محتاج المساعدة في شراء السيريون وان

**mos981** · 23-06-2009 09:23 AM

اصدقائي في منتدى الدايهاتسو انا انشاء الله بفكر اني اشتري السيريون وان بس محتاج منكم المساعدة في كل عيوب ومميزات العربية دية - انا سمعت منكم ارارء ايجابية كتير بس ياريت نوضح برضة كل العيوب لو كان في اي حد لاحظها خصوصا ان دية هتكون اول عربية زيرو ليا علشان نفسي ارتاح بقى من المستعمل
الف شكر مقدما

**aliabutaleb** · 24-06-2009 08:05 AM

بالرغم من اني بامتلك سيريون لكن يؤسفني إني أقوللك لو بتدور على سيارة اقتصادية بجد ابعد عن السيريون لأن أسعار الصيانات في رأيي عالية على سيارة توصف بإنها اقتصادية
فكر في البيكانتو مثلاً، عربية محترمة ربنا يبارك لملاكها فيها وفي نفس الوقت توكيل سمعته المحترمة سابقاه ماشاء الله.

**mos981** · 24-06-2009 03:23 PM

المشاركة الأصلية كتبت بواسطة أبو حمزة

بالرغم من اني بامتلك سيريون لكن يؤسفني إني أقوللك لو بتدور على سيارة اقتصادية بجد ابعد عن السيريون لأن أسعار الصيانات في رأيي عالية على سيارة توصف بإنها اقتصادية
فكر في البيكانتو مثلاً، عربية محترمة ربنا يبارك لملاكها فيها وفي نفس الوقت توكيل سمعته المحترمة سابقاه ماشاء الله.

الف شكر لردك يا ابوحمزة - انا فعلا سمعت ان الصيانة بتاعتها غالية بس انا اعرف ان قطع الغيار معمرة جدا
لو ممكن تقولي تقريبا اية اسعار الصيانات المختلفة في التوكيل اكون شاكر ليك جدا
ياريت برضة ياشباب لو حد عندة معلومات يفيدنا بيها

**aliabutaleb** · 24-06-2009 03:32 PM

الحقيقة مفيش حاجة معينة حاضرة في ذهني ومش حابب أددي أمثلة
هو صحيح زي ما بتقول حضرتك هي قطع غيار يقال إنها معمرة لكنني لا زلت شايف ان المفروض نخرج السيريون خارج تصنيف السيارة الاقتصادية. صحيح موفرة في استهلاك البنزين إنما مصروفات تشغيلها الشهرية شايفها عالية.
أدعو حضرتك لجولة في موضوعات قسم الدايهاتسو وأكيد بعدها حضرتك هاتقدر تحدد ان كانت السيريون هاتكون الاختيار الأمثل لك ولا حاجة تانية.
القسم هنا ماشاء الله فيه مجموعة متميزة جداً من الأعضاء بينقلوا بمنتهى الأمانة تجاربهم مع السيارة ومع توكيلها فأكيد هاتاخد صورة بمنتهى الدقة عنها.