كيف نحكم على قوة الاتوماتيك لنيسان صنى ؟؟؟

**nada12** · 22-06-2009 08:35 PM

عندى صنى 2002 اتوماتيك الاحظ على وضع d تبدا بالسير عندما اخفف الفرامل وده عادى المشكلة لما يكون فيه عدد راكب معى ثلاثة مثلا التحرك بيكون بطىء جدا لما ابدا السير ده طبيعى ولا الكلتش او الموتور ضعيف هى عاملة 169000 الف بس الموتور كويس جدا ممكن الافادة ولكم كل الشكر والاحترام اخوكم ابو ندى د.علاء اخصائى طب الاطفال وشكرا

**M.ABDOU** · 22-06-2009 11:00 PM

بصى هوا اولا المشكله دى ظهرت من فتره ولا من زماااااااااااان هوا كده

ثانيا لو افترضنا فعلا ان كفائه الموتور زى ما هيا فانتى محتاجه تعملى اختبار للفتيش
مثلا جربى تعملى كيك دون فى مكان فاضى ولو الموتور كويس سليم والعربيه مشدتش معاكى بسرعه زى ما انتى متعوده يبقى عيب فتيس محتاج مثلا الكلاتشات بتاعته تتغير

وتقدرى تعرفى برضه بطريقه تانيه

لما تبقى على طريق سريع وماااشيه بسرعه وعدد لفات الموتور كبيره وسرعتك مش راضيه تزيد برضه عن حد معين يبقى ده برضه عيب فتيس

وغالبا بيبقى عيب كلاتشات اتمسحت ومبقتش تمسك فى بعضها زى الاول او مثلا طلمبه الزيت بتاعه الفتيس بقت ضعيفه
فى احتمالات كتير بس الكلاتشات اكثرهم احتماااااااال

Mecaneky

**nada12** · 23-06-2009 05:45 PM

شكرا على الافادة جزاكم الله كل الخير

**sab3aawy** · 24-06-2009 10:22 AM

انا معتقدش ان فيه مشكلةن طبيعى ان الحمل لما يكون تقيل على العربية فان القدرة البسيطة المنقولة له من الموتور وهو فى السلانسيه قد لا تكون كافية لبدء الحركة، وده بيحصل فى اى عربية اتوماتيك جديدة او قديمة لما تكون محملة او على مطلع او حتى امام مطب صناعى

طالما النقلات بتتم فى مواعيدها وبدون مشاكل يبقى الجيربوكس كويس