ممكن مساعده فى إختيار السياره المستعمله الأفضل ؟

**M_HaFeZ** · 16-10-2007 08:02 PM

فكرت والله فى السويفت زى قلت ياستاذ حازم بس برضه من عيوبها بالنسبه لى المساحه داخل العربيه لانى طويل

**hazem_khidr** · 17-10-2007 04:35 AM

فكرت والله فى السويفت زى قلت ياستاذ حازم بس برضه من عيوبها بالنسبه لى المساحه داخل العربيه لانى طويل

هو فعلا لو طويل اوي مش حتبقي مستريح بداخلها.
طب ما تفكر في لانسر عيون صفيه هيا اوسع شويه و موديلاتها اخرها 92 و في منها حالات كويسه و في حدود نفس التمن برضه.

**M_HaFeZ** · 17-10-2007 12:24 PM

والله ممكن ياستاذ حازم شكلى كده لما هانزل اشترى هشوف ايه اللى موجود وربنا يكرم
رغم انى مكنتش احب كده لانى احب اكون عارف كتير عن الحاجه اللى باشتريها لانه مش موبايل سنه وارميه
"وعسى ان تكرهوا شيئً وهو خير لكم"
عموما انا كنت لسه راكب النهارده السويفت تاكسى والصراحه ضيقه جدا جدا على رغم انى كنت مرجع الكرسى لورا

**hazem_khidr** · 17-10-2007 03:56 PM

يبقي كده شيل السويفت نهائي من حساباتك و يا ريت تبص علي اللانسر اللي قولت لحضرتك عليها او هيونداي اكسيل شوف قاعده العربيه مريحه بالنسبالك ولا لاء لان دا اهم عامل انك تبقي مرتاح في العربيه و لو عجبتك ابدأ دور علي عربيه نضيفه و ربنا يوفقك يا رب

**Sameh Aziz** · 18-10-2007 10:06 AM

طبعا الجولف 2 بدون منازع
لكن تكون نظيفة زي ما الاخوة قالو
بس الميزانية بتاعتك اعتقد قليلة علي عربية نظيفة
انا لسه واحد صاحبي بايع عربية جولف 2 مو91 فابريقة بره وجوه (تحفة بجد) بـــ43000 لتاجر في السوق
العربية كانت 1300 تكييف و كاسيت فقط بالكتالوجات ربنا يبارك للي هياخدها

بما ان ساعتك مش فارق معاك العربية هاتشباك و لا شنطة
اذن ممكن تدور علي اكسيل
و اعتقد ان انظف اكسيل 1300 مكيف لن تزيد عن 35000

و نصيحة احسم قرارك في نوع العربية الاول و بعدين دور علي الموديل اللي انت اختارته

ربنا يوفقك و تلاقي حاجة نظيفة

**Adham** · 18-10-2007 12:21 PM

Golf II

**M_HaFeZ** · 18-10-2007 04:15 PM

شكرا لكلامك ياستاذ سامح هو انا ممكن ازود شويه فى الميزانيه بس زى ماسألت هنا الاخوه على الكلام اللى سمعته عن مشاكل الكاربراتير وبرضه باقولها انا باحب الجولف من الاساس بس مش عايز من البدايه عربيه تتعبنى كل ماحتاجها سواء فى سفر او تنقلات فياريت حد من الاخوه اللى معاهم الجولف يدلنى على موضوع الكاربراتير ده وايه عموما عيوب الجولف

**Adham** · 18-10-2007 05:15 PM

وأية مشكلة كاربراتير الجولف

عامه ضبط و صيانة و اصلاح الكاربراتيرات اسهل و أرخص من الأنجكشن

و بعدين فية مواتير جولف كتير قوي انجكشن ال GTI سواء كان 8 صباب 1600 او 16 صباب 1800 او 2000 بمختلف موديلاتهم, و دول في الجري تقطيع يا معلم

**M_HaFeZ** · 21-10-2007 06:15 PM

اللى خوقنى من الكاربراتير على حد كلامه ان بيبوظ بسرعه وممكن العربيه تعملها فى وسط الطريق وكمان استهلاك البنزين اقل فى الانجكشن وده كمان اللى انا باعتقده

وبالنسبه لتغيير الموتور ده يتكلف اد ايه ؟ لو موتور 1600 انجكشن او 1800 ؟؟

**ahmed1981** · 21-10-2007 10:13 PM

المشاركة الأصلية كتبت بواسطة M_HaFeZ

اللى خوقنى من الكاربراتير على حد كلامه ان بيبوظ بسرعه وممكن العربيه تعملها فى وسط الطريق

لو محافظ على الصيانة بتاعته عمره ما يتعبك

المشاركة الأصلية كتبت بواسطة M_HaFeZ

وكمان استهلاك البنزين اقل فى الانجكشن وده كمان اللى انا باعتقده

كلام سليم الإنجكشن أقل في إستهلاك البنزين بنسبة محسوسة

المشاركة الأصلية كتبت بواسطة M_HaFeZ

وبالنسبه لتغيير الموتور ده يتكلف اد ايه ؟ لو موتور 1600 انجكشن او 1800 ؟؟

التكلفة تتراوح من 4500 جنيه إلى 7000 جنيه حسب النوع والحجم والمتطلبات
ولكن نصيحة شيل من دماغك فكرة تغيير الموتور ودور على السيارة اللي إنت عايزها تكون بالمواصفات اللي في دماغك ومتدخلش نفسك في متاهات التعديل
وبالنسبة للجولف الموتور ال 1300 كويس عليها لكن ال 1600 ممتاز عليها تماماً ويشيل التكييف بالراحة