الموضوع: معايا 32 الف جنيه

هات اكسنت :) بس تكون نظيفة :) وسيبك من الالمانى والموديلات القديمة

هاكلمك عن تجربتي..

لو عايز الماني.. و في الحالة دي انت بتضحي بحاجات.. في مقابل حاجات..
بتضحي بموديل اعلي.. في مقابل عربية مختلفة تماما عن الكوري.. ثبات و تقل و متانة. و عمر افتراضي.. و و و حاجات كتير...

وفي مشكلة كبيرة بقي انا وقعت فيها لما عملت كده..
انا معايا كورسا 97 بقالي سنة و نص بالظبط.. المشكلة في حاجة..
انا الايام دي عايز ابيع.. اكيد سعرها وقع شوية نتيجة هبوط سعر السوق.. + هبوط سعر الاوبل بصفة عامة بدون اي مبرر..
بس رغم كل ده.. مفيش مشكلة.. لأن سعر العربيات القريبة منها كله وقع برضه شوية..
لحد هنا مش دي المشكلة..
المشكلة في حاجة تانية خالص..
انك بعد ما تركب عربية من دول.. مش هتعرف ز باكررها مش هتعرف تركب عربيات كوري او حتي ياباني خااااالص..
ده اللي حصل معايا.. انا بافكر احدث المودي لو اعلي شوية... لكن للأسف.. الفلوس اللي معايا لو جيبت الماني هانزل بالموديل جامد.. هانزل علي الاقل 5 سنين.. و ممكن اجيب بيها ياباني جديد خالص.. او ممكن كسر زيرو كمان.. لكن شتان و الفرق كبير..

انت لو بتفكر انك تركب عربية في الرينج ده و متبيعهاش قبل 3-4 سنين.. تما هات الالماني.. سواء كورسا او ابيزا او بولو كلهم قريبين جدا من بعض.. و قطع غيارهم اسعارها متقاربة..
لكن لو بتفكر تقعد بالعربية شوية بسيطة و تبيع.. يبقي خليك ف الكوري..بيع بسهولة.. و قطع غيار ارخص.. و موديل اعلي..

و ربنا يوفقك لما فيها لخير ان شاء الله..
ولو نويت علي الماني.. يبقي متحددش موديل معين او واحدة من العربيات اللي قولنا عليها غير لما تركبعها بنفسك.. و تشوف هترتاح ليها نفسيا ولا لأ.. و بعد كده حدد انا عايز علي سبيل المثال كورسا.. ماشي.. يبقي هادور علي حالة جامدة جدا متخلينيش اصرف كتير.. ولو عرفت تزود المبلغ شوية يبقي كويس عشان تشتري عربية بحالة نضيفة قوي ولو حتي سعرها اعلي شوية من سعر السوق.. افضل ما تشتري عريبة عادية بسعر السوق.. و تصرف عليها فلوس ووقت و مجهود و في الاخر.. هتفضل في سعر السوق.