رابطة مالكي البطة - لانسر 1992 : 1995

**husseinthemaster** · 29-06-2009 06:15 PM

بص يا سيدي الانسر البطة سحبها ممتاز بس مع الدايو 2 صعب تعدي منها لكن 1 تعدي ممكن بس انت 1300 والدايو 1500 انت 79 حصان الدايو 86 فطبعا بتبقي جامدة شوية علي البطة بس لو الموتور مضبوط وتحرق شوية علية تعدي منها انا هقوللك حاجة مش هتصدق انا معدي من واحد صاحبي راكب بي ام 316 موديل 96 مواصفات اوروبي اول وتاني وتالت معدي منه بس الطريق قفل عليا فعدي مني هو مكنش مصدق اللي انا عاملة معاة في حاجة تانية انت بتحط بنزين اية 92 بيخليها طيارة بجد وعلي الكهربا شوية للعربية وقوللي انا جبت من 0الي 100 في حوالي 12 ثانية

**husseinthemaster** · 12-07-2009 11:41 PM

اين اهل البطة

**the_lord_of_rings1** · 14-07-2009 08:59 AM

صباح الفل يا باشا . أهل البطه معاك وتحت أمرك .
كان عندى سؤال . لانسر البطه موديل 93 فيها ميزان ولا لأ ؟ الميزان ده عباره عن جزء حديد بيوصل بين المقص اليمين والمقص الشمال . ارجو الأفاده للأهميه وشكرا

**MaZaGAngeE** · 14-07-2009 05:26 PM

العربية : بطة 93 . المشاكل : 1. العربية فجأة لقيتها مخنوقة و السحب بطيء جدا و لما بشغل التكييف بتموت خالص. غيرت : بوجيهات ، زيت ، زيت فرامل ، ظبط الفرامل ، فلتر زيت . و مفيش حاجة حصلت. 2. لما بشغل التكييف مفيش تبريد غير لما عداد الحرارة يكون في النص ، و لما يشتغل كويس بعد حوالي ساعة يفصل و بلاقي مكان الترموستات ثلج . 3. عايز أجيب كاوتش عريض أجيب إيه و منين . . 4. فتحات التكييف اللي في النص الريش بتاعتها مكسورة أجيبها منين و بكام ؟

**husseinthemaster** · 16-07-2009 08:55 PM

السلام عليكم انا اعرف انا اي عربية لازم يكون فيها ميزان وطبعا اللانسر لازم يكون فيها ولو في حد عندة معلومة اكتر يتفضل

**husseinthemaster** · 16-07-2009 08:57 PM

السلام عليكم ممكن السحب الضعيف يكون من اسطوانة الدبرياج فاكشف عليها وبالنسبة للتكييف مش عارف بصراحة

**pro_samir** · 16-07-2009 09:02 PM

المشاركة الأصلية كتبت بواسطة husseinthemaster

اة بس اهم حاجة السروجي يفرشة كويس تحت التابلوة عشان يكتم صوت الموتور وكل الدواسة

مش المفروض اللباد دة بيعزل الحرارة ؟

هل هوا عزل الصوت فعليا معاك وكان لية تأثير ولا مفرقش كتير من ناحية صوت الموتور تحديدا ؟

**husseinthemaster** · 17-07-2009 01:33 PM

هو للحرارة اة بس بينفع للصوت لاني بدور علي حاجة للصوت ومش لاقي بس بيفرق طبعا في الصوت كمان لان الصاج بييبقي منة للموكيت لكن اللباد بيكتم صوت الطريق والمطبات وهتحس بفرق ولو لقيت حاجة جامدة للصوت هقولكم علطول لاني لسة بدور

**Mohammmed** · 17-07-2009 04:12 PM

المشاركة الأصلية كتبت بواسطة husseinthemaster

هو للحرارة اة بس بينفع للصوت لاني بدور علي حاجة للصوت ومش لاقي بس بيفرق طبعا في الصوت كمان لان الصاج بييبقي منة للموكيت لكن اللباد بيكتم صوت الطريق والمطبات وهتحس بفرق ولو لقيت حاجة جامدة للصوت هقولكم علطول لاني لسة بدور

بيتكلف كام ياباشا واعمله فين ؟؟؟