الموضوع: تقريري الأول عن الصني 2009

مبروك عليك السيارة ، ربنا يديلك خيرها ويكفيك شر طريقها ويمتعك بها حتى يرزقك خيرا منها


شوف يا سيدى، بالنسبة للشكاوى بتاعتك :

1-بالنسبة للغيار من ال P لل R ، هو كدة متقلقش منه، فقط يمكن تخفيف الأمر قليلا لو انت قبل ما تجيب الp وانت بتوقف السيارة تكون بطلت العربية وشديت فرملة اليد الأول، لكن هى العربية طبيعتها الاحساس بالنقلة من ال P للأ وموجودة فى كل سيارات الصنى

2- بالنسبة للفرامل والكوبرى: هو لو انت مدور العربية سلانسيه وحاطط الفتيس على N بعد ما الموتور يسخن عداد ال Rpm بيقرا كام؟ لو بيقرا اقل من 800 Rpm بيقى على السلانسيه شوية(يوجد للسيارة مسمار سلانسيه عند نهاية سلك الأكسراتير دخل حوض المحرك ويمكن تعليته بمنتهى البساطة باستخدام مفتاح 8 و مفك صليبة) ، لو العربية بتقرا معاك 800 يبقى انت محتاج تراجع على خرطوم السيرفو وتكمن ان مافيش تسريب منه

3- بالنسبة لل Rpm والمطلع فده طبيعى جدا لأن اى جير اوتوماتيك فى الدنيا بيكون مبرمج انه يؤخر النقلة مع زيادة الحمل علشان العربية تاخد عزم، وانت هنا على مطلع وكابس بنزين يعنى تحميل على الموتور من الناحيتين، فلازم يؤخر الغيار، لو انت عايز العربية تنقل بدرى على المطلع علشان انت مزاجك كدة شيل رجلك من على الاكسراتير علشان تخف الحمل على المحرك هتلاقيها خدت الرابع لحظيا، بس فى الحالة دى هتلاقى تجميعها مش سريع لأنها خدت الغيار بدرى، ولو رجعت قرصت عليها على المطلع هتلاقيها تزلت تانى للغيار التالت ، لذلك الأسلم لنك لو كابس على الغيار سيبها تنقل متأخر، ولو انت عايزها تنقل بدرى متقرصش عليها


4-الكاسيت بيسخن: ياسيدى ما يسخن وايه المشكلة، اعرف ناس معاهم العربية من 2006 ومن يوم ما جابوها والكاسيت بيسخن، وعندى بيسخن وعند كل اللى معاهم صنى بيسخن، بس محدش اشتكى انه باظ او سف شريط او صوته بقى وحش او اى حاجة تتخيلها، سيبه يسخن من نفسه

5- حدفة يمين بسيطة: باعتبارك راجل ساكن فى التجمع ، لو الحدفة دى بتحصل معاك على الدائرى او محور N/a شيلها من دماغك ، الطريقين دول فيهم عفاريت، لكن لو بتتكرر معاك فى طرق تانية اتأكد الأول من ضبط الهواء، ثم اضبط زوايا وفهم بتاع الزاوايا انك مشكلتك هى الحدفة

6- العفشة ناشفة: الصنى عفشتها ناشفة لكن بتريح مع الزمن، انا حاليا عامل بعربيتى 30 ألف والعفشة احسن بكتيييييييييييييير من الأول وكل اللى معاهم صنى بيقولوا نفس التعليق