السلام عليكم .. صباح الخير يا وحوش ..

كنت من شهر تقريبا كتبت موضوع عن مشكلة الرسالة اللي ظهرت عندي ومهندس التوكيل قالي لو ظهرت ثاني تييجي نكشف على الفتيس ..
الرسالة ظهرت ثاني , وثالث ورابع .. أخدت بعضي وروحت على التوكيل في اسكندرية وبعد الكشف قالو ان كان فيه صمام المسؤول عن توزيع مسارات الزيت في الفتيس محتاج يتغير وهنغيره ليك في الضمان ومش هتدفع حاجة .. لحد هنا وماشي , وبعدين جه المهندس وقالي انا آسف المعلومة وصلت لحضرتك غلط حضرتك مش هتدفع ثمن الصمام بس هتدفع ثمن تغيير الزيت لأن لازم نغير الزيت علشان نغير الصمام , انا قلت مفيش مشكلة خلينا نخلص ..
وتم التغيير و هتابع العربية من النهارده لو ظهرت الرسالة ثاني او لا ..

بس بصراحة انا خايف يكونو اشتغلوني وانهم يكونو غيرو الزيت بس لأني كنت حاسس ان المهندس كلامه مش واضح لما سألته عن الصمام ده واسمه ايه حسيت انه بيحور عليا ..

عموما انا مستني هيقولو ايه عندكو في فرع العبور لأحمد علي باشا لأن حسب ما فهمت من الموضوع بتاعه ان عنده نفس مشكلة الرسالة ..