الموضوع: وضاع الحلم ياولدي خسرت مصر

طيب فين حمص ؟؟ ملعبش ليه ؟؟

الحضرى انهردا بصراحه شال شوية كور حلوه بس جه للآخر وزهق هيشيل ايه ولا ايه ؟؟

1- احمد فتحى اول ما لعب كان زى قلته معملش اى حاجه تذكر غير انه عور الحضرى فقط
2- احمد عيد أنانى بصورة مستفزه وكمان رجله مخرومه
3- عبدالغنى لسه صغير وكان بيجي ورا الكوره وخلاص
4- احمد شوقى راجل محترف وخايف على نفسه (احسن واحد يعمل فيلم لو حد لمسه ) وعلى فكره الكارت الاولنى الل خده الامريكان الواد ملمسوووووووووووووووش
5- المحمدى على ما يلعب الكوره تكون اللعيبه كلها اتمسكت خلاص ووشه بصراحه زى الفل على المنتخب وكان السبب الرئيسي فى هزيمتنا مع البرازيل ( ومحدش يقول الكوره كانت هتخش جون عشان ده خطئه من الاول المفروض بيبقى فيه اتنين لعيبه كل واحد فيهم بيمسك قايم فى الضربات الثابته والكورنلات بيكون كل واحد فيهم ملتزم بقايم والجون بيبقا قدمهم يعنى لو كان التزم بمكانه جنب القايم مكنتش جت فى ايده او لو كان لعبها علطول ومعملش التمثليه الل عملها دى كانت هتعدى عشان الحكم مكنش شافها لكن ازاى فرصة جاتله للتمثيل يسبها كده ؟؟
6- اوكا مكنش ليه اداء خالص واقدر اقول بكل ثقه انه كان متابع جيد جدا للماتش ( كان قاطع تذكرة وواقف يتفرج )

شاطرين بس يجيبو نسوان حراميه عشان يفضحونا هناك
وبطول الماتش مش قادرين يجرو وملهمش مزاج يخشو على الكوره الامريكان كانو بيخشو على الكوره ياخدوها بدون اى مقاومه

الباقيين
الحاضرى ووائل جمعة وحسنى عبدربه وابوتريكه عملو مجهود لكن كانو بيلعبو لوحدهم

وهوا تلاته ؤدام امريكا احسن من داسته ؤدام اسبانيا

الحمد لله
متتصوروش الواحد كان قلقان ازاى على منتخبنا العزيز اد ايه دنا كنت فاكر ان العين صابته ولقيته كان عمال يناطح مع فرق جامدة واوهمنا انه حاجة لدرجة انى فعلا افتكرت انه حاجة بس الحمد لله الحمد للهمنتخبنا رجع لمستواه تانى والواحد ارتاح واطمن عليهم هو دا منتخبنا المصرى فعلا واحلى حاجة عجبتنى جدا الاعلان بتاع بيبسى اللى اذاعوه بين الماتشين ان امريكا حتفوز على مصر -هو صحيح الفرق مش كبير - بس بصراحة توقعاتهم جامدة يعنى 4/0 مفرقتش عن 3/0

انا شايف ان احسن واحد لعب فى الماتش دا هو حسن شحاتة

وكل ماتش وانتوا طيبين

قاعديييين لييييه ماتقوموا تروحوا

أمتنع عن التعليق عن الماتش و المنتخب

هو ايه اللى حصل سمعت ان حسن شحاته شتم عمرو اديب على الهوا
حد متابع قناه اليوم دلوقتى يقولنا ؟؟

المشاركة الأصلية كتبت بواسطة draonx

يا جماعة ده اسلوب منتخب مصر فى اللعب لازم الفريق الى قدامك يركب الماتش من اوله لاخره و مصر تدافع و تخطف هدف و الدليل ماتش ايطاليا و امريكا و فى كاس الامم ماتش كوت دى فوار كسبناهم 4 علشان هم الى ماسكين الكورة و اخر ماتش فى المجموعات لما فكرت انك اقوى من زامبيا اتعادلت 1-1
المفروض اننا نكون اتعلمنا الموضوع ده من زمان ان احنا مبنعرفش نمسك الكورة و نفتح اللعب و نضغط الفريق الى قدامنا
وعادى يا جماعة النهاردة كان عرض فيلم دكان شحاته و اللاعبين عملو دور هيفاء

استاذ والله
منتخب مصر بيلعب دفاع و هجمات مرتده منظمه لما يكون الفريق اللي قدامه ضاغط عليه انما لما يلاقي الفريق اللي قدامه مش عاوز يهاجم بيضرب لخمه و ميعرفش يلعب زي ماتش الجزاير تمام و ماتش النهارده
كاني بتفرج علي نسخه مكرره من نفس الماتش
بس خليك واقعي مصر بالمنظر ده عمرها ما هتتأهل لكاس العالم نهائي

المشاركة الأصلية كتبت بواسطة kodak_gti

هو ايه اللى حصل سمعت ان حسن شحاته شتم عمرو اديب على الهوا
حد متابع قناه اليوم دلوقتى يقولنا ؟؟

انا شوفت البيت بيتك وكانو متصلين بأحمد حسن بعد ما قفل مع عمرو اديب بصراحه دمى انحرق
بيهددو انهم مش هيلعبو فى المنتخب تانى يا سلااااااااام ؟؟ من فلاحتهم اوى يغورو فى 60 .....
لا وبيقول الناس بتعمل ايه لمصر احنا الل بنتعب ونشقى علشان مصر واحنا الل بنفرح مصر بقلنا 5 سنين
الناس دول فكرين نفسهم ايه ؟؟ ابطال قوميين ؟؟ مهو الحق مش عليهم والله العيب فينا احنا اللى بنديهم أكبر من حجمهم

وهما يعنى لما بيلعبو فى بطولات دوليه بيبقى علشان مصر ولا علشان ينجمو نفسهم وكل واحد يزيد تمنه لملايين ومع اول فرصه يطير على اول نادى اوروبى يبصله والجوايز الماليه اللى بتتحدف عليهم من كل حتها مين الل بياخدها شعب مصر ولا هما ؟؟
يعنى هما المستفدين فى الاول والاخر من المنتخب مش المنتخب اللل بييستفاد منهم
وقبل ماتش البرازيل مردوش يدو اى تحقيق اعلامى الا لأبن حسن شحاته عشان كان شغال تبع قناة فضائيه

الناس دى فاكره نفسها ابطال قوميه بجد ده العلماء واساتذة الجامعة مش بيخدو واحد على الف من اللى دول بياخدوه سواء من الجانب الاجتماعي او المادى
بس ارجع واقول العيب مش عليهم العيب مننا احنا