حوار ودي حول تخصص المنتدى

**بحري** · 07-07-2009 10:16 PM

بالتوفيق وأوقات سعيدة دايما
وإسكندرية تنور
والله حبقى سعيد جدا جدا لو حضرتك كلمتني وانت نازل
٠١٢٧٤٧٣٥٨٨
أحمد

**Karim_Monir** · 07-07-2009 10:27 PM

ليا الشرف ونتقابل قريب ان شاء الله

**aif** · 07-07-2009 10:45 PM

السلام عليكم ورحمة الله وبركاته
لو سمحتم اقول رأيي في هذا الحوار الرائع
انا ليا وجهة نظر كنت قلتها قبل كدة و لو سمحتم ح اكررها تاني نظرا لعلاقتها المباشرة بالموضوع
....
رأيي باختصار ان المنتديات سواء كانت نايل موتورز او اي منتدى آخر شبيه تماما بالصالونات التي كانت موجوده زمان ... صالون العقاد ومي زيادة ... الخ
بنتلاقي فيها جميعا في ضيافة اصحاب المنتدي ومديريه .....
ولازم نحط خط تحت كلمة اصحاب المنتدى ومديريه
يعني المقصود ان المنتدي له اصحاب وله مديرين ... وليس ملكية عامة أو مشاع كما يتصور البعض
علشان كدة لازم الضيوف يلتزمو بالقواعد والاصول التي يضعها اصحاب المكان ..... وده حقهم بكل تأكيد لأنهم هم من يتحمل مسئولية المنتدي ادبيا وقانونا .... وهم من انشأ المكان وانفق عليه من جهده وماله ووقته ....

واللي شايف من الضيوف ان القواعد دي مش مناسبة له .... اكيد ح يلاقي ان المكان مش مناسب له و يتقدم بالشكر لأصحاب المكان قبل انصرافه الي مكان آخر يكون اكثر مناسبة له ..... ده المنهج الحضاري في التعامل في رأيي المتواضع ....
يعني مثلا لو حد عاوز يتكلم في امور تتعلق بالنظام الحاكم في مصر ..... وهو شايف ان ده من حقه
ممكن ساعتها يقول كلمتين زي الرصاص و يخرج ...... لكن
ممكن الكلمتين بتوعه دول يتسببو في مشاكل لا حصر لها للمسئولين عن المنتدي ... وانتم عارفين نوع المشاكل دي طبعا .... يعني ممكن يكون هو نايم في بيته ومش داري بأي حاجة .... والمسئولين عن المكان بينتظرو العيش والحلاوة عند سلومة الاقرع .... هل يقبل اي حد بهذا الوضع ؟؟؟؟
....
يبقى لما نكون في ضيافة مكان ...... لازم نتبع القواعد والاصول التي يقررها اصحاب المكان
...
..
..
..
..
المنتدي له اصحاب يا جماعة ..... ده مش مشاع ..... مش حديقة عامة ملك للجميع ....ده صالون له اصحاب ومديرين
....
بس خلاص

**aif** · 07-07-2009 11:05 PM

المشاركة الأصلية كتبت بواسطة se_coralsea

بأتفق معاك تماما و أؤيدك في الرأي و الفعل و لو أني من المصريين الكثيرين اللي مش عاجبهم نظام البلد و بأنتقدها لكن بهدف الغيرة و نفسي أشوفها زي البلاد اللي بأزورها و ده بيكون احيان كثيرة السبب فيما اوجهه من نقد لاذع و لكن ماذا أفعل , أنا بأحب بلدي و صعبان عليا اللي بيحصل لها و بيحصل فيها

عموما شكرا يا أستاذ أحمد علي التنبيه و أنا عن نفسي أن شاء الله سوف أضع كلامك في الاعتبار عند تناول أي موضوع يخص السيارات و الحكومة معا , حرصا علي أصحاب المنتدي و رواده

أرجو من الجميع أن تتقبلوا وافر تحياتي
م / سمير الشهاوي

ربنا يبارك فيك يا باشمهندس
طبعا كلنا لما بننتقد بلدنا ... بنبقي عاوزينها تبقي احسن بلد في الدنيا
بلدي وإن هانت علي عزيزة ...... وأهلي وإن ضنو علي كرام

**Karim_Monir** · 10-07-2009 03:57 AM

والله يا استاذ احمد انا كان يعز عليا كتير اني اقول كلمتين زي اللي انت قولتهم
عشان ماسمعش كلام من شخص هو عارف اني مش هاقدر ارد علية (احتراما وليس عجزا) ويقولي انت بتطردنا بالادب وكلام تاني مالوش لازمة
بس اكيد كل اعضاء المنتدى الكرام المحترمين يهمهم كل فرد تعب في المنتدى ده واشرف علية بوقتة وجهدة وماله احيانا
يكون جزاءه اعتقال ولا حبس ولا قضية تتعمل له بدون اي ذنب اقترفه سوى انه مسئول ولو جزئيا عن مكان تم فيه سب النظام الحاكم

شكرا لك سيدى الفاضل
اوجزت قولا وانجزت فعلا
وان كنت اتمنى سماع بعض من كلماتك من اناس شاركونا بدايتنا ويعرفون وجهتنا ولم نجد منهم سوى سفسطه

**جمال** · 10-07-2009 04:11 PM

المشاركة الأصلية كتبت بواسطة aif

السلام عليكم ورحمة الله وبركاته
لو سمحتم اقول رأيي في هذا الحوار الرائع
انا ليا وجهة نظر كنت قلتها قبل كدة و لو سمحتم ح اكررها تاني نظرا لعلاقتها المباشرة بالموضوع
....
رأيي باختصار ان المنتديات سواء كانت نايل موتورز او اي منتدى آخر شبيه تماما بالصالونات التي كانت موجوده زمان ... صالون العقاد ومي زيادة ... الخ
بنتلاقي فيها جميعا في ضيافة اصحاب المنتدي ومديريه .....
ولازم نحط خط تحت كلمة اصحاب المنتدى ومديريه
يعني المقصود ان المنتدي له اصحاب وله مديرين ... وليس ملكية عامة أو مشاع كما يتصور البعض
علشان كدة لازم الضيوف يلتزمو بالقواعد والاصول التي يضعها اصحاب المكان ..... وده حقهم بكل تأكيد لأنهم هم من يتحمل مسئولية المنتدي ادبيا وقانونا .... وهم من انشأ المكان وانفق عليه من جهده وماله ووقته ....

واللي شايف من الضيوف ان القواعد دي مش مناسبة له .... اكيد ح يلاقي ان المكان مش مناسب له و يتقدم بالشكر لأصحاب المكان قبل انصرافه الي مكان آخر يكون اكثر مناسبة له ..... ده المنهج الحضاري في التعامل في رأيي المتواضع ....
يعني مثلا لو حد عاوز يتكلم في امور تتعلق بالنظام الحاكم في مصر ..... وهو شايف ان ده من حقه
ممكن ساعتها يقول كلمتين زي الرصاص و يخرج ...... لكن
ممكن الكلمتين بتوعه دول يتسببو في مشاكل لا حصر لها للمسئولين عن المنتدي ... وانتم عارفين نوع المشاكل دي طبعا .... يعني ممكن يكون هو نايم في بيته ومش داري بأي حاجة .... والمسئولين عن المكان بينتظرو العيش والحلاوة عند سلومة الاقرع .... هل يقبل اي حد بهذا الوضع ؟؟؟؟
....
يبقى لما نكون في ضيافة مكان ...... لازم نتبع القواعد والاصول التي يقررها اصحاب المكان
...
..
..
..
..
المنتدي له اصحاب يا جماعة ..... ده مش مشاع ..... مش حديقة عامة ملك للجميع ....ده صالون له اصحاب ومديرين
....
بس خلاص

كلام زى الفل
الله ينور ياحاج احمد

**aif** · 10-07-2009 07:43 PM

المشاركة الأصلية كتبت بواسطة karim_monir

والله يا استاذ احمد انا كان يعز عليا كتير اني اقول كلمتين زي اللي انت قولتهم
عشان ماسمعش كلام من شخص هو عارف اني مش هاقدر ارد علية (احتراما وليس عجزا) ويقولي انت بتطردنا بالادب وكلام تاني مالوش لازمة
بس اكيد كل اعضاء المنتدى الكرام المحترمين يهمهم كل فرد تعب في المنتدى ده واشرف علية بوقتة وجهدة وماله احيانا
يكون جزاءه اعتقال ولا حبس ولا قضية تتعمل له بدون اي ذنب اقترفه سوى انه مسئول ولو جزئيا عن مكان تم فيه سب النظام الحاكم

شكرا لك سيدى الفاضل
اوجزت قولا وانجزت فعلا
وان كنت اتمنى سماع بعض من كلماتك من اناس شاركونا بدايتنا ويعرفون وجهتنا ولم نجد منهم سوى سفسطه

ربنا يباركلك يا كريم
بصراحة .... لا يصح الا الصحيح
والعرف والشرع والمنطق بيقول ان من يتحمل المسئولية ... هو من يكون له السلطة
يبقى من يتحمل المسئولية القانونية والمالية والادبية والجنائية عن المنتدي امام الجهات الرسمية والامنية ..... لازم يكون هو اللي يقرر الحدود الواجب التزامها في المنتدي
..
اكيد بعض الزملاء يمكن كانو مش منتبهين لهذه المسائل التي يمكن ان تؤدي لا قدر الله الي مسائلات امنية وقانونية .... لكن برضه اكيد هما بيحبو المكان وحريصين على المنتدي ومديريه واصحابه ...
واكيد احنا مش لامسين بعض النقاط اللي انتو بتعيشوها والتي يجب على الزملاء التفكير بها
..
يعني ممكن بمنتهى البساطة يكون في تحذيرات امنية من اي جهه سيادية للمنتدي من عدم الخوض في مسائل معينة .... سواء كانت عقيدية او تمس بعض الامور ذات الحساسية السياسية او الدينية .... وده امر وارد جدا ... بل يكاد يكون موجود فعلا في منتديات اخري كثيرة وممكن تكون عندنا كمان ...
يبقى في وضع زي ده ايه المطلوب من ادارة المنتدي .. اللي هما اولا واخيرا زملائنا واصدقاءنا ؟؟؟؟
هل مطلوب منهم يضحو بمستقبلهم وامنهم وسلامتهم ومستقبل اولادهم ويعرضو نفسهم للتهلكة علشان الناس تتكلم في اي حاجة هما عاوزينها ....
المؤمن كيس فطن ..... المفروض ان الزملاء يقرأو ما بين السطور
قد يكون هناك مالايمكن قوله .....لكن يمكن ان نستشفه ونفهمه من بين السطور ومن الواقع الذي
نعيش فيه
نحن لانزال في مصر .... وليس في هايد بارك ....... لسة ما وصلناش لكدة ... ونتمنى نوصل في يوم من الايام

**أبو إياد** · 15-07-2009 02:58 PM

كلام جميل جدا والمنتدى دائما الى الامام بفضل الساده اصحاب ومديرى المنتدى الرائع واللى بيكتمل بحب وتعاون الاعضاء وانا اشكر الله انى ضمن هذه العائله وادعوا ان تستمر فى حب ومعروف دائم

واشكر الاستاذ كريم فى تركيزه على نقطه المنتدى العام لان فعلا فى الفتره الاخيره المنتدى العام اتجه الى اتجاهات اخرى عديده مما يرهق المشرفين فى التنسيق ونقل المواضيع فى الاماكن الخاصه بها
وان فعلا المنتدى العام فى اى منتدى هو الوجهه العامه لاتجاهات المنتدى

المشاركة الأصلية كتبت بواسطة karim_monir

اخوانى واخواتي في نايل موتورز

اخر حاجة
يا ريت نخلي المنتدى العام خاص بكل ما يخص السيارات فقطلان اي زائر للمنتدى بصفتة منتدى متخصص بالسيارات
ستكون وجهته الاولى المنتدى العام

وان شاء الله فى تقدم دائما

تحياتى ,,,

-

الموضوع: حوار ودي حول تخصص المنتدى

LinkBack

أدوات الموضوع

عرض

-

-

-

-

-

-

المواضيع المتشابهه

مصر سنة 2062 فى حوار ما بين جد وحفيدة يكتبة كل أعضاء المنتدى

اروح لدكتور تخصص ايه

بلال فضل : أنت حوار يا حوار ( للناس اللى عامله نفسها بتفهم فى كل حاجه )

حوار ودي حول تخصص المنتدى

هندسة / تخصص شبكات

الكلمات الدلالية لهذا الموضوع

المفضلات

المفضلات

ضوابط المشاركة