الموضوع: تويوتا ياريس و لا بولو سيدان ؟؟

حتى ولو اتجربت فهي متقفلة في الصين وباين قوي كده عليها التقفيل ده وبعدين الياريس اه حلوة بس سعرها مبالغ فيه بزيادة علاوة على ما ذكر مش ثابتة والاكصدام وقرب الموتور للخارج وموضوع التابلوه اللي في النصف وطبعا دي اذواق بس لو مافيش غير العربيتين دول يبقى ياريس بكل تاكيد

مممممممممممممم
شكل كدة مفيش حد فى المنتدى عنده البولو الجديدة
لان كله بيتكلم على انها تقفيل صينى و خلاص
ياريت يكون حد جربها و شاف تقفيلها يقولنا عاملة ازاى بغض النظر عن كونها تقفيل صينى مهو اسمع برده ان الجيتا مش تقفيل المانى برده(اعتقد برازيلى او أرجينتينى مش متأكد بالظبط) و مع ذلك الناس بتشكر فيها

اكيد علشان اشترى
بس انا حاطط رنج معين للسعر مابين 85 الى 100000 الف مش اكتر و فى نفس الوقت عايز تكون العربية قطع غيارها موجودة و منتشرة فى اى حتة برة التوكيل لان انا مش من القاهرة و يكون اى مياكنيكى بيفهم فيها و اعادة بيعها تكون كويسة
لان اكيد سواء التويوتا او الفولكس كويسين فى النقطة دى

المشاركة الأصلية كتبت بواسطة meshmeshahanem

انا معايا واحد فالشغل جايب البولو السيدان
انا سألتوا عليها شكر فيها جدا وقالي انها ثابته وخصوصا انو كان خايف عشان موضوع انها مصنوعه فالصين
هو كان معاه بولو الهتش باك القديمه وكانت ألماني ولما جاب الجديده قالي مافيش فرق خالص
انا ركبتها بس مسقتهاش وانطباعي عنها :
1-العربيه واسعه من جوه
2- التقفيل حلو قوي
3- التكييف ثلاجه
4-الشنطه واسعه جداااااا مع امكانيه طي الكنبه
5- يكفي ان ماتورها ألماني
ولو في اي استفسار عنها انا ممكن اسئله عليه وأقولكم

متشكر جدا لحضرتك اخيرا فيه حد فى المنتدى يعرف حد جرب العربية
ياريت بعد اذنك تسألبه عن مدى توافر قطع غيارها برة التوكيل و اسعارها عملة ايه و استهلاكها للبنزين عامل ايه برة وجوة البلد (يعنى 20 لتر بيعمل كام كيلو مع التكييف و بدون)
و هل فيه اى عيوب قابلته فى العربية ؟؟؟

المشاركة الأصلية كتبت بواسطة pharonicking

ا
تويوتا فيها كل الى تتمناه

شكرا بس موضوع الاكصدامات الضعيفة زيادة عن اللزوم دى يخلى الواحد يقلق شوية و خصوصا انها بتتأثر حتى لو من اى خبطة بسيطة على مابسمع