الموضوع: تحذير محدش يحجز فى التوكيل كيا نصيحة عن تجربة

السلام عليكم احب اعرض المشكلة الى حصلت معايا مع التوكيل علشان الى مقدم على شراء عربية كيا من التوكيل .. انا كنت محتار اشترى العربية منين فقولت مفيش اامن واحسن من التوكيل روحت حجزت العربية الى هيا كيا سيراتو الجديدة اول فئة اوتو اى اكس الكلام دة اول مايو لو كانوا قالولى قدمها شهرين مكنتش زعلت لكن الى ينرفز انهم قالوا من 20 الى 25 يوم انا قولت اخرها شهر يعنى وحجزت وكلمتهم قبل معاد الاستلام السيلز قعد يقول حجج مش معقولة والعربية اتاخرت و فى مشكلة بين كيا والبنك الى بيورد الفلوس لكوريا وحورات كدة ويقولى الكلام دة محدش غيرك يعرفوا طبعا كلام فارغ المهم قولت طيب امتى قال كمان اسبوع بعد اسبوع اكلمه قالى العربية فى الميناء و خلاص اول متيجي هكلمك اسبوع كمان واكلمه العربية فى ابو رواش وهتستلم يوم 15 متقلقش يوم 15 العربية هتتاخر اسبوع وهوريك رقم الشاسية واسمك فى الكمبيوتر بعد اسبوع وبعد مخلصت كل الحجج قالى التسليم يوم الاتنين الى هوا 22 بس فى مشكلة انك هتستلم من ابو رواش قولتله لو فى الميناء نفسها اروح استلمها مش مهم قالى طيب تعالى ادفع التامين روحت دفعت مدليش وصل ولا اى حاجة قالى مهو عادى كدة ومتقلقش وكدة والكلام دة كان بعد الشغل بليل قولتله بكرة خلاص اخد اجازة من الشغل يعنى علشان استلم قالى اة طبعا اخدت الاجازة ودفعت الفلوس والساعة 10 بليل واحد كلمنى قالى انا امجد مدير المبيعات من كيا وعندى خبرين واحد حلو واحد وحش قولتله خير قالى الحلو انك متوصى عليك واحد صاحبى شغال فى المجال دة موصى عليا المهم قولتله طيب كويس الاستلام بكرة امتى قالى مهو دة الخبر الوحش انت هتستلم كمان اسبوعبن الخميس الى جاى لا الى بعده قولتله رد واحد انا عايز الفلوس قالى لية قولتله مش هرد لان دة مش سؤال السيلز يدينى اكتر من 6 مواعيد غلط كلها وفى الاخر انت مدير المبيعات تدينى معاد تانى خالص ولو حتى كان صح انا مش هصدقه انا لو على شهر استناه لكن انتوا افقتونى الثقة فيكم و مش بتعامل مع ناس بتكدب الاهون تقول منعرفش او بعد شهرين من الاول فسحبت الفلوس وروحت اخدتها فى نفس اليوم من سمير ريان بعد مسالت فى كذا معرض المهم انى لما روحت محمد ذكى قالى احنا بناخد العربيات من التوكيل اول متنزل فى المينا وبندفع كتير علشان ناخدها من التوكيل وتبقى جاهزة عندنا علشان كدة بنبعها اغلى من سعرها احنا معزورين كان ناقص بيقولى احنا بندفع رشوة :) وبرضو سمير ريان بيقول ىاحنا بناخد اكبر دفعة بتنزل للتوكيل وبندفع كتير عمولات وكدة علشان ناخد الكمية دى ففهمت انا كان بيحصل كدة لية معايا وكل شوية تنزل دفعة وتتباع وانا استنى وهكذا انصح اى حد عايز يشترى يحجز فى اى مكان غير التوكيل حتى لو هيدفع اكتر علشان التوكيل ممكن يرميك اكتر من شهرين و ومش هتاخد منهم معاد حقيقى لان من الاخر الى ياخد رشوية سهل انه يكدب اسف على التطويل لكن بجد انشروا الموضوع علشان تحذروا الناس