تجربه زى الفل وفعلا الواحد لازم يجرب كل حاجه علشان ياخد منها حاجه يتعلمها ويعلمها لاولاده
عرض للطباعة
تجربه زى الفل وفعلا الواحد لازم يجرب كل حاجه علشان ياخد منها حاجه يتعلمها ويعلمها لاولاده
بس يا اسطى ابو صلاح انت ماقولتلناش الجوانب الايجابية و السيئة فى التجربة دى!
يعنى ايه السلبيات غير موضوع لجان المرور ورزلتهم؟
انا عموما اتمنى انى اخوض التجربة دى لانى بصراحة بحب المغامرات دى.
ومرة تانية بهنيك على شجاعتك فى خوض التجربة دى رغم معرفة عواقبها(موضوع الرخصة+ تناحة رجال المرور مع سواقين الاجرة)
بص النواحي الايجابية
اني بلف الشوارع بدون هدف وبعرف اماكن جدبدة مكنتش اعرفها
اني اعرف مقدرتي على السواقة تمتد لكام ساعة (وانا عن نفسي اكتشفت ان آخر مقدرتي على السواقة تقريبا 4 ساعات متواصل) والله بعد لما نزلت من التاكسي وركنته في الجراج لقيت جسمي مدغدغ
الصبر على الرزق والله ودي اهم حاجة
التواحي السلبية
طبعا اول شيء المرور
بعض الناس ركب معايا حسسوني اني اقل منهم مع اني حاسس انك ماخلعهمش من رجلي
السواقين التانيين بتوع التاكسيات لما يحسوا انك داخل تاخد زبون وهو فاضي خصوصا في منطقة الحسين والازهر انا كنت هتخانق مع واحد بس ربنا سترها
تعب الجسم جدااااااااا وبدء فقدان التركيز
الناس اللي تحس انها فاضية ووشاشة ولوكلوك
بس عايز اقول حاجة
دي تجربة جامدة جدا جدا مكنتش متخيل في يوم من الايام انها ممكن تحصل
خصوصا وانا بعيد خالص عن الموضوع ده
well done manعارف انا دايما احب اعمل حاجه جديده عشام مااملش من حياتى وازهق بسرعه فكره حلوه انا هاجرب ميكروباص :beatdeadhorse5:
بجد يا ابوصلاح انا مبسوط منك لانك مخفتش وجربت
وانا لو منك اظبط حالى واطلع رخصه عشان اسوق تاكس براحتى ههههههههههههه
واهو 25 جنيه ف 3 ساعات زى الفل
وابقى ابعتلى نصيبى