الموضوع: تقرير هام عن صيانة 1000 كم لـ byd

السلام عليكم يا شباب احب اقول تجربتي مع العربية والتوكيل في العباسية
اولا العربية الله اكبر عليها ممتازة بمعني الكلمة والاداء وكل حاجة ومش عايز اشكر فيها اكتر من كدة لان عربيتي عاملة لحد دلوقتي 40 الف كيلو ومشاء الله محصلش منها اي حركة ندالة نهائي اداء ممتاز ومتانة وثبات علي الطريق رائع وناعمة في العفشة انا جربتها علي صحراوي الاسكندرية جبت سرعة 170 وكان ممكن ازود تاني بس قلت كدة عظيم وتمام اوي والمهم في السرعة دي الثبات كان ممتاز لدرجة كنت مطمن جدا في الملفات في الطريق بسرعة عالية زي كدة

ثانيا التوكيل في العباسية انا متابع معاة وكان في مهندس هناك اسمة عماد مهندس رايق وشاطر ومكبر دماغة بس فاهم كويس وهم دلوقتي مشوة لانة حقاني وبيغير اي حاجة تستاهل تتغير ودة طبعا للادارة خسارة عليهم المهم انا اول 5000 كيلو غيرولي السنتر لوك لانة كان بيعمل صوت ودي الحاجة الوحيدة اللي اتغيرت في العربية في التوكيل اما الصيانة كانت رخيصة وتعتبر زيادة بحاجات لا تذكر عن برة يعني متفرقش لكن التوكيل عندي احسن

لاحظت بردو موضوع استهلاك البنزين دة ممتاز جدا جدا في المفتوح لكن في العادي او داخلي استهلاكها زي اي عربية اللتر يعمل مثلا 12 او 13 كيلو اما في السفر مش هقول علشان العين هههههههههههههههه

نهاية ضمان الاجزاء الكهربائية او الكهربا عموما عند ال 20 الف كيلو بعد كدة الضمان موتور بس وتقدر تعمل موضوع الشبورة برحتك وفعلا يتركب لمبة علي مفتاح مستقل

شكرا للمتابعة يا شباب واسف للاطالة

ياريت يا جماعة كل اللي عملوا صيانات في أي فروع الوكيل أو حتي برة التوكيل عند المراكز الخاصة يعرفنا تجربته سواء كانت حلوة ولا وحشة علشان نستفيد أكتر

المشاركة الأصلية كتبت بواسطة breadmould

لو فى حد اشتر العربية ام 62 الف byd العادية عايز اعرف اية الحاجات اللى استلمها مع العربية وكام مفتاح معاها واين يوجد التوكيل بالضبط وشكرا

الحجات اللي حضرتك تستلنمها وتتأكد من وجودها

الإستبن + الكوريك + مفتاح العجل + شنطة العدة

كتالوج السيارة

دفتر الضمان 3 سنوات أو 60000 كم

الولاعة

عدد 2 مفتاح عادي بدون ريموت

التوكيل موجود في العباسية 4 شارع الطرابيشي خلف إتحاد الشرطة الرياضي

المشاركة الأصلية كتبت بواسطة aelhossan

والله يا جماعه انا كنت ومازلت بقول ان العربيه دي انضف عربيه صيني دخلت مصر ربنا يباركلكم فيها

مشكور يافندم وعقبال ما نبارك لك عليها في مصر إن شاء الله

شكر جزيل لكل توكيل محترم و واضح جداً أن توكيل الأسكندرية و مركز خدمته جيد جداً بدليل أننى لاحظت ناس كتيرة بتيجى من القاهرة و المحافظات الأخرى للإسكندرية مخصوص علشان هذا التوكيل و مرحباً بكل أعضاء المنتدى فى الإسكندرية

السلام عليكم

خير يا جماعة معقول محدش بيروح يعمل صيانة خالص؟؟؟

عاوزييين نعرف رأي الناس إيه حتي لو مش كويس .....

علشان باقي الأعضاء يستفيدوا من خبراتكم ويقدروا يقيموا أفضل المراكز إيه؟؟