الموضوع: صيانة 50 اللف كيلو

المشاركة الأصلية كتبت بواسطة medo_sirion

السلام عليكم
اليكم التقرير المفصل للصيانة الخمسين اللف
روحت حسب الميعاد باظبط ودخلت طبعا اسلم من اول الراجل اللى بيستلم العربية لحد المهندس احمد عبد الوهاب
روحت طبعا اطلب من المهندس ماجد انة يستلم هوة العربية كالعادة راح قالى انة عندة شغل خلى مهندس جديد اسمة استاذ ايمن لسة تحت التدريب يستلم العربية بس ولو فى حاجة تانية اقولها لماجد قولنت ماشى استلم العربية على 11 كدة قولت لماجد ان فى مشكلة فى صوت العفشة من ساعت التعديل ...قالى خلاص لازم مهندس من جوة يطلع يجرب العربية معاك استنيت نص ساعة تانية عقبال مايجى حد ويتواضع ويجرب معايا العربية
جة معايا المهندس اللى شايف نفسة شويتين مش فاكر اسمة اية واول ماشاف العربية قال مش دية العربية اللى مركبة جنوط وحاجات تانية والعربية بايظة قولتلة جنوط اية وبايظة اية العربية قدامك ولا جنوط ولا حاجة من الحاجات اللى انت بتقولها راح ركب وركبت جنبة وطبعا متكلمتش اصل اللى بيتكلم معايا بيقولة فى سعتها اطلع اشتكينى وسبحان اللة العربية تروح التوكيل من هنا ولا اكنها فيها خربوشة وهوة بيجرب قالى امال فين الصوت قولتلة كان موجود معايا سبحان اللة بجد واحنا بنلف وجعين للمركز اخد بلاعة بان اوى فيها الصوت راح لف تانى وبدا الصوت يبان جامد راح رجع قولتلة هة فى صوت ولا بيتهيقلى قالى لا فى مشكلة عندك قلتلة طب الحمد الله كدة احنا وصلنا للساعة 11.5 كدة ماجد قالى خلاص اطلع وهية هتخش على طول تخيلوا بقى من السعة 10.5 لحد الساعة 2 دة بعد كمان البريك محدش لمسها دخلوها جوة وركنوا اكنى كنت جى علشان ابركن عندهم مش مهم....طبعا كالعادة لازم اروح للمهندس احمد قالى خير قلتلة كذا كذا قالى ازاى واتصل بماجد قالة ازاى التاخير دة وداهم حبتين وراح عامل واحد نحيتها بيطلع التقرير الاستلام من جوة اكنة مش عارف اية اللى ماسكة دة راح رمية ورفع العربية وربت العفشة وفك الطنابير وغير كاوتشات العربية وبعدين نادى المهندس الرخم قالوة اية اللى مكتوب هنا دة راح رفعوا العربية للاخر وبصوا على موضوع العفشة راح لاقيتة بينادى ماجد لاقيت بيشورلوا على حاجات راح ماجد ندانى قالى تعالى انزل ومن سعتها وانا كنت تحت العربية بيقولى انت اخدت خبطة جامدة فراح الميزان اتقلب قلتلة بجد ميزان بيتقلب من خبطة جامد قالى اه قولتلة اه اية بجد بيطلعك انك انسان مش فاهم وهوة عارف كل حاجة روحت لماجد وقولتلة فاكر ساعت الحدثة قبل صيانة الاربعين قلتلى ان الميزان مقلوب وبعدين رجعتهولى قالى اه قلتلة من ساعت التعديل فى الدريكسيون اللى اتعمل بعد صيانة الاربعين ازاى بقى اتقلب لوحدة اخدنى على جنب قالى خلاص هنعملة ونظبط زوايا واكيد وهما بيعملوا التعديل قلبوة غلط فمسكت نفسى لما سمعت اكيد قلبوة
المهم قالى اطلع وروك نفسك واشرب حاجة لسة بطلع راح المهندس ندانى ونادى ماجد قولت استر مش بيجى من وراة خير المهندس دة
راح بيهز الميزان بتاع العربية رحنا لاقينا الميزان بيروح وبيجى طب ازاى
قالى بص يامعلم اول مسمعت الجملة دة عرفت بجد اسطة عبدة الميكانيكى مش مهم طلع اية
الصدر بتاع العربية اللمين مقطوم مفصول عن بعضة هوة دة اللى المسئول على حركة الميزان بشكل دة وماسك الرداتير كمان بلمروحة يعتبر الصدر
قالى لازم يتغير هوة وقنطرة بتاعت الميزان طب بكام ياعم قالى الاتنين ب 400 وحاجة فبالى ارتاح وقالى المصنعية ب 1500 دة من غير الضريبة
فبجد حسبى الله ونعم الوكيل فى الناس اللى عملولى علبة الدريكسيون وقطمولى الصدر بتاع العربية
حسبى اللة ونعم الوكيل مرة تانية
واسف للاطالة
بس بجد كان انهردة مستوى خدمة سى جدا عربية تدخل من 10.5 لحد 2 محدش بيلمسها حتى
واسلوب المعملة ظى الظفت خالص بجد احنا كل يوم بننزل لتح مش بنطلع لفوق ابدا
والسلام عليكم

ميدو سيريون يااااااة بجد انت هنا ؟؟

دا أنا كنت امبارح فى المركز لية ما قلتش لى كنا رحنا سوا .

من تجربتى فى المركز لازم باستمرار تلجأ للمهندس/ أحمد عبدالوهاب .لأنهم بيخافوا منة لأنى امبارح لاحظت

تكاسل شديد فى الكشف على العربية أكثر من ساعتين متروكة داخل المركز وكل واحد يبص على التقرير

ويقرأة ثم يبعد عنها الى أن نزلت اليهم وزعقت للمهندس/ماجد وقلت لة هو أنا جايب عربيتى لمعرض أوتوماك

بتتفرجوا عليها وطلعت للمهندس /احمد فأتصل بهم هنا فقط بدأو يتحركوا حسبى الله العظيم فى عمالك يامصر؟؟

أخبار امتحانك اية طمنى ..

تحيـــــــــــــــــاتى