السى دى بلير و الشمس ؟!!؟

**NFS** · 29-06-2009 01:27 AM

من ساعه ما عزلت و انا بركن العربيه فى الشارع مفيش جراج, و العربيه بتفضل طول النهار فى الشمس و الصالون طبعا بيبقى فرن. انا حسيت ان وش السى دى هيبوظ من الشمس ,بمسكه بلقيه مولع زى بقيت الصالون, فابشيلو كل لما اركن و احطه فى العلبه بتاعته و احطه فى درج الطابلوه, بس من كتر الفك و التركيب الكليبسات الى مسكاه ريحت و حاسس انو بعد كده ممكن يتخلع بسهوله و يقعد يفصل. انا محتار بصراحه الموضوع ده عملى مشكله, صعبان على السى دى لسه جديد, مش عارف الشمس ارحم من انا اركبه و اخلعه كل شويه ولا الشمس هتضر السى دى اكتر ولا ايه الحل؟!

شكرا

**KoDaK_Gti** · 29-06-2009 11:34 AM

ماتجيب شماسة اللى بتتحط على الازاز من جوة
شوف وحدة لونها ابيض او فضى حاجة تعكس الشمس وهتفرق معاك جامد

**bobo2009** · 29-06-2009 03:35 PM

ايوة صح الشماسات هتفرق جامد و مش غاليه

لان الكاسيت هيبوز من كتر اشمس و مش الكاسيت بس التابلوة هيقشر

فانصحك بالشماسات دىزى م kodak قاللك او تركنها بعيد عن الشمس

**NFS** · 29-06-2009 03:47 PM

مانا عندى الشماسه و بحطها, بس الشمس بتيجى من كل حته مش من الزجاج الامامى بس, اصل العربيه بتفضل طول النهار فى الشمس يعنى الشمس بتلف حوليها من كل حته لحد ما السى دى بيولع, طب لو فضلت افك الوش كل مره كده ممكن فعلا يبوظ مع الوقت ؟!؟!

**bobo2009** · 29-06-2009 04:05 PM

ده لازم هيبوز

يبقى مفيش غير انك تغير مكان الركنة او تغطيها

بس زى مقلتلك مش الكاسيت بس الى هيبوز

**NFS** · 29-06-2009 06:03 PM

شكراُ على اهتمامكم, امرى الى الله هحاول اركنها او اغطيها بس لو الوش دة باظ ممكن اعرف اجيبو من حتة فى مصر هو
sony xplod MEX-BT2500 ??!

**KoDaK_Gti** · 29-06-2009 06:33 PM

المشاركة الأصلية كتبت بواسطة nfs

مانا عندى الشماسه و بحطها, بس الشمس بتيجى من كل حته مش من الزجاج الامامى بس, اصل العربيه بتفضل طول النهار فى الشمس يعنى الشمس بتلف حوليها من كل حته لحد ما السى دى بيولع, طب لو فضلت افك الوش كل مره كده ممكن فعلا يبوظ مع الوقت ؟!؟!

حرام تسيب العربية كده فى الشمس
ياراجل ده انا فى الشغل بنزل 3 مرات اغير مكان ركنة العربية بسبب الشمس
هتبوظلط التابلوه والصالون والبويا والبلاستيكات واى حاجة
طيب حاول تجيبلها طقم ستاير للاربع ابواب وستارة ورا مع الشماسة اللى قدام
يا اما تجيبلها غطا لون فاتح شوية

المشاركة الأصلية كتبت بواسطة nfs

شكراُ على اهتمامكم, امرى الى الله هحاول اركنها او اغطيها بس لو الوش دة باظ ممكن اعرف اجيبو من حتة فى مصر هو
sony xplod mex-bt2500 ??!

كل حاجة موجودة بس هتشتريه غالى وكتر الفك والتركيب فى الوش غلط

**NFS** · 29-06-2009 06:50 PM

انا فعلا صعبان عليا العربيه, و هتجنن و اخبيها من الشمس, ده انا هاين عليا اطلعها معيا الشقه, بس اصل الشارع عندنا فيه عربيات كتيير اوى مفيش مكان الناس تركن اصلا, ده فى 3 u turn فى الشارع والناس بتقفالهم و تركن فيهم, فلو لقيت مكان فاضى سعتها مفيش تفكيير فى الشمس خالص, ان شاء الله اجيبلها غطا لونه فاتح.
الف شكر على اهتمامك.