الموضوع: غبور عملها - الالنترا ب 126 !!!!!!!!!!

المشاركة الأصلية كتبت بواسطة som3aa

انا اسف بس انا لازم اتهم كل اللى ردوا و قالوا غالية اوى و لا قالوا دا نصب و الكلام دا كله بالجهل!!
ايوه و مصمم على كلامى

يعنى دلوقتى محدش عارف يرد ايه الكماليات اللى زيادة فى العربية علشات نقدر نحكم هى غالية و لا لأ اساسا و الناس بمنتهى الجهل داخلة تقول عالية اوى , اللى يقول على حاجة غالية لازم يعرف كل حاجة عنها الاول .
بمعنى واحد يقولى الالنترا ب 92 ازاى ينزل واحدة ب 126 , طيب يا سيدى حد يعرف بالظبط ايه اللى فيها زيادة غير الabs و ال airbags؟؟؟؟
محدش عارف
طيب على اى اساس الناس بتقول غالية , لو زود abs + airbags بس يبقى غالية جداااا مش غالية بس انما لو زود cruise control مثلا و فرش جلد طبيعى (مش المضروب المصرى) بالجنوط و فتحة السقف و التكييف التاتش و parking sensors اصلى و حاجات كدا كتير مثلا يبقى مش غالية خالص لان اللانسر ال1500 الفاضية اللى هى اساسا فى العالم كله اقل من الالنترا تمنها بيبدا من فوق ال120 و 130 لو اوتوماتيك يبقى مفيش وجه مقارنة!!! و لا سمعت حد بيقول غالى و لا اى حاجة.

انا مش قادر افهم ازاى واحد يقول على حاجة غالية منغير ما يعرف هى فيها ايه؟؟؟

على فكرة انا مصمم جداا على كلمة جهل.

يا استاذ سمعه

غبور لما كان بينزل الالنترا اللى ب 121

كانت بتزيد عن الالنترا اللى ب 116 ال Abs وال Air Bags بس

يعنى الفرق 5000 جنيه

انت شايف انه ممكن يزود على دول مثبت سرعه وفرش جلد وباركنج سنسورز كمان ؟

كل ده ب 5000 جنيه فرق بس ؟

صعب اوى مع غبور

وبرضه اللى ب 126 تزيد الجنوط بس

وبرضه ياريت حد يتأكد من التوكيل ويجيبلنا الخبر اليقين

المشاركة الأصلية كتبت بواسطة som3aa

بالنسبة ل5000 جنيه فانا شايف دا كويس اوى للabs + 1airbag اكيد مش اكتر من كدا , اللى اعرفه ان هاى لاين الالنترا كانت ب 113 و غبور زودها ل 116 و دى تقريبا فيها كل حاجة (جنوط و كدا و تكييف تاتش) ماعدا الabs و ال airbags فلما يزودهم و ينزلها ب 121 دا كويس اوى , الفكرة ان بيقولوا فى واحدة كمان ب 126 و دا فرق 5000 جنيه كمان اكيد ممكن يكون زود فيها حاجات بس برده مش دا اللى انا كنت بتكلم فيه.

انا قصدى هو ازاى الناس بتحكم على حاجة منغير متعرف ايه اللى حصل فيها الاول , يعنى لازم اعرف و اتاكد الالنترا اللى ب 126 دى فيها ايه بالظبط و بالتالى اقدر اقول دى كويسة و لا لأ و اقارنها بالسيراتو مثلا لان السيراتو فى رايى الشخصى شكلا احلى و اللى ب 126 دى فيها فرش جلد طبيعى + مفتاح بصمة + ضمان 5 سنين , فبالتالى اللى بقوله نصبر الاول قبل ما نحكم و نقول غالى و لا لأ نشوف ايه اللى غبور نزله بالظبط , قبل ما قول اى حاجة سالت ايه اللى نزل فى الالنترا اللى ب 126 زيادة محدش عارف يرد فبالتالى الناس مش عارفة يبقى متقولش غالية , انا متوقع فى الاخر انها تبقى غالية و ان غبور يكون نزل حاجات اى كلام بس مقدرش افتى و اجزم انها غالية الا لما اعرف ايه اللى غبور نزله بالظبط.

انا فاهم قصدك ياباشا

ان الناس بتهاجم وخلاص من غير ماتعرف هى الاوبشنز بتاعها ايه بالظبط

زى ماكان فى موضوع فى قسم بريليانس

ان ال frv بقت ب 110

وكلو دخل يهاجم ويشتم ويتريأ

من غير مايتأكد

وفى الاخر طلعت غلطه مطبعيه من كونتاكت كارز

انا معاك فى الحته دى

بس فى الالنترا يمكن فى ناس قالوا انها غاليه على اساس ان الفئه دى كانت بتنزل قبل كدا

وعارفين ايه الاوبشنز بتاعها

فعشان كدا قالوا غاليه

وفعلا انت لو بصيت على السيراتو ال sx اللى ب 116 مش الهاى لاين حتى

هتلاقى فيها اوبشنز أكتر من الالنترا اللى ب 126