الموضوع: رابطة مالكي البطة - لانسر 1992 : 1995

المشاركة الأصلية كتبت بواسطة mohammmed

لو حضرتك تقولى ايه احسن مساعدين اركببهم فى العربية واجيبهم منين وبكام يبقى كويس قووى
وموضوع مقاس الجنوط ايه انسب مقاس للعربية دى ؟؟؟:ob_mak1[1]:

المشاركة الأصلية كتبت بواسطة husseinthemaster

السلام عليكم احسن مساعدين هما kyb تقريبا الاسم صح
مش متاكد بس دول احسن حاجة في السوق والكاوتش انا مركب 13/175 مقاس حلو ومخلي العربية ثابتة جدا لغاية 155 ك اقصي سرعة جبتها وخفت بعد كدة بصراحة ازود هههههه وممكن تشتريهم من شارع دمشق مصر الجديدة او من الشرقاوي جسر السويس عند فندق السلام

انا مش عارف النوع ده بصراحة ، بس ما دمت مجربه يبقى تمام ، انا كنت باحط لها المونرو.

هنا بس نصيحة مهمة.

فيه ناس بتحاول تعلى البطة برغم انها مصممة واطية أصلا علشان الثبات (خلوص الأرض فى البطة 14.5 سم)

و عادة الميكانيكى ينصحه (و بتبقى نصيحة تودى فى داهية) بأنه يركب ماعدين اطول ، او يحط وصلة تطويل للمساعدين ، و فعلا العربية بتعلى ، و لكن مش مصممة لكده ، فتاخد كل هبدة و التانية مع المطبات و ده بيعمل مشاكل فى العفشة ، او ممكن تبوظ المقصات لأن ساعتها زاويتها مع العجل بتبقى زاوية مش طبيعية ... الكلام ده مش كلامى ، ده من مشاكل حصل جزء منها معايا و لحقت نفسى و غيرت المساعدين و هما لسه مالحقوش يعملوا حاجة و استعوضت ربنا فيهم و فى اللى حصل و قعدت اصلحه بعد كده ، ده غير انى كنت دخلت على منتدى لانسر فى الخارج ، زمان قبل ما اعرف منتدانا العظيم ده ، فكنت لقيت تحذيرات من كده برضه عندهم ..

اللى ممكن يتعمل انك تجيب طقم "كاوتشات تعلية" و تركبه ، بيعمل فرق بسيط و لكن أمان

و تحياتى

المشاركة الأصلية كتبت بواسطة husseinthemaster

شكرا دكتور شريف علي الرد السريع بس انا عندي الكتالوج بتاع البطة مفيش جنط 14 خالص فية

يا أخى العزيز انا مش معترض ، انا بأقول مش فاكر اللى كان عندى ايه ، انا أختى أخدت العربية فبراير 2008 يعنى داخلين على سنتين دلوقت ، و كنت مغير الكاوتش فى 2006 ، يعنى من حوالى 4 سنين فأنا بجد مش فاكر مقاسه كام ، و لكن اسمح لى احط اللنك بتاعة كتالوج الصيانة ، الجزء الخاص بالعجل ، و هاتلاقى ان فيه موديلات (1800 او ستيشن) بتنزل بمقاس 14 و موديلات (1300 و 1500) بتنزل بمقاس 13 ، و لأن حضرتك عارف ان لحد دلوقتى مافيش مواصفات موحدة للعربيات اللى بتنزل عندنا (بتلاقى كل معرض عارض حاجة شكل) فما بال حضرتك بسنة 92 ؟؟؟:b4_592:

انا شفت كذا مرة بطة و لكن 1500 مع انها نادرة جدا فى مصر ، و لما كنت بأسال صاحبها ان كان جايبها من برة ، الاقيه جايبها من هنا مش من بره .. فالإختلافات واردة ..

الكتالوج الخاص بالصيانة : العجلات

و عموما هاتأكد من مقاس العجل و اقول لحضرتك ان شاء الله.

و تحياتى