نقل مديرة مستشفي بعد وفاة مريضة رفضت استقبالها ‏بسبب 500‏ جنيه

**M.Osman** · 30-06-2009 05:27 PM

نقل بس ؟
بجد مفيش مستشفيات في مصر اساساً

**Samah AbdAllah** · 30-06-2009 05:34 PM

لاحول ولا قوة الا بالله
هى الناس دى مش بتحس معنههومش قلب مفيش احساس بالام الناس ومفيش تقدير لظروفهم

ربنا ينتقم منها
لكن النقل مش عقوبة كافية دى كانت لازم تترفد على اقل تقدير

**بحري** · 30-06-2009 05:58 PM

المشكلة في اللوائح الحاكمة على هذه المديرة وغيرها
هي تم تقديمها ككبش فداء لمن وضع هذه اللوائح وعشان كده تم نقلها بس ولم توقع عليها عقوية أكبر عشان يسكتوها ويرضوا الرأي العام في نفس الوقت وكأن المشكلة كانت في المديرة

وإن كان المفروض هي تتصرف زي ما بنشوف ناس محترمة بتعرف تتصرف في المواضيع دي
بس هي خافت من المسؤولية

ولو كل واحد في موقع المسؤولية اتصرف بإيجابية الدنيا حتتغير

النوعية دي من المسؤولين بيبقوا فرحانين بالمنصب والشكل الاجتماعي وزيادة المرتب والدنيا تولع بعد كده

**badblood** · 30-06-2009 06:28 PM

المشاركة الأصلية كتبت بواسطة أبو صلاح

ايه احساسك بعد لما تقرأ الخبر ده خصوصا انه تم في مستشفى حكومي
حسبي الله ونعم الوكيل

احساسي
حسبي الله ونعم الوكيل في اللي خلا البلد كده

**نور القمر** · 30-06-2009 07:04 PM

مش عارفه ليه فيه مصريين فقدوا احساسهم ومشاعرهم الانسانية للدرجة دي
ده لو حيوان بيتعذب من الالم وفي ايدينا نرحمه المفروض منتأخرش عنه

مرة وانا في ابوظبي كانت اقامتي منتهية في البطاقة الصحية ولسه بعمل اجراءات التجديد رفضوا يستقبلوني في الطواريء
مجرد م قلتلهم اني بئالي اسبوعين باخد علاج غلط كتبه دكتور عندكم الدنيا اتقلبت ودخلوني فورا مع ان الموضوع مكنش خطير
لكن الفرق في الاحساس بالمسئوليه مش زي عندنا مفيش ادنى احساس
وحسبي الله ونعم الوكيل

**MoOoD** · 30-06-2009 07:19 PM

واتعمل ليا محضر عشان انا اللى جايبة واتهمونى انى انا اللى خبطتة

عشان كده مبقيتش أقف فى أى حادث ...ممكن أكلم 122 وبرضه بيحققوا معايا اسمك ايه وشغال فيين وانت فيين والتليفون بإسمك ولا بإسم ميين وكلام فاضى من ده يكون المصاب راح على مالواحد يجاوب.
بس لو المصاب مات كان هيبقى فيها س ج ن يا جميل بس ربنا بيستر (الحمد لله)
المشكله يا جماعه مش فى الدكتوره المشكله فى اللوائح إلى ممكن تتطبق عليها لو دخلت الست دى من غير فلوس أكيد كان عندها سبب.
بس ده مش مبرر للى حصل ابد ابدا بس انا بحب أحط نفسى مكان الطرف التانى .

**MoOoD** · 30-06-2009 07:52 PM

ياعنى انا كنت بقف فى اى حادث واحاول اسئل لو أقدر أعمل حاجه.لحد فى مره واحد قريبى حاصله موقف من دول وراح الظابط الموجود فى الحادث وقفه وقاله خد الشاب ده معاك المستشفى وخد منه رخصته وقاله انا الظابط فلان.
المهم قريبى خد الواد أقرب مستشفى وأول ما دخل لاقى أمين شرطه ولا عسكرى وهوب راح ماسكه وإلا مصمم انه هوه إلى خبط الواد
والواد مغمى عليه مابيردش.المهم عامله محضر وقريبى يقلهم الظابط فلان والموضوع وهما ولا هما هنا.
وقعد يجى اسبوع دايخ على الظابط والقسم كل شويه يبعتله واحد فى الشغل وكان موقف .....سئ للغايه.
واتارى الباشا الظابط راح مأموريه مش عارف فين وطنش أخينا ولا أكينه يعرفه.والواد بعد ما فاق ميعرفش ميين إلى خبطه ولا حاجه.بس الحمد لله قريبى لاقى الظابط والموضوع إتحل بس بعد ما دمه نشف وكان ممكن تحصله مشكله كبيره.
ومن ساعتها وانا باتصل بالنجده فقط لا غير ولو الموضوع متأزم جدا أركن بعيد وانزل جرى تانى ومنهم لله إلى كانوا السبب