مساعدة فى 205 قبل ما يشتغلنى ميكانيكي او عفشجى

**saint** · 23-06-2009 11:06 AM

السلام عليكم ورحمة الله وبركاته
انا اشتريت من فضل الله 205 موديل 93 وموتورها الاصلي ابو غطاء تاكيهات اسود
المشكله انى لما اكون مشي بيها وادوس على البنزين واشيل رجلى الاقى الموتور كانه سايب فى الحوض وبيروح ويجي وتنتش
علما بان القواعد بتاعة الموتور سليمة وكمان العفشة كويسة وكمان الديسك والاسطوانة يبقي المشكلة فين ؟
سؤال تانى من فضلكم
هل الفتيس الاصلي بتاعها 4 نقلات امامية فقط وهل يمكن اضافة ما يسمى بمجموعة تروس النقلة الخامسة علشان يكون 5 نقلات
انا عارف انى طولت عليكم ولكن على قدر اهل العزم تاتى العزائم
وشكرا

**bee** · 23-06-2009 02:54 PM

المشاركة الأصلية كتبت بواسطة saint

السلام عليكم ورحمة الله وبركاته
انا اشتريت من فضل الله 205 موديل 93 وموتورها الاصلي ابو غطاء تاكيهات اسود
المشكله انى لما اكون مشي بيها وادوس على البنزين واشيل رجلى الاقى الموتور كانه سايب فى الحوض وبيروح ويجي وتنتش
علما بان القواعد بتاعة الموتور سليمة وكمان العفشة كويسة وكمان الديسك والاسطوانة يبقي المشكلة فين ؟
سؤال تانى من فضلكم
هل الفتيس الاصلي بتاعها 4 نقلات امامية فقط وهل يمكن اضافة ما يسمى بمجموعة تروس النقلة الخامسة علشان يكون 5 نقلات
انا عارف انى طولت عليكم ولكن على قدر اهل العزم تاتى العزائم
وشكرا

انت عرفت منين ان القواعد سليمة ؟؟
انت عارف القواعد دي كام واحده ومكانهم فين ؟؟
القواعد مش بالنظر ..
بس بردو قبل ما أرد عليك محتاج توضيح اكتر .. هل وانتي دايس بنزين وبعدين بتشيل رجلك بتلاقي الموتور كانه بيخبط في صدر العربية ؟؟ ده قصدك ؟؟

بالنسبة للسؤال التاني .. ممكن تغير الفتيس كله مش غالي تقريبا في حدود 300 جنيه 5 نقلات انا عندي خمس نقلات ..

في انتظار ردك .. ومبروك عليك مقدما ومنتظرين صور وتقييم ..

**saint** · 23-06-2009 03:24 PM

استاذ bee انت دايما متميز فى ردك
اشكرك اولا على سرعة ردك
ثانيا ..... الميكانيكي قالى ان الماكينة دي ليها اتنين قاعدة واحدة تحت البطارية وواحدة بدراع المونيوم على وش الحوض فوق المساعد اليمين
ثالثا ..... تمام زي ما حضرتك قولت بحس ان الماتور بيروح لقدام ويرجع فى الحوض لما اشيل رجلى عن دواسة البنزين وطبعا مفيش اي صوت تخبيط مجرد احساس يعنى تحس ان الماتور مش محكوم كويس
رابعا .... مش انا اللى قولت ان قواعد الموتور كويسة الميكانيكي صاحبي وقالى انها كويسة
واشكرك خامسا وسادسا لحد مليون على مساعدتك يا دكتور

**saint** · 23-06-2009 03:26 PM

استاذي bee نسيت اقولك ان العربية ماشاء الله جميلة وعجبانى فى كل حاجة وكمان تجميعها كويس ومع انى بخاف من السرعة ورغم ذلك جبت بيها 120 بالراحة و منتهى الثبات

**the-hero** · 23-06-2009 04:27 PM

الف مبروك وربنا يرزقك خير ويبعد عنك شرها

حكاية الخبط ديه من الأخر كبالن شوف فكها وغير لها كاوتش وشحم واوعدك ان الخبط ده هيورح
مش انت بتحس برزعة فى الطلعة وكمان لما بتشيل رجلك فجأة بتحس بيها
ديه صليب الكبالن بترزع فى الماتور
لو قواعد الماتور فيه حاجه هز الماتور والعربيه وقفه من النحيتين بقوة بس تكون باردة
وكمان تروح لعفشجى يعيد تربيط العفشة وكمان اى تربيط فى الماتور والقطمة والقواعد
وهتنسى القصة ديه
بالنسبة لنقلات الفتيس فأدام الفتيس اللى فيها الاصلى متلعبش فيه ومتغيروش متفتحش على نفسك فواتح
بلاش أفتكاسات ماتورها كويس جداجدا
لو حبيت تعديل بقى هتجيب واحد استيراد والأحسن بقى تجيب ماكنه على بعضها جى تى أى ب 2500 ج مكيفة بكل مشتملاتها
وتبعنا بقي فى المنتدى وعوزين نشوف تقييم وصور للعربية والى الأمام

**hima_33** · 26-06-2009 05:26 PM

انا ان شاء الله ناوي اجيب 205

ممكن اعرف حضرتك جبتها بكام ؟

**saint** · 28-06-2009 03:03 PM

lموديل 93 موتور اسود حالة فبريكا دواخل بس عاوزة كاوتش وشوية تلميع جبتها بـ 18

**saint** · 28-06-2009 03:08 PM

الى كل السادة المحترمين اللى ردوا عليا وحاولوا يساعدونى
كان لازم عليا لما عرفت السبب بتاع المشكلة بتاعتى انى اقولكم جايز يستفاد منى الاعضاء
والسبب كان ان فيه عجلة فى الطقم الامامى مش نفس المقاس بتاع الباقيين وكمان كانت منفخة ومعوجة فكانت خاربة الدنيا ولما غيرتها الدنيا بقت حلوة والمشكلة دلوقتى انى مش عارف اعدي بيها الـ 120 كم
اعمل ايه

**Nour_Peugeot** · 28-06-2009 05:59 PM

اولا مبروووك يا باشا العربيه و ربنا يبركلك فيها و سعرها حلو الحمد لله

و بالنسبه انك مش عارف تعدي ال 120 دي بتبقي ليها كذا عامل

بس مبدائيا انت فتحت الموتور ولا لسه ؟؟

**saint** · 29-06-2009 10:36 AM

شكرا استاذ نور على ردك وذوقك
انا فعلا فتحت الموتور بس عند ميكانيكي معرفة وغيرنا شوية حاجات كانت البارومة وكلاهم زى كوعة الماية وكده وكمان اتنضف وغيرت الشنبر (جبت نوع امريكانى)
الميكانيكي قالى ان الموتور اول مرة يتفتح والشنبر شنبر بلادها
تفتكر المشكلة مشكلة كهرباء
وسؤال تانى استاذ نور
تفتكر العمة اللى راكبة على الكاربراتير والفلتر لو مش محكومة كويس تبرجل العربية؟
شكرا يا باشا

الموضوع: مساعدة فى 205 قبل ما يشتغلنى ميكانيكي او عفشجى

LinkBack

أدوات الموضوع

عرض

-

-

-

-

المواضيع المتشابهه

مساعدة (مكانيكى و عفشجى للبيتلز بالمنصورة )

مساعدة : مطــــلوب ميكانيكي وعفشجي كوـــــيس في حـــــلوان

السنتر عمال يشتغلنى

وازاى محدش يشتغلنى فى تركيب التكييف

طلب مساعدة .. عفشجى و ميكانيكى لابيزا 98...

الكلمات الدلالية لهذا الموضوع

المفضلات

المفضلات

ضوابط المشاركة