تقييم سيارة أوبل 97

**mkhodary** · 29-06-2009 10:51 AM

أرجو المساعدة في تقييم سيارة فيكترا 97 أتوماتيك 2000 فابريكة دواخل الكبوت مرشوش كاوتش زيرو اربع فرد 82ألف كيلو مطلوب 60 ألف هل السعر مناسب أم لا؟
أرجو سرعة الرد للأهمية
شكراً

**Ahmad Allawy** · 29-06-2009 11:04 AM

السعر حاليا ف السوق عالي شوية....
كبيرها قوي 55 الف جنيه.. عشان موديل قديم شوية.. ده اولا.. و ثانيا..ال2000 سي سي الموتور القديم مش مطلوب و مش محبوب قوي ف السوق حاليا.. و بالتالي سعرها ممكن يكون في نفس سعر ال1600 المانيوال او ارخص شوية كمان..

**tamertamer** · 29-06-2009 11:09 AM

السعر كتير اوووووووووى عليها هى بتعمل ما بين 45 الى 52 حسب الحالة ومشية كام الف وكمان ال2000 سىسى مش محبوب ومش بياع زى 1600 فى الموديل دة عشان كدة سعرة بيقل

**mkhodary** · 29-06-2009 11:40 AM

طيب انا نزلت فيها لحد 57000 اوافق ولا لأ ؟

**MohamedGafar** · 29-06-2009 11:54 AM

يا جماعة العربية عاملة 82000 كيلو بس ، أنا بيتهيألى 57 كويس عليها !!!!. ما تنسوش العربية دي كانت بكام!!!!. المهم تكون حالتها كويسة. فرق ألف واللا إتنين ممكن الواحد يدفعهم على 3 الى 4 مرات عند ميكانيكي لو العربية حالتها مش كويسة. مش كده واللا إيه؟؟؟؟

تحياتي.

**N.a.j.d** · 29-06-2009 12:18 PM

المشاركة الأصلية كتبت بواسطة mohamedgafar

يا جماعة العربية عاملة 82000 كيلو بس ، أنا بيتهيألى 57 كويس عليها !!!!. ما تنسوش العربية دي كانت بكام!!!!. المهم تكون حالتها كويسة. فرق ألف واللا إتنين ممكن الواحد يدفعهم على 3 الى 4 مرات عند ميكانيكي لو العربية حالتها مش كويسة. مش كده واللا إيه؟؟؟؟

تحياتي.

+11111111111111111111

**فادى محمد** · 29-06-2009 02:58 PM

معلش يا جماعه انا شاكك في عداد الكيلومترات . اما انها ماكنتش بتمشي خالص مده 12 سنه ( ورشت خوارج ليه لو ماكنتش بتمشي ) او ان عدادها ملعوب فيه علشان يحلل سعرها - ياريت تتاكد من الموضوع ده عن طريق التوكيل .

**MohamedGafar** · 29-06-2009 05:37 PM

المشاركة الأصلية كتبت بواسطة m.osama

اعتقد ان سعرها عالي عليها

اولا 2000 سي سي ودي مشكله... ثانيا رشه دواخل ودا يعيبها شويه.. ثالثا موديل قديم... رابعا العداد اشك فيه

رنج سعرها زي مقال تامر من 45 ل 52 ولو عرفت تبيعها باكتر من كدا تبقي شاطر

صاحبي... هو حد لاقي 2000 أوتوماتيك نظيفة فى السوق دلوقتي؟... ده انا واحد صاحبي (حيبيض) بمعني الكلمة ويلاقي واحدة !!!! ده عمال يدور فى السوق بقاله بتاع 4 شهور ولغاية دلوقتي ما عرفش يجيب اللى في دماغه !!!. الغالب الأعم عداد عالى جدا وتحس إن العربية خلاص جابت آخرها وحتصرف عليها دم قلبك .

كمان هو بيقول الكابوت بس اللى مرشوش وهى فابريقة دواخل. ولا أنصحه بشراءها أصلا لو راشه دواخل.

عموما إكشف عليها كويس فى التوكيل لأن قطع غيارها حاجة من إثنين: يارخيصة ومعقولة يا غالية نااار.

تحياتي.

**MohamedGafar** · 29-06-2009 05:51 PM

المشاركة الأصلية كتبت بواسطة hellboy

معلش يا جماعه انا شاكك في عداد الكيلومترات . اما انها ماكنتش بتمشي خالص مده 12 سنه ( ورشت خوارج ليه لو ماكنتش بتمشي ) او ان عدادها ملعوب فيه علشان يحلل سعرها - ياريت تتاكد من الموضوع ده عن طريق التوكيل .

والله عادي ومش مقياس. أنا شفت من حوالى 4 سنين وأنا ساعتها كنت بأدور على عربية ، عربية مرسيدس 190 موديل يا 92 يا 93 وكانت فابريقة كلها وكانت كاملة (والكمال لله وحده) حتي الجنط الأصلي بتاع المرسيدس وكانت عاملة 60,000 كيلو فعلا لأنها باينة من كل ناحية إنها ما إشتغلتش!!!. المهم العيب القاتل فى العربية دى إن (الباشا) صاحبها كان رافعها فى الشارع والظاهر على بركة ميه أو حاجة زي كده والظاهر المدة كانت طويلة شويه فالعربية كانت سارحة فيها البارومة بشكل لا تتخيلوه ولدرجة فعلا تحزنك إن عربية زي دي بالكماليات دي ماتساويش قيمتها الفعلية عشان صاحبها (إسترخص ) ورماها فى الشارع!!!

وعندي فى الشارع واحدة فكترا موديل 2001 2000 سي سي أوتوماتيك واقفة طول الوقت مابتتحركش ، مرة شفت البواب بيدورها عشان يسخنها لقيتها عاملة 14 ألف وكسور وحاولت كذا مرة مع صاحبتها إني أشتريها منها وهي مارضيتش مع إني إديتللها سعر ما تتخيلوش!... المهم....آخر أجازة لقيتها إداتها لإبنها المتجوز والعربية إختفت!.

الفكرة إن فيه حالات شاذة فعلا فى السوق بس تعرف تلاقيها.

تحياتي.

الموضوع: تقييم سيارة أوبل 97

LinkBack

أدوات الموضوع

عرض

-

-

-

-

-

-

-

المواضيع المتشابهه

تقييم للسيارة أوبل كورسا سيدان

طلب النصيحة فى شراء سيارة أوبل

مروحة سيارة أوبل

سيارة أوبل اسكونا

سيارة أوبل كورسا موديل 2005

الكلمات الدلالية لهذا الموضوع

المفضلات

المفضلات

ضوابط المشاركة