استلمت هوندا سيتى 2009 ومحتاس افيدونى

**ahmed4000** · 08-07-2009 04:12 PM

المشاركة الأصلية كتبت بواسطة kareemhisham

بالعكس العربية انتشرت جامد بعد ما سعرها نزل ,, انا بقيت اشوف كل يوم على الاقل اتنين

هما تقريبا نفس العربيتين هما هما بيتكرروا

انا بجد مهتم بالعربية اوى بس عدم انتشارها هو اللى مخلينى مقبل على التيدا اللى بقت مكتسحة

**Ahmed.TV** · 14-07-2009 02:14 AM

يا جماعة ياريت تفوقوا شوية بعد اذنكم الستى عربية هوندااااااااااااا وهوندا يعتبر بى ام اليابانى مواتير محترمة وقوية وتكنولوجيا جبارة ومتقدمة عن العربيات المنافسة وغير كدا توكيل محترم فى مصر بغض النظر عن اسعاره الغالية بس كل اللى شغالين فيه بيفهموا , ده غير سعر العربية ممتاز مقارنة بباقى العربيات الاخرى اللى فى نفس سعرها فى السوق ., وصدقونى العربية دى احسن من عربيات كتير فى نفس سعرها 114 الف وكفاية ان مواتير الهوندا معمرة وليه سمعة , وكفاية كمان ان احسن فتيس اتوماتيك هو الهوندا وكفاية كمان تكيفها وكفاية كمان ماتورها القوى الجبار واللى موفر فى البنزين يعنى حنقول ايه ولا ايه ولا ايه ,, بس عاوزة الواحد مش يستخسر فيها اى حاجدة ولا يكسل عن صيانتها , وكمان مش يخرج بره التوكيل عشان المكيانيكة اللى بره بهايم واللى يقول ان قطع غيارها غالية يبص على باقى السيارات حيلاقى بردوا اى قطع غيار اى عربية حديثة بتكون غالية , فده عادى ,, واخيرا اللى عاوز يشترى قبل ما يشترى ينزل مثلا معرض فى كل انواع السيارات ويتفرج على العربيات كلها من فئة 100 الف لغاية 125 الف ويقارنها بالستى بس من ناحية الماتور ويتفرج عليه وبلاش يهتم بالشكل وبس ومش يدى ودانه للبياع ويقولنا رئيه ,,,, والف مبروك لصاحب العربية بس ياريت يدخل تانى ويقولنا على ادائها عامل ايه معاه ,, وانشاء الله العربية تنتشر اكتر بعد ما سعرها بقا فى محله الصح لان كمان الاول غالى و114 الف وهوندا وزيروا ده كدا بقا فللللل اوى ومحدش يجيب سيرة اى عربية تانية وشكرا

**ahmed4000** · 22-12-2009 11:34 AM

المشاركة الأصلية كتبت بواسطة tarekway

هو قطع غيار السيتى ارخص ولا السيراتو ؟ ومين متوفر كتلر

اكيد قطع غيار السيراتو ارخص...رغم انى مع السيتى

**mohamedhamam** · 22-12-2009 01:18 PM

ألف مبروك ربنا يديك خيرها و يكفيك شرها

**washable** · 26-12-2009 11:39 AM

مروان يا مروان الف مبروك و اختيار فى الجون يا معلم :) بص يا سيدى انا معايا هوندا سيتى 2008 .
اولا موضوع الفرامل ده عادى انك تلاقى الجنط سخن متقلقش و اكيد لو فى حاجه لو عيب صناعه هيظهر بسرعه فشيل الموضوع ده من دماغك كل العربيات كده.

ثانيا موضوع العفشه ال2008 كده برده و نصيحه ليك انفخ الكاوتش زى ما هو مكتوب على العتب 32 قدام و 30 ورا و هتدعيلى هتلاقى العربية نعمت شويه بس مش قوى و كمان اعملها فى بنزينه فيها عداد ديجيتال مش مانوال عشان تكون متأكد انها 32 صح موبيل المرغنى.. على فكرة ميزة ان العفشة تكون قويه عشان متنزلش فى المطبات و تحك زى السيراتو و الالنترا.

ثالثا الفرش و الله انا جبت فرش من سبير كار اللى فى وسط البلد شارع الشيخ ريحان و الحمد لله كان بيج لون العربية و محدش بيصدق انه مش فرشها الاصلى ماشاء الله :) و على فكره مش غالى.

رابعا اوعى تخلى أى (((كلب))) ميكانيكى يمد ايده فيها و الا هقولك بكل بساطه بلها واشربها و انسى بقه انك معاك هوندا. خليك فى التوكيل ناس على الاقل عندها خبرة و تدريب فى الهوندا كمان خليك فى بتاع التجمع ده كويس.

خامسا بمناسبة الانذار و السماعات اللى ورا انا سئلت فى التوكيل المهندس مصطفى اللى فى التجمع قاللى اى قطع فى سلوك الكهرباء بتاعات العربية يخرج ككككككككككككككككللللللللل لللللللل كهربة العربية من الضمان و التوكيل مش مسئول.:( و بالتالى لا ركبت انذار و لا سماعات ورا.

و اخيرا ضحكتنىىىىىىى اوى و انت بتقول كام خربوش فكرتنى لما جبت العربية و كنت كل 10 دقايق اخرج ابوض عليها :) يا بيه انا بكون راكن جنب اى عربيه الاقى الحيوان اللى راكن جنبى بيفتح الباب ويرزع فى باب العربية بتاعتى شعب زباله محدش بيحافظ على حاجت غيره ..

و الله خليها كده من غير رش عشان لما حد يسألك عليها تقوله اسكوت يا عم ده اتخبطت :).

على العموم انا طولت عليك و ربنا يبارك ليك فيها و يحميك يا سيدى ...
happy new City
Ahmed