الموضوع: انا بعت عربيتي و مش عارف اركب حاجة تانية

المشاركة الأصلية كتبت بواسطة rabbat5

المشكلة ان الفكترا بي النضيفة و اللى صاحبها بيشتريلها قطع غيار أصلي و معتني بيها بقت نادرة جدا.

صح فعلاً... أصلك لو بعتها حتركب إيه زيها اليومين دول؟.. أقل عربية ألماني 2000 سي سي فوق ال 300 ألف جنيه! وطبعا مش حتنزل من الأوبل وتركب ياباني واللا كوري واللا حتي صيني!!!! فرق الجودة رهيب بين الألماني وأي منتج أوروبي... طب تصدق بالله ... أنا معايا واحد ألماني فى الشغل ... عنده بتاع 58 سنة.... المهم ده لا متجوز ولا مصاحب ولا ولا ولا أي حاجة بس مجنون سباقات عربيات ومعارض وخلافه.... المهم مرة قعت أتكلم معاه على أساس إني أعرف إنه معاه بورش 911 تيربو متعدلة لسباقات إسمها سباقات بورش فى بلده، وقعدنا نتكلم على الجودة و و و و اللى كل ما يتعلق بالسيارات وفوجئت لما قلتله أخبار الفيراري واللمبورجيني إيه على إعتبار انه فى المجال ده من زمان..... تخيلوا قاللى إيه.... قاللى بغض النظر عن إني ألماني بس لا توجد مقارنة فى جميع الأحوال ... ممكن الفيراري تكون أسرع فى بعض الأحيان لكن الجودة حتلاقيها فى الألماني فقط.. وقاللى حتلاحظها حتي من (قفلة) باب العربية وانت بتقفله وده على سبيل المثال وليس الحصر!!!!.... قلت سبحان الله وشهد شاهد من أهلها!

ربنا يوفقك وتلاقي واحدة كويسة إن شاء الله ، المشكلة إن العربية دي كانت عالية فى سعرها فبالتالي كانت بعيدة نوعا ما عن المتناول، لكن الأسعار لما نزلت بقي سعرها فى متناول الزبون العادي ( من 45 الى 80 ألف جنيه على حسب الموديل والحالة) فالنظيف منها خلص من السوق طبعا!!!! ...يعني حتركب كورى وللا ألماني؟؟؟؟


عذرا للإطالة و تقبلوا تحياتي.