الموضوع: ياريت الكل يشارك فى الموضوع ده

السلام عليكم

ياجماعه انا النهرده دخلت الماركت بتاع البنزينه لقيت حاجات غريبه:

1-منظف الموتور الى هو بدل غسيل الموتور الانجيكشان واسمه
(engine surface) لما جيت اجربه لقيته عامل زى الرغاوى بتاعت الصابون كده وبعد دقيقه بيتحول الى سائل
ايه رايكم عموما فيه هل ده خطر على الموتور ولا لا لئنه فى ناس قالت لى انه لو جه على الاسلاك تبوظ الكلام ده صح ولا غلط وياريت الى جربه تانى يرد عليا انا جربته بيشيل كل حاجه مش بيسيب اى اثار بعد ما تستخدم معاه فوطه او منديل هتلاقى الموتور رجع انظف من الفبريكه كمان وبيلمع .
ده اول حاجه ياريت الناس و الاستاذ المهندس الفاضل سمير عياد يفيدنا برده من خبرته.

2- فيه حاجه غريبه لقيتها النهرده وانا بدور على المياه الخضره لقيت علبه زى علبه الكانز بتاع البيبسى وبيقولو عليها انها مركزه ودى العلبه بى 55 جنيه وفى جركل اخضر بى 50 والغريب الى لقيته مياه حمراء بتاعت كالتكس ودى بيقولو عليها المانى ايه رايكم فيها المياه الحمراء دى انا مجربتهاش ولا اشتريت اى نوع من انواع المياه خالص ياريت الى يعرف ايه المياه الحمراء دى يقول لينا عليها انا عارف المياه الخضراء وفيه مواضيع كتير عليها هنا
برده ياريت الكل يشارك فى موضوع المياه ده لئنه مهم والجركن كان بى 55 جنيه .

3- لقيت علبه بقولو بيتم وضعها مع الزيت ودى بتنظف الموتور اسمها فلاش موتور ايه رايكم فيها وهل حد جرب الكلام ده والعلبه بى 35 جنيه ؟؟؟

4- فيه منظف تابلوه مش فاكر نوعه فى علبه لونها اصفر كده ده بيقوله عليه نظيف اوى والعلبه بى 30 جنيه .

5- واخيرا منظف للفرش الجلد وده ابن عمى جابه عامل برده زى رغاوى الصابون بس معملش معايا حاجه لئن الفرش عندى لونه اسود لكن كان عنده هو فى عربيته اوساخ على الفرش وفعلان شالها كلها بس هو الفرش عنده بيج ايه رايكم فيه ده كمان وهل حد تانى جربه ؟؟

عموما ياريت نفتح الموضوع ده يستفيد بيه الكل واى حد جرب حاجه يقول عليها وعملت معاه ايه وسعرها كام لكى تعم الفائده علينا جميعا

وشكرا ليكم وللمنتدى الجميل ده
فى حفظ الله

ايه ياجماعه هو مفيش حد ليه بيرد على الموضوع مفيش حد جرب اى حاجه من الحاجات دى خالص ؟؟؟؟

عموما انا النهره عرفت ايه الفرق بين المياه الخضراء و الالوان التانيه دى كلها المياه الخضراء للمواتير الحديد
وباقى الالوان دى للمواتير المصنوعه من الالمونيوم الى هى زى مواتير المرسيدس كده
والالوان دى على شان تفريق المنتج مش اكتر على شان اصلا المكونات بتاعت المياه دى كلها شفافه فا موضوع اللون ده للتفرقه مش اكتر يعنى بعد كده كلنا نشترى مياه خضره لئن اغلبنا معاه مواتير حديد والالوان التانيه للعربيات المرسيدس والله اعلم ايه تانى مصنع من الالمونيوم والى قالى الموضوع ده واحد صحبى سعودى الله اعلم بقى ان كان كلامه صح ولا غلط