مكان الطبة في كارتير زيت الموتور

**Ashraf_Ashraf** · 29-06-2009 01:52 PM

المشاركة الأصلية كتبت بواسطة waleedrahmy

العامل الغبي قرص علي رباط الطبة لحد ما فوتت............عموما هات طبة جديدة وجربها وبلاش تمشط الفتحة لغاية ما تجرب الطبة الجديدة ال حاتركب ان شاء الله بدون تفويت.........وان لقيت الطبة الجديدة بتفوت روح للخراط خليه يعملك طبة علي مقاس الفتحة وبلاش حكاية تمشيط الفتحة الا لما الخراط هو ال يقول

**emaddamin** · 29-06-2009 10:21 PM

السلام عليكم ورحمة الله وبركاته

أنا من رأيى لو حضرتك لديك بعض الخبرة فى الميكانيكا ولو بسيطة تعمل الأمر بنفسك يعنى تشترى طبة أكبر سنة بسيطة من الطبة القديمة وتجيب ذكر قلاووظ نفس مقاس الطبة الجديدة وترفع السيارة وتمشط السن النتاية فى الكارتيرة كده طبعاً هتحافظ على الزيت بأنك تفضيه فى جركن نظيف لأن موضوع الخراط ده لازم تفك له الكرتيرة وده طبعاً أنا شخصياً لا أحبذه

**mmahermf** · 30-06-2009 09:11 AM

المشاركة الأصلية كتبت بواسطة emaddamin

السلام عليكم ورحمة الله وبركاته

أنا من رأيى لو حضرتك لديك بعض الخبرة فى الميكانيكا ولو بسيطة تعمل الأمر بنفسك يعنى تشترى طبة أكبر سنة بسيطة من الطبة القديمة وتجيب ذكر قلاووظ نفس مقاس الطبة الجديدة وترفع السيارة وتمشط السن النتاية فى الكارتيرة كده طبعاً هتحافظ على الزيت بأنك تفضيه فى جركن نظيف لأن موضوع الخراط ده لازم تفك له الكرتيرة وده طبعاً أنا شخصياً لا أحبذه

وعليكم السلام ورحمة الله وبركاته

ألف شكر على الفكرة الجميلة بس لو تعرف ذكر القلاووظ ده اجيبه منين هل موجود عند محلات قطع الغيار العادية

وشكرا

**mmahermf** · 01-07-2009 08:51 AM

المشاركة الأصلية كتبت بواسطة mmamdouh

هو طبعا دة الحل الاسلم بس فى نفس الوقت مكلف جدا

انا مش شايف ان حل التمشيط وحش لان الطبة مفيش عليها اى اجهادات و اللى بيبوظها دايما هو الاهمال فى التركيب... انا مازلت مع حل التمشيط عشان التكلفة فقط

mmamdouh

محمد باشا حبيت أقولك اني جبت كارتير استيراد من أبو هاشم ب275 جنيه يعني أغلى من الجديد اللى عند أبو الحسن لأن الجديد معجبنيش الفنش بتاعه وحش وخشن من بره من كتر الزوائد اللى فيه وتحس انه مصبوب تحت بير السلم بالرغم انه عليه علامة دايو بالبارز وكان ب250 جنيه.

وملاحظتي أن الاستيراد أخف وزنا من الجديد وده بسطني لأن كده الموضوع وضح أن نسبة برادة الحديد في الجديد أكبر من نسبة الألومنيوم

وركبته عند عبده مع شوية حاجات تانية وأخدت الكاتير الأصلي حبقى أمشطه وأشيله للزمن.

وشكرا لكم جميعا