الموتور عندي بيجيب زيت من كل حته

**eng_ahesham** · 24-06-2009 11:59 PM

السلام عليكم
يا جماعه انا عندي الموتور بيجيب زيت من كل حته
غيرت انا قبل كده جوان غطاء التاكيهات وايل سي البوبينه ومنع فتره وبعد كده بقي يجيب تاني مع اني كنت جايبهم من التوكيل.

وبعد كده بقي بيجيب من عند غطاء سير الكاتينه ومن عند العمه وبقي شكل الموتور غريب ويرعب انصحوني الله يكرمكم اعمل ايه وروح لميكانيكي متخصص بونتو فين غيثوا اخوكم

**Ashraf_Ashraf** · 25-06-2009 04:59 PM

واضح ان موتورك خفيف جدا لدرجه انه بينفخ من كل ناحيه اعتقد انك تشوف الموتور الاول قبل ماتشترى اى جوانات تانى
الله يعينك

**mentaloss** · 25-06-2009 05:49 PM

بص يا حبيبى معظم مواتير الفيات القديم تقريبآ فيها نفس المشكله وده راجع للتقادم فى العمر ممكن يكون الجوانات تهالكت وعايزة تتغير او اويل سيل او الحقيقه المره ان المكنه خفت زى الباشمهندس ما قال وبتنفخ زيت من كل حته وعلى فكره ان لسه عامل عمره وجابت زيت لدرجة ان الواحد زهق وبيفكر يبقلش العربيه ورنا يسترها معاك ومعانا.

**eng_ahesham** · 27-06-2009 04:55 PM

بس مش الموتور لو خفيف هيبان
لما احمل
لما اجري
لما اشغل التكيف واشد واحرق
يبقي في دخنه
انا كنت مشغل التكيف وجايب علي الرابع 160 والعربيه كانت مرتاحه جدا
ولا دخنه ولا غيره
ولا انا كلامي غلط؟؟؟؟؟

**mentaloss** · 28-06-2009 01:42 AM

عامة انا رأيى اعمل اختبار كبس موتور الأول واطمن على حالة موتور عربيتك وبعدين ان شاء الله اذا كان كل شىء تمام روح للميكانيكى وخليه يغير اللازم من جوانات وخلافه قبل ميفتيللك ويقوللك عايزه وعايزه....