأستفاده من العادم الخارج من المكنه بتحويله الى قدره ميكانيكيه على ريشة توربينة التربو ....لتشغيل ريشة الكمبروسور المحورى المركب على نفس عمود التربو ( بتكون ريشة الكمبروسور بعد فلتر الهواء ).....أما ريشة التوربينه بتكون واخده العادم من المكنه قبل مايروح للشكمان ..............اقتباس:
بس ايه موضوع حساس الشكمان علشان العربية فيها علبة شكمان اللى بيقولوا عليه تربو انا اصلا عايز اعرف هو بيعمل ايه غير انه يعلي صوت العربية وهل ده له علاقة بأكل البنزين وما عمل حساس الشكمان
لا كده المفروض برضه تراجع الأول على دورة الأشتعال ( بوبينا وبوجيهات وكابلات بوجيهات ) ومعانا موضوع الطلمبه ............خليه على جنب دلوقتى ........على ماتشوف كفاءة دورة الأشعال ......طالما أنت مطمن للرشاشات ..........وعلى ماتقارن صوت الطلمبه برضه بلانوس تانيهاقتباس:
على فكرة في حاجة تانية لاحظتها ان العربية اول ما ادورها بتطلع دخنة بيضا مرة واحدة زي ماتكون مكتومة وبعد كده مافيش دخنة بيضا والحمد لله بس في ريحة بنزين ني على طول
وشكرا