عايز رأيكم بأمانة أبيعها ولا لأه

**kempel** · 27-09-2010 01:53 PM

السلام عليكم أنا عارف ان الموضوع اللى ها أعرضه عليكم ممكن يتكرر مع أى واحد منا فقلت اعرضه عليكم وأشوف رأيكم أنى بأحب المنتدى ده وباأعتبر اللى فيه أخوة ليا الموضوع انى جايب عربية a4 موديل 2009 وكيل مابستعملهاش الا فى ما ندر لأن عندى عربية تانية صغيرة بتاعة الولاد عليها الهلك كله وبتقضى معظم مشاويرنا واحتياجاتنا يعنى الضغط كله عليها لأن بعد ماجبت الاوكتافيا بشهر اتنقلت جنب البيت فبقيت أروح الشغل مشى المهم أنا مابحتجهاش الا فى السفريات بس وديه مش كتير أوى او مشاوير صغير ليا مره كل اسبوع لا تتعدى ال50كيلو المهم العربية عاملة 8000 كم وأنا ماأخبيش عليكم جايبها ومكمل على تمنها بقرض شخصى من البنك وبأدفع 1250 جنيه شهريا لمدة 7 سنين عدى منهم سنة انا عندى اسرة صغيرة من طفلين وزوجة والعربية التانية فيستا موديل 2000 شنطتها صغيرة شوية بس ده عيبها الوحيد وطبعا مستعملة بتحتاج صيانة والتانية واقفة تحت البيت معظم الوقت بس أنا حبيتها كسيارة لأنها ممتازة طبعاً ومتوافقة مع احتياجاتى وطموحاتى فى السواقة بس مش فى الاستهلاك علشان انا مشاويرى مش كتير ايه رأيكم أبيعها وأسدد القرض وأترحم من قسطها وهايبقى معايا فلوس برضه ممكن أعمل جمعية وأبقى أجيب زيرو بس مش غالى وعارف انها مش هاتتهلك لان استعمالى خفيف ولا اضحى وأدفع القسط لمدة 6سنين أخرى مقابل استمتاعى بسواقة العربية الa4 وطبعاً فرق الكواليتى بينها وبين العربية الجديدة اللى هأجيبها ياريت تفيدونى برأيكم ياجماعة لأن الموضوع ده شاغلنى بقى له فترة وجزاكم الله كل خير

**solly1979** · 27-09-2010 02:29 PM

نصيحه بيع العربيه وسدد القرض وخلص نفسك مدخلش نفسك فى حرمانية الفوائد والقرف بتاع البنوك
وانشاء الله لما تحتاج عربيه لمشاوير كتيرة تبقى اشترى تانى وربنا يكرمك انشاء الله

بس للعلم هتخسر فى العربيه وكمان فى تسديد القرض
بس كله يهون فى عدم وجود ديون :(

**الصيداح** · 27-09-2010 03:00 PM

بكل أمانة بيعها وابتغ وجه الله في ذلك
ولا تقرف نفسك بالفوائد وهموم البنوك
سدد الله خطاك

**rompo10** · 27-09-2010 04:52 PM

بعها لان 6 سنين كتير جدا هاتكون العربيه ب 50 الف ولا حاجه بعد المده دي بعها وسدد البنك لان فلوس البنك كلها حرااااااااااام واي حد يقول غير كده يبقي مابيفهمش حاجه وولادك اولي بالفلوس دي

**solly1979** · 27-09-2010 05:05 PM

المشاركة الأصلية كتبت بواسطة rompo10

بعها لان 6 سنين كتير جدا هاتكون العربيه ب 50 الف ولا حاجه بعد المده دي بعها وسدد البنك لان فلوس البنك كلها حرااااااااااام واي حد يقول غير كده يبقي مابيفهمش حاجه وولادك اولي بالفلوس دي

100/100

**crazylambada** · 27-09-2010 05:17 PM

ولادك قد ايه لانهم ممكن لما يكبروا تحتاجها بص احسب خسارتك فيها تبقى قد ايه

**AhMeD MeTwAlY** · 27-09-2010 06:54 PM

انا من راي خد خير العربيه السنادي يعني انت تركبها السنادي وتستفيد منها وبعها السنه الي جيه وموضوع الديون الي الاخوه اتكلمو عنه ده انت كده كده هتدفع الفوائد سواء دفعت مره واحده او علي اقساط
ومدام كده خسران خسران اخسر بفيده انك ركبت العربيه
او بيع العربيه التاني وخلي دي معاك
انا كنت الاول لما اخت الفليشيا من ولدي قولت خلاص انا مش هاخد عربيه من حد اسافر بيها ولي اروح بيها في مكان دلؤقتي لما بسافر بركن الفليشيا واخد عربيه تانيه
لان الفليشيا عمرها ما هتكون مريحه زي سكودا 2010 او حتي النترا 2010
وبعدين في فرق في السرعات ونظام الامان وكل شئ بالطبع الجديد ليه مكانه

**aboomar22** · 27-09-2010 08:25 PM

ممكن اقول كلمة صغيرة انا لما حبيت اشترىعربية تقسيط اتصلت بدار الافتاء وكان ردهم شراء السيارة بالتقسيط جائز ولا حرج فيه وهذا للعلم فقط

**solly1979** · 28-09-2010 08:53 AM

المشاركة الأصلية كتبت بواسطة aboomar22

ممكن اقول كلمة صغيرة انا لما حبيت اشترىعربية تقسيط اتصلت بدار الافتاء وكان ردهم شراء السيارة بالتقسيط جائز ولا حرج فيه وهذا للعلم فقط

كدة الموضوع هياخد شكل تانى
احنا مش بنقول اى الحرام وايه الحلال

العربيه لو بأسمك يبقى دة قرض يبقى حرام لو العربيه بأسم شركه او اى حد وانت بتقسطله هو دة الحلال

المهم انا مش مفتى علشان ققول الفرق بين الحرام والحلال
ربنا يتوب علينا جميعا من القروض والفوائد الحرام

**د.محمود صلاح** · 28-09-2010 09:29 AM

طالما الشغل جنب البيت بصفة مستمرة .. ومشوايرك قليلة يبقى ليس لها لزوم وبيعها أفضل .. أما لو كنت من هواة السفر والمصايف والتكييف في الحر الشديد فيفضل الإبقاء عليها .

الموضوع: عايز رأيكم بأمانة أبيعها ولا لأه

LinkBack

أدوات الموضوع

عرض

-

-

-

-

المواضيع المتشابهه

فيات 125 مو 1977 أبيعها كيف ؟؟؟؟؟؟؟؟؟؟؟

أبيعها بقى و لا أيه

عندي عربية بيجو 305 صارف عليها حتي 21 الف ، و معروض عليا أبيعها ب 19 ألف ، أيه رأيكم

بأمانة لو عايز تشتري سيارة تاخد اية ؟؟؟

محتاج رأيكم بأمانة ربنا وتكون عن دراسة وتجرية

الكلمات الدلالية لهذا الموضوع

المفضلات

المفضلات

ضوابط المشاركة