الموضوع: أبيعها بقى و لا أيه

على فكره كل العربيات فيها مشاكل مافيش عربيه بدون مشاكل وحتى الزيرو لازم تصونها على تبقى حالتها كويسه علطول
المشكله هو الصنايعى هل هو كفئ ولا من النوع بتاع التجريب ونجرب دى ونجرب دى لغايه مانوصل للحل
واعتقد انك تشوف واحد ميكانيكى كويس يقدر يعملك اللى فيها بذمه
والاهم انك تطول بالك
بالتوفيق

انا مش فاهم اية المشكلة يعني العربية بتقطع تبقى المشكلة غالبا في طقم الكهرباء اية اللي يخليني اغير الكاربراتير و بردة اية اللي يخليني مستعجل على العمرة

المشاركة الأصلية كتبت بواسطة nour87

انا مش فاهم اية المشكلة يعني العربية بتقطع تبقى المشكلة غالبا في طقم الكهرباء اية اللي يخليني اغير الكاربراتير و بردة اية اللي يخليني مستعجل على العمرة

خفيه الموتور ممكن تكون بتخلى الزيت يطلع على البويجهات وطبعا بتقطع

المشاركة الأصلية كتبت بواسطة nour87

انا مش فاهم اية المشكلة يعني العربية بتقطع تبقى المشكلة غالبا في طقم الكهرباء اية اللي يخليني اغير الكاربراتير و بردة اية اللي يخليني مستعجل على العمرة

اولا اشكركم جدا على الاهتمام و لا املك لكم الا الدعاء بظهر الغيب
ثانيا اقدم اعتذارى لأنى لم اوضح تفاصيل السياره
لادا 2107 83 مكتوب بلجيكى اعتقد كده 1300 سى سى
دايما موديانى للصنايعيه و كل واحد يبدأ شغله من الكابيرتير وفعلا فى الغالب المشكله بتتحل
كان شكل البوجيهات رمادى كده شبه رماد النار ما عدا واحد قالولى كده الحريق كويس
مع العلم انها متركب ليها كراسى-للبوجيهات
من حوالى اسبوعين رحت لواحد مشهور بتظبيط الكاربيتر عندنا فى بورسعيد علشان موضوع استهلاك البنزين6 كيلو فى اللتر 80
بعد ما الراجل زبط الكاربيتر العربيه اتبرجلت رحت للميكانيكى علشان يظبطها هه اتظبطت بس كانت بترعش قمت انا فكيت البوجيها لقيت عليها زيت و سواد نضفتها وصنفرتها وظبط مسمار الهوا لقيت العربيه ايه ميه ميه
الكلام ده كان يوم الخميس
النهارده عملت كده انا بقول ان ممكن الكاربيتر والاسبيراتير علشان موضوع استهلاك البنزين و لا استهلاك البنزين كده معقول بالنسبه لأن مشاويرى كلها قصيره انتم عارفين بورسعيد مش كبيره اقصى مشوار 7 -8 كيلو
طولت عليكم

المشاركة الأصلية كتبت بواسطة ash_rsi

خفيه الموتور ممكن تكون بتخلى الزيت يطلع على البويجهات وطبعا بتقطع

تمام دة لو المكنة ضايعة و بتدخن على الاقل حتى تمشي بالشعلة القصيرة لكن مدخلش في عمرة و اية لازمة تغيير الكاربراتير

المشاركة الأصلية كتبت بواسطة miso8489

اولا اشكركم جدا على الاهتمام و لا املك لكم الا الدعاء بظهر الغيب
ثانيا اقدم اعتذارى لأنى لم اوضح تفاصيل السياره
لادا 2107 83 مكتوب بلجيكى اعتقد كده 1300 سى سى
دايما موديانى للصنايعيه و كل واحد يبدأ شغله من الكابيرتير وفعلا فى الغالب المشكله بتتحل
كان شكل البوجيهات رمادى كده شبه رماد النار ما عدا واحد قالولى كده الحريق كويس
مع العلم انها متركب ليها كراسى-للبوجيهات
من حوالى اسبوعين رحت لواحد مشهور بتظبيط الكاربيتر عندنا فى بورسعيد علشان موضوع استهلاك البنزين6 كيلو فى اللتر 80
بعد ما الراجل زبط الكاربيتر العربيه اتبرجلت رحت للميكانيكى علشان يظبطها هه اتظبطت بس كانت بترعش قمت انا فكيت البوجيها لقيت عليها زيت و سواد نضفتها وصنفرتها وظبط مسمار الهوا لقيت العربيه ايه ميه ميه
الكلام ده كان يوم الخميس
النهارده عملت كده انا بقول ان ممكن الكاربيتر والاسبيراتير علشان موضوع استهلاك البنزين و لا استهلاك البنزين كده معقول بالنسبه لأن مشاويرى كلها قصيره انتم عارفين بورسعيد مش كبيره اقصى مشوار 7 -8 كيلو
طولت عليكم

بالنسبة لاستهلاك البنزين المفروض العربية تعمل في حدود 170 كيلو في الصفيحة انت بس عايز الكاربراتير يتضبط كويس متتخيلش ان اللي هتجيبة هيكون احسن من بتاعك
بالنسبة للبوجيهات ما دام جة عليها زيت يبقى ممكن تغيرها بالشمعة القصيرة لحد ما تجيب اخر المكنة او ممكن تعملها طقم شنبر دلوقتي و تريح دماغك اما لو كانت متهببة عادي كل اللي انت محتجة انك تنظف الكاربراتير كويس و تغير فلتر الهوا

المشاركة الأصلية كتبت بواسطة nour87

بالنسبة لاستهلاك البنزين المفروض العربية تعمل في حدود 170 كيلو في الصفيحة انت بس عايز الكاربراتير يتضبط كويس متتخيلش ان اللي هتجيبة هيكون احسن من بتاعك
بالنسبة للبوجيهات ما دام جة عليها زيت يبقى ممكن تغيرها بالشمعة القصيرة لحد ما تجيب اخر المكنة او ممكن تعملها طقم شنبر دلوقتي و تريح دماغك اما لو كانت متهببة عادي كل اللي انت محتجة انك تنظف الكاربراتير كويس و تغير فلتر الهوا

اشكرك اشكرك اشكرك حتى تستغيث
احب اقول لحضرتك يا استاذ نور انى فكيت الكاربيرتير لغايه النهارده من يوم ما اشتريتها من 6 شهور 4 مرات و كل مره عند واحد مختلف
قصد حضرتك بالشمعه القصيره دى يعنى بوجيهات سن قصير
انا لسه جايب فلتر هوا جديد
و انا بكلم الميكانيكى النهارده بسأله على العمره شمبر و لا ايه قالى لما نفتح هنشوف مع ان سحب العربيه معقول و مبتخرجش زيت من الشكمان بالعكس بتجيب ميه بس الزيت بيخرج من خرطوم الفايظ و فيه نقص فى الزيت بس انا ملاحظ ان فيه كسر فى غطا التكيهات معرق حوليه زيت اسف للاطاله و اشكرك بشده للاهتمام وجعله الله فى ميزانك

شوف حضرتك كمية المية اللي بتطلع من الشكمان قد اية لو كمية بسيطة تعريق يعني يبقى الموتور زي الفل اما لو كان كمية كبيرة و بينزل على الارض يبقى فية مشكلة في وش السليندر او التاكيهات اتاكد الاول ان الزيت اللي عليها دة من الشرخ مش من اي حتة تانية و خلي بالك المشكلة دية اهم دلوقتي من البنزين و الكلام دة