وضاع الحلم ياولدي خسرت مصر

**MoToRiZeR** · 22-06-2009 04:50 AM

المشاركة الأصلية كتبت بواسطة tito17182

يا جماعة أنا مقصودش اجرح بس أنا شوفت الناس دي بعيني
عشان كدة بقول عليهم
عشان الناس دي شخصيات عامة
مش حد عادي
يعني لازم يتعرف بيعملو إيه يمكن نستفيد

مصدقينك طبعاَ.
و حضرتك كنت بتعمل إيه هناك ؟

**Dr_Smart** · 22-06-2009 05:42 AM

بصوا يا جماعه عمرو أديب طبعا غلطان انه عايز يقنع الدنيا كلها بكلام جرايد بدون دليل مادي أكيد خاصة انه بيتكلم في الشرف وده اخر حاجه نتكلم فيها بدون دليل 100%

لكن بصرف النظر عن كل الجدل ده

المنتخب النهارده كان سيء جدا وده لا يختلف فيه اتنين ... ويستحق اننا نأنبه ونساءله عن سبب الاداء المخزي ده

ومانقولش ايه يعني خسرنا ماتش ... لا ... لازم كل واحد غلط انه يتحاسب

والناس اللي بتقول من يومين كنتو بتهللو للفريق والنهارده بتشتموه ... ايوه ... لما تلعب كويس تستحق اني أحييك وارفعك سابع سما ... ولما تقصر وتلعب وحش تستحق برضو اني اقولك انك لعبت وحش

**Terrible_DaRsH** · 22-06-2009 05:49 AM

المشاركة الأصلية كتبت بواسطة dr_smart

... ايوه ... لما تلعب كويس تستحق اني أحييك وارفعك سابع سما ... ولما تقصر وتلعب وحش تستحق برضو اني اقولك انك لعبت وحش

بقالى مية سنة بقول الكلام ده و ان ده شيء عادى جدا .

يقوم طالع لك واحد يقول اصل المصريين دول مع الطيار رايح رايح و جاى جاى !!

لعبوا برجولة امام ايطاليا كانوا يستحقوا اننا نشيلهم و نطير بيهم كمان .

لكن امام امريكا مفيش باصة واحدة صحيحة و مفيش تركيز و مفيش تسديد على الثلاث خشبات و مفيش اداء و كله نازل مستهتر و حاطط عينه على اسبانيا .

يبقي يستحقوا برده التصفيق !!

لا اله اله الله . بجد ناس غريبة و يلبسوها فى عمرو اديب فى الاخر علشان قرا البيان اللى جاى من البوليس بتاع جنوب افريقيا !

**dode2002** · 22-06-2009 04:02 PM

حجات غريبه والله علم عاوزه الحرق

**sha2e** · 22-06-2009 05:47 PM

ياريت يا استاذ محمود MoToRiZeR
بغض النظر عن حوار اللعيبه اللى حضرتك جندت نفسك لدافع عنهم بستماته برغم ان محدش ذكر اسامى بعينها

لما تاخد كلام حد اقتباس تاخد كله او تاخد الجملة كلها
لكن انك تاخد أقتباس كلمتين من كل جملة بالشكل ده :

أرسل أصلا بواسطة sha2e
يا باشا وانا أحط نفسي ليه فى دايرة الشبهات ؟؟
وفيه مثل بيقول مفيش دخان من غير نار
easy come easy go

لتسفيه رأى الاخر فده اسلوب ميصحش ابدا

وشكرا

**Drift_Lover** · 22-06-2009 06:08 PM

يا جماعه ياريت نلتزم بسياق الحوار والمناقشة الهادفه للوصول الي الحقيقة.

انا داخل اقول رأيي في برنامج بيقدمه شخصيه اعلاميه بتتهم فريق بلدي.
.
وباقول المتهم برئ حتي تثبت إدانته.
اللي بيقول كلام غير ده ياريت يقول لينا الدليل. ولو حتي في لينك غير مباشر.
لكن كلام بدون أدلة يبقي قذف.

ممكن كتير يعارضوا كلامي او آخرون يتفقوا معاه.
ولكن الفيصل في الآخر.

اعتراف - فيديو - صورة

لو فعلا ده حصل : فدي حتبقي كارثه.
ولو ماحصلش فبرده كارثه : اننا نتهم أنفسنا بأنفسنا بلا دليل.

**Drift_Lover** · 22-06-2009 06:10 PM

وبرده لازم يكون في حساب رادع.

**MoToRiZeR** · 22-06-2009 06:51 PM

المشاركة الأصلية كتبت بواسطة sha2e

ياريت يا استاذ محمود motorizer
بغض النظر عن حوار اللعيبه اللى حضرتك جندت نفسك لدافع عنهم بستماته برغم ان محدش ذكر اسامى بعينها

لما تاخد كلام حد اقتباس تاخد كله او تاخد الجملة كلها
لكن انك تاخد أقتباس كلمتين من كل جملة بالشكل ده :

أرسل أصلا بواسطة sha2e

يا باشا وانا أحط نفسي ليه فى دايرة الشبهات ؟؟
وفيه مثل بيقول مفيش دخان من غير نار
easy come easy go

لتسفيه رأى الاخر فده اسلوب ميصحش ابدا

وشكرا

انا مجندتش نفسي ولا حاجة و شايف إن هو ده التسفيه بالرأي لو ده اللي تقصده .. انا بقول كلمة حق في ناس كنا شايلنهم علي كتافنا من يومين و فجأة بقينا بنطعن في شرفهم بمنتهي السهولة و هم مش موجودين عشان يردوا و كمان بدون دليل .. و إتهامات الشرف لا تلقي علي الناس جزافاَ زي ما قلت مليون مرة دي لها أهالي و شخصيات عامة اما تطلع تقول عالهواء مباشرة دول مش قادرين يجروا عشان كانوا جايبين فتيات ليل يبقي ده إسمه إيه .

عامة ده كلامي اللي رديت بيه و يا ريت تحطلي خط تحت التسفيه !

المشاركة الأصلية كتبت بواسطة motorizer

مين حط نفسه في دايرة شبهات ؟
انا دلوقت في فندق عشان بلعب بطولة .. إتسرق مني إتنين جنيه .. رحت عملت شكوي في اللجنة المنظمة
اللجنة المنظمة عملت محضر مع الشرطة .. الشرطة لم تثبت شئ و لم تتوصل لكيفية السرقة أو تصدر أي بيان رسمي

قاعد في بلد فيها مشاكل أمنية كتير و هتنظم كاس عالم السنة الجاية و خايفة علي سمعتها
طلعت كام صحيفة قالك المصريين جابوا بنات ليل سرقوهم و إحنا الأمن عندنا تمام التمام

حاجة زي كدة "و أثبتت التحريات أن المجرم المتسبب في الجريمة مختل عقلياَ" في مصر

يا ريت تشرحلي بقي إزاي المنتخب حط نفسه في دايرة الشبهات !!!!!

و بالنسبة لأنك بتقول أه الموقف صعب بس محدش هيصدق .. ما الناس كلها صدقت أهوه و بدون أي دليل .. مش عشان الموضوع حقيقي بس لأن فيه رغبة في جلد الذات بعد الهزيمة و تعليق المشانق و خلاص!

**sha2e** · 22-06-2009 07:16 PM

الاقتباس الل حضرتك واخده ده من كل جملة كلمتين
هل انا كلامى بالطريقة دى :

أرسل أصلا بواسطة sha2e
يا باشا وانا أحط نفسي ليه فى دايرة الشبهات ؟؟
وفيه مثل بيقول مفيش دخان من غير نار
easy come easy go

الل هيقرا كلامى بطريقة بتاعت حضرتك دى هيفتكر انى كنت بهذى
بكررها ميصحش انى اعمل اقتباس من كلامك وجيب كلمتين من كل جملة واحذف بقيت الكلام

وشكرا

**Bob2009** · 22-06-2009 08:13 PM

ياجماعه هو فيه ايه ايه كل المشاكل دى بين الاعضاء هو فيه ايه يعنى بالظبط ايه يعنى لما واحد يقول ان المنتخب لعبه مش حلو ايه المشكله فى ده فعلان المنتخب لعبه مش حلو وبعدين احنا هنا كلنا مصرين يعنى لما واحد ينقد فى المنتخب بيكون نفسه المنتخب ده يشرف مصر فا بالتالى هيشرفنا احنا كمان دى الفكره انما للئسف فى ناس كتير بتفتكر ده حقد على اللعيبه طيب هيحقد عليه ليه يعنى هو من بقيت عيلته مثلا ثم مين مننا نفسه يكون واحد منهم اصلا وبلاش اكمل على شان ما حدش يزعل لئنى لو كملت على اللعيبه دى هقول كلام يمكن يزعل ناس هنا بيحبو حد منهم ونرجع لموضوعنا ندخل فى موضوع البنات او الستات الى جابوهم والكلام الى ظاهر اليومين دول على المنتخب المصر هقول فعلا زى ما عمرو اديب قال هما ليه ما اتكلموش فى المؤتمر وقاله ان الكلام ده محصلش بل بالعكس قالو لعمرو انت وانت وكلام مينفعش يخرج من شخصيه عامه اصلا ولا حتى من واحد محترم لئن دول ناس وظيفتهم يرفعو علم مصر فى كره القدم مش اكتر زى غيرهم ما بيعملو فى الالعاب الاخره عمرنا ماشوفنا مثلا منتخب كره السله اتهم الاتهام ده اكيد فيه حاجه فعلان حصلت وطبعا انا مالى يعملو الى يعملوه بس الكلام ده لو كانو ناس مش بتمثل مصر او اى شخص عادى وحتى لو شخص عادى برده المفروض انه بيمثل مصر هناك زى القاضيه بتاعت الشاب المصرى الى فى الولايات المتحده بالظبط يوم ما حد مننا احنا كده شخص عادى جدا يعمل حاجه فى بلد غير مصر هيقوله ده مصرى والمصرى سلوكه كذا وكذا صح ولا غلط الفكره فى النهايه واحده لازم المنتخب كان يحترم نفسه على شان ده بيمثل مصر اما كون انهم عملو قبل كده كويس فكان لازم يعملو يجماعه دى شوغلتهم زى ما انت فى شوغلك بتعمل ينفع يوم تقول للمدير اصلى انا النهرده مش قادر اشتغل ومفيش غيرك وتوقع الشركه الى انت شغال فيها حتى لو عملت انت وقعت شركه دول ناس ضيعت على مصر الكاس وبعدين يعملو الى يعملوه فى الاخر هى اصلا مصر باقى فيها ايه الواحد يزعل عليه
وشكرا ليكم

الموضوع: وضاع الحلم ياولدي خسرت مصر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

وطار الهارد ياولدي

وضاع المفتاح يا ولدى

وطار الهارد ياولدي!

وضاع الحلم يا ولادي

الكلمات الدلالية لهذا الموضوع

المفضلات

المفضلات

ضوابط المشاركة