انا بتكلم عن اول واحد
inspiron
عرض للطباعة
فادي باشا أنا كشفت علي العربية بالكمبيوتر و مطلعش فيها أي كود يدل علي أي مشكلة.وفعلا الراجل اللي كشف قال إنها محتاجة نظافة رشاشات.كمان في حاجة (( غطاء تانك البنزين مكتوب عليه أوكتان 95)) تفتكر غلط أحط 92؟؟؟؟ معلش أنا بتقل عليك أنا عارف بس أنا بحب أخد رأيك و ماشورتك يا باشا...ولو في حاجة تنصحني بيها أعملها عشان أظبط العربية قوللي.
انت شكل عربيتك كدة استيراد مواصفات اوربى
وهتلاقى فعلا مكتوب 95
لو تقدر تحط 15 لتر 95 والباقى 92 يبقى عملت الى عليك
بس اهم نقطة بقى دلقوتىهيا تنظيف الرشاشات
اعملها الاول وانت هتحس بالفرق
واحنا اخوات ياباشا انت مش بتقل ولا حاجة
هي فعلا يا رايس العربية إستيراد ومواصفات أوروبي.طيب حيث كده بقي هل الموتور بيختلف؟؟؟؟ يعني هل معني الكلام ده إنه أقوي من العربيات اللي زيها هنا ولا أضعف ولا زيهم؟؟ إذا كان علي 15 لتر 95 مش مشكلة المهم تتظبط..و بكره إن شاء الله هنظف الرشاشات.
السلام عليكم ورحمة اللة وبركاتة ..
فى البداية انا صاحب العربية اللى كان فيها مشكلة ..
عربيتى a4 موديل 99 اتوماتك . اشترتها مستعملة من حوالى شهر كدة .. كان اختيارى للنوع دة علشان انا كنت بسوق ال a5 موديل 2005 اتوماتك لمدة سبع شهور على الأقل بتاعة اخويا لأنة كان مسافر برة مصر ..وانبهرت بأوكتافيا من كل حاجة وعشان كدة حاولت اجييب ال a4 على حسب امكانياتى وكانت موديل 99 .
المهم العربية اول ما جيبتها كان السحب سيىء جداا بدات انى غيرت كل حاجة فيها من فلاتر للسيور وكمان بنزين 92 لأن اللى انا اشتريتها منة كان بيقول بكل فخر .. ( يا بية دى حطلها بنزين 80 هاتمشى مية مية هاهاها واللة حصل ) بعد كدة بدأت مشكلة وهية تقطيع فى السحب على السرعة القليلة وكنت اضغط دواسة البنزين فى أوقات كتير مالقيش اى استجابة واسمع صوت فرقعة مكتومة من ناحية الماتور .. الحقيقة انا اتقفلت شوية من العربية .. لكن مايأستش وديتها لأكتر من واحد وكل واحد يكشف بالكمبيوتر ويقول سبب غير التانى .. على العموم فى النهاية العربية اتحسنت بنسبة 85 % هوة العيب قل جداا جداا واللى عاملتة كالأتى ..
غيرت حاجة اسمها بكرة تكييف لأن هية بتشتغل عالطول حتى لو انت مش مشغل التكييف , وكانت الفكرة انها تقيلة وبتحمل على الماكنة والحقيقة لما غيرتها العييب كان هوة هوة لكن بصراحة لقيت السحب اتحسن جداا جدااا والعربية نعمت كتير ( انا ماعرفيش اية العلاقة بس دة اللى حصل ) وبعدين غيرت البوبينة وكمان سد خرطوم كان واصل لعلبة المفروض انها متعلقة ببخار البنزين لأنها عندى كانت بايظة فكان الخرطوم مفتوح على الفاضى من الناحية التانية للمكنة فاول ما سدة الحقيقة البرجلة هاديت كتير ... كمان هوة كشف على حاجة اسمها البوابة ودى اللى بتدخل البنزين ونضفها كويس جدااا .. غالبا دة كل اللى انا عملتة وكانت النتيجة ان الماكنة سحبها اتغير بنسبة كبيرة جداا وصوتها بقى ناعم .. لكن أوقات العيب ممكن يرجع تانى لثوانى بس من غير فرقعة او كدة واول ما اشيل رجلى من على دواسة البنزين واحطها تانى العربية بتسحب كويس جداا .. وبرضو اخر خطوة ان شاء اللة هاعملها انى هانضف تانك البنزين وطبعا هاواظب على البنزين 92 .
فى النهاية بجد العربية دى محترمة جدااا و أوعى تندم على اختيارك وبالنسبة للانسر والهوينداى والمقارنة مع الاوكتافيا ومع احترامى للسيارات دى لأنى كان عندى لانسر قبل كدة الحقيقة مافيش وجة للمقارنة اة العربيات دى بتجرى وسحبها جامد لكن بعد سرعة تمانين الاوكتافيا رهيبة وبتوصل لغاية سرعة 140 على الأقل باقل مجهود مع ثبات لا يقارن يثبات الانسر او الهيوينداى .. وحقيقى العربية دى رغم انها موديل 99 و a4 لكن فيها اساسيات مشتركة مع a5 ...
وفى كل الأحوال ربنا يبارك لك فيها ويكفيك شرها وأرجو ان اكون قدرت افيدك واسف للأطالة ..
والسلام عليكم .
متشكر جداا لفادى الحقيقة استفدت من كلامة .
السادة الأفاضل فادي و heartman إنتم ناس زي الفل.ربنا يجعلكم متعاونين في الخير دائما مع الناس.
عايز بس اقولكم حاجة
التانك ملوش دعوة
لو عايز تتاكد ان العربية نضفت تمام من الرواسب بتعاة التمنين وقرفة
اعمل الاتى
1-الرشاشات وانا قولت قبل كدة
2-فلتر البنزين نضفة وياريت تغيرة
3-طرمبة البنزين غيرها بردة او نضفها برحتك
نسيت اقولكم حاجة ان بعد تنضيف وتغيررر الحاجات دى
السحب طبعا هيختلف بس انا عايز اقول ان استهلاكها للبنزين هيتغير تمام وهيبقى زى الفل
شكرااا على نصائحك المتألقة يا فادى ... ان شاء اللة هانعملها ...شكراا لأهتمامك