الموضوع: عاوز مقارنه بين شيفورليه كروز ز كيا سيراتو الجديده و مازدا 3 و هوندا سيتى

خليك ما بين النيو سيراتو
والنيو مادا


انما الكروز تابلوها وخاماتها بالداخل وحشه قوي على تمنها
وضيقه من ورا وشكلها من ورا وحش

المشاركة الأصلية كتبت بواسطة blazer

اشجع الراى دا
المازدا برده ليها بعض العيوب زى انها واطيه على الارض
الكنبه الخلفيه ضيقه والشنطه مش واسعه
ملهاش توكيل او مركز معتمد لقطع الغيار
اعاده بيعها نقطه لازم تاخدها فى الاعتبار انها بتبقى ضعيفه شويه
و فوق كل دا انك هتاخد عربيه بماتور و فتيس قدام نازلين فى موديل العربيه اللى قبليه

المشاركة الأصلية كتبت بواسطة nano1980

عيوبها
انها واطيه علي الارض بتخبط في المطبات.....ومع التحميل فيها سواء ناس قاعده او حاطط حاجات في الشنطه بتبقي ماساه
الكنبه الخلفيه صيقه جدا ومسافه الارجل ضيقه ....القعده في الكنبه مش مريحه عكس الكراسي الاماميه
الشنطه فتحتها صغيره بضايق عند التحميل فيها ابعادها طوليه كانها طرقه ...........
التوكيل مفيش........قطع الغيار غاليه ( لو كان بيفرق معاك)
وفي اوقات كثيره مش موجوده
هي ليها مراكز صيانه ....بس انت وحظك
اما السيراتو
العربيه شكلها حلو جدا
خامات التبلوه فقير في الفئات القليله لكنه حلو في الفئات الsx لوجود الجلد والنيكل
العربيه اوسع من المازدا بالذات في الكنبه
الشنطه اوسع وفتحه التحميل واسعه
قطع غيار ووكيل متوفيرين.........
طبعا موتورها رائع وتكنولوجي جديده وفيها عوامل الامان

دا برده راى ناس مجربين العربيه

المشاركة الأصلية كتبت بواسطة justs

مفيش حاجة اسمها موتور وفتيس قدام ، شوف التكونلوجي بتاعتهم والكفائة العالية وانت تعرف ليه متغيروش ، ويا ريت اللي بيتكلم يبقى بيتكلم بمنطق وعن علم ، مش هري وخلاص ، ومراكز خدمة مازدا مالية القاهرة وقطع غيارها في اماكن كتير ومنتشرة ، يا ريت منقعدش نردد كلام وخلاص ويا ريت اللي يتكلم يكون عارف مش سمع وبيردد وخلاص ، وباقي الكلام ملوش لازمة الرد عليه ، ومن الآخر يا اما الناس بتغالط نفسها ، يا اما نفسيات ، والله اعلم

أنت إيه الطريقة اللي بتتكلم بيها دى في الاول بتقول مافيش زي المازدا 3 وطبعاً مازدا من غير تردد كأن اللي يجيب غيرها يبقى غبي ودلوقت بتتخانئ مع الرجل عشان بيقول رأيو كل واحد حر يقول اللي يقوله لو حضرتك شايف حاجة غلط تقولهالو بشويش

المشاركة الأصلية كتبت بواسطة mando_07

أنت إيه الطريقة اللي بتتكلم بيها دى في الاول بتقول مافيش زي المازدا 3 وطبعاً مازدا من غير تردد كأن اللي يجيب غيرها يبقى غبي ودلوقت بتتخانئ مع الرجل عشان بيقول رأيو كل واحد حر يقول اللي يقوله لو حضرتك شايف حاجة غلط تقولهالو بشويش

متهيألي لو طريقتي مش عجباك ، كنت المفروض انت تتكلم بطريقة كويسة طالما مش عجباك طريقتي اللي هي مفيهاش غلط في اي حد ، لكن للاسف لا يتسم باي ذوق في الحوار ، وبعدين أنا مقولتش ان مفيش غير المازدا في كل العربيات ، لكن في المقارنة بكل ثقة المازدا افضل بمراحل منهم ، واللي مش عاجبه رايي هو حر ، انا بقول نصيحة لوجه الله ومحدش بيشتري حاجة لحد من جيبه وفي الآخر كل واحد بيشتري اللي عاجبه ، وبصراحة انا مش فاهم انت اتحمقت قوي كده ليه وبترد نيابة عن ناس تانية من غير مناسبة ويا ريت حتى بذوق ، عموما مفيش مشلكة