الموضوع: تقرير صيانة ال 1000 كم لنيسان صنى 2011

المشاركة الأصلية كتبت بواسطة just4fun

ازيكم يا صقور المنتدى ,
امبارح رحت عملت صيانة الالف فى مودرن الهايكستب قابلت المهندس قالى هتحط زيت 5000 ولا 10000 مش بيحطوا غير موبيل قلتلوا انا ماشويرى قصيرة و كلها جوة البلد قالى يبقى 5000 قلت ماشى فقالى الزيت حسابوا 120 و 50 فلتر و سألنى فى اى مشاكل قلتلوا كان فى هبوط فى دواسة الفرامل و الباور بحس انو بيتقل و يخف قالى ماشى هنبص عليهم و بعدين شاف العربية عشان يستلمها فالى نحطلك نيتروجين عشان سيفتى قلت ماشى و شاف الموتور كان كلوا تراب و شحم فالى نغسلوا فوم قلت ماشى المهم خد العربية الساعة 11.30 و قالى هتستلم 2.30 المهم العربية خلصت الساعة 3 سئلتوا اية اللى حصل قالى غيرنا الزيت و عملنا الكاوتش نيتروجين و غسلنا الموتور و الفرامل سليمة هى كده طبيعية و ظبطنا رجلاش الدريكسيون واستلمت العربية و دفعت الفاتور 270 120 زيت و 50 فلتر و 40 نيتروجين و 40 غسيل فوم و17 ضريبة

انطباعى عن العربية بعد الصيانة : محستش بفرق جامد و صوت العربية ممكن يكون على شوية و السحب مش اوى و حسيت ان المركز ده مش قد كده و فى شوية كروتة

كان عندى سؤال للصقور فى حكة فى حتة صغيرة من العتبة و الدهان اتقشر و ملاحظ انها بدأت تصدى و مكنتش عايز اعملها سمكرة هل لو لزقت استيكر عليها هيحمها ولا اعمل اية ؟؟؟

ياريت مكنش طولت عليكم و مستنى ردودكم .

تصدىىىىىىىىىىىى؟؟؟؟؟؟؟؟؟
استيكررررررررررر؟؟؟؟؟؟؟؟؟ ؟؟؟؟
لا طبعا يا باشا
لازم هما يروشوهالك
ياريت تبقى تحط زيت شل بيوطى صوت الموتور

الف شكررررررررررررررررررررررر ررررررررررر يا احلى صقور على الافادة الرائعة ربنا يخليكم

المشاركة الأصلية كتبت بواسطة MOK3336

1000 مبروك و عقبال صيانة 100000
بالنسبة لموضوع مركز الخدمة روح لمركز الحضرة أفضل
بالنسبة للزيت تبقي حط شيل 10000 زيى ما aaaprd قالك
انا مجرب الزيت ده و تمام و علي فكرة مش هتفرق إذا كان مشاويرك جوة البلد او برة
بالنسبة للحكة ايلي عندك انت ممكن تعملها عندهم هى لو صغيرة يبقي تخليهم يلقطوها و مش هتبان لكن لو كبيرة يبقي يصنفروها و يلقطوها و برده مش هتبان إن شاء الله
و ليه النتروجين ب 40 جنيه ؟؟؟
دي الفرده ب 5 جنيه في كل حته و لا انت عربيتك ب 8 فرد :)

انا كنت مخنوق من المهندس ده بعد ما قالى 5000 و سألتول ابقى اغيرو برة و اجى على ال 10000 على طول قالى ماشى و لما العربية خلصت قالى لا لازم تيجى على ال 5000 عشان الضمان و كمان صوت الموتور على .
و بالنسبة للحكه هى تقريبا 15 سم من العتبة و فى حتة الدهان اتقشر و دخلت لجوة شوية و مش هاقدر اروح التوكيل تانى انا من الزقازيق و صعبان عليا العربية جديدة تروح لسمكرى و تترش