الفرامل و زحف الكاوتش

**amr_shn** · 30-06-2009 05:02 PM

الساده الأفاضل,

انا لى استفسار بخوص الكاوتش اللى لازم انشاء الله يتغير مقرب على 58000 انا كنت مركب 185/60/r13 هل الافضل انى التزم بالكتالوج 175/75/13 و لا مش فارق علما بان الكاوتش كان اداءه جيد على السفر و هل الزحف الى حاصل معايا دلوقتى مع الفرامل بسبب الكاوتش و لا بسبب مشكله فى الفرامل علما بانى لم اعدل اى شىء و انا عامل 128000 km .

شكرا

**MMamdouh** · 01-07-2009 12:16 AM

طالما الععجل بيزحف يبقى تماسك العجل مع الطريق وحش

MMamdouh

**samirayad** · 02-07-2009 06:51 PM

هل الافضل انى التزم بالكتالوج 175/75/13

أعتقد المقاس ده حيكون أفضل ليك فى السحب ووفرة البنزين عن المقاس التانى لأنه التانى اللى هو 185 أعرض ....دا غير أنه يجب أن تسرع بتغيير الكاوتش لأنه أكيد بقه ممسوح وبيتزحلق على الطريق مع الفرمله ............ناعم على ناعم بيعمل زحلقه مع الفرمله ..............بس طبعا أهم شىء تكون مش من هواة السرعات العاليه لأن ال185 حيكون أكثر ثباتا برضه مع السرعه (لزيادة مساحة التلامس بينه وبين الطريق عن ال175 )

**amr_shn** · 06-07-2009 10:58 AM

المشاركة الأصلية كتبت بواسطة samirayad

أعتقد المقاس ده حيكون أفضل ليك فى السحب ووفرة البنزين عن المقاس التانى لأنه التانى اللى هو 185 أعرض ....دا غير أنه يجب أن تسرع بتغيير الكاوتش لأنه أكيد بقه ممسوح وبيتزحلق على الطريق مع الفرمله ............ناعم على ناعم بيعمل زحلقه مع الفرمله ..............بس طبعا أهم شىء تكون مش من هواة السرعات العاليه لأن ال185 حيكون أكثر ثباتا برضه مع السرعه (لزيادة مساحة التلامس بينه وبين الطريق عن ال175 )

انا فعلا جبت 175 بيريللى p3000 و لكن حسيت بفرق رهيب على السرعات و ابضا ظهرت حاجه غريبه العريبه بئت بتنط خفيف فوق ال 100 مش عارف لى علما بانى مركب من زمان مساعدين مونرو هل ال كاوتش البيريللى هو السبب كنوع و لا ال 175 ؟

**Samir Elshahawy** · 06-07-2009 11:05 AM

بخوص الكاوتش اللى لازم انشاء الله يتغير مقرب على 58000

كتير أوي 18000 كم زيادة المفروض بيتغير كل 40000 كم و بتعمل rotation كل 10000 كم

**swimmer25** · 06-07-2009 01:01 PM

المشاركة الأصلية كتبت بواسطة SE_coralsea

كتير أوي 18000 كم زيادة المفروض بيتغير كل 40000 كم و بتعمل rotation كل 10000 كم

rotation كل 10000 يعني 4 مرات

ازاي نعمل ال rotation دي 4 مرات؟

**samirayad** · 06-07-2009 04:21 PM

انا فعلا جبت 175 بيريللى p3000 و لكن حسيت بفرق رهيب على السرعات

ألف مبروك

ظهرت حاجه غريبه العريبه بئت بتنط خفيف فوق ال 100 مش عارف لى علما بانى مركب من زمان مساعدين مونرو هل ال كاوتش البيريللى هو السبب كنوع و لا ال 175 ؟

لا هو عرض الكاوتش مهوش سبب الملحوظه دى .......أحتمال الكاوتش طرى شويه ....وأحتمال مرونة المساعدين ظهرت مع غيار الكاوتش ......وياريت تظبط هواء الكاوتش كله على 32 رطل / بوصه المربعه بالظبط وتجرب ......لو لسه بتنط معاك عند السرعات دى مع ال32 جرب 1 فوق مره .....ومره تانيه 1 تحت لحد ماتوصل للوضع المثالى ( يعنى مره على 33 وجرب ............وكذلك مره على 31 وجرب ) ......على فكره أحنا بنحاول نلاقى حل يرضى جميع الأطراف .....ومفيش أى مشاكل من التجربه دى .........

**samirayad** · 08-07-2009 03:30 PM

انا خاسس ان الكاوتش ده تقيل مش عارف لى وناشف عن ال hankook اعتقد انه عشان تركى

طيب ماتوزن فرده من النوع ده (البريللى ) وفرده بنفس الأبعاد من النوع اللى أنت حاسس أنه أخف وكان شغال كويس معاك ......وزن عادى .........ونشوف فيه فرق قد أيه فى الوزن....يمكن وزنه الزياده بيعمل مشكلة قوه طارده مركزيه مع السرعات .....وبتكون القوه الطارده عند السرعه دى بتحاول بتشيل العربيه مع السرعه ( يعنى القوه الطارده بسبب الوزن بتحاول تشيل العربيه لفوق مع السرعه العاليه ) وعلشان كده العربيه بتحس أنها حتنط مع السرعه ...........يالله ....هى حاجه غريبه فعلا .....بس لو الوزن زياده ....فالقوه الطارده حتزيد معاك فعلا مع السرعه ......لأن فيه تناسب هندسى طردى بين الوزن والقوه الطارده المركزيه ( كل مازاد الوزن زادت القوه ).........