مستنيين مخمخاتك خدي وقتك بس عايزين افكار متالقة كعادتك
عرض للطباعة
اسمحولي اكتب اعلان بالوظائف المطلوبة
1- منسق عام للمشروع (شهادة اكاديمية في هندسة الطرق والمرور او ما يعادلها - خبرة سنتان)
2- مهندس تنفيذي للمشروع (شهادة اكاديمية في الهندسة المدنية - خبرة سنة علي الاقل في تخطيط الطرق الداخلية والسريعة)
3- مخطط مناهج قايدة (مؤهل مناسب - خبرة في مجال التدريب علي القيادة او الالمام الكامل بقواعد القيادة الدولية)
شروط عامة
يفضل حاملي تراخيص القيادة الصادرة من احدي دول الاتحاد الاوروبي او دول الخليج
اجادة اللغة الانجليزية اجادة تامة
ما شاء الله فكرة أكثر من رائعة وقد تمثل بداية حقيقية لدور نايل موتورز فى مجتمع السيارات فى مصر، والأهم من هذا أنها محاولة لإصلاح الفرد باعتباره هو السبيل لإصلاح المجتمع.
تخيلوا يا جماعة إن مثلا يبقى إنك تكتب فى السى فى بتاعك إنك حائز على رخصة نايل موتورز دى ميزة كبيرة تدل مش بس على إجادتك للقيادة لكن كمان على احترام القانون والالتزام بالنظام، تخيلوا لو الدول العربية مثلا اشترطت على الراغبين فى العمل لديها من المصريين أن يحوزوا هذه الرخصة، صحيح الكلام ده بعيد وبعيد قوى كمان لكن علشان نوصل له لازم الأول نبتدى نمشى فى اتجاهه، إنما نفضل فى مكاننا ونقول "نفسنا الناس تتعلم السواقة صح" يبقى عمرنا ما هنوصل لشىء.
أهم مقوم لنجاح هذه الفكرة توافر عدد من الأفراد يؤمنون بجدواها كى يمكنهم ان يساهموا فى نجاحها ثم تطويرها. موضوع بأه الحكومة تنفذها بعد كده أو تعممها مش هو ده - من وجهة نظرى- الهدف النهائى، إنما الهدف هو إنك تعلم أى عدد من الناس طريقة القيادة الآمنة، وممكن يبقى هدف تانى إنك تحصل على اعتراف دولى - وإن كان غير مكتوب- برخصة القيادة التى تمنحها هذه المنظومة.
سيدى الفاضل صاحب الفكرة Count me in
فكره جميله جدا أخى أ.سامح
باشا أنا مش بحبطك و أقولك مافيش فايدة
أنا عجبتنى الفكرة جدا وشايفها خطوة حلوة بس بتكلم فى موضوع تعميمها و التفاؤل الزيادة فى الموضوع ده
أنا بتكلم من منطلق إذا أردت أن تطاع فأمر بما يستطاع قبل ما نغير مقاييس السواقة والتعليم عشان تيقى أحسن شوف طريقة الأول تخلى الناس تلتزم أساسا بالمعايير المطبقة دلوقتى و إلا هتبقى بتنفخ فى إربة مقطوعة لأن حتى لو نجحت تنفذ موضوع تعميم الفكرة و تبقى دى هى فعلا السواقة اللى بتتعلم فى مصر و امتحانات قياسية زى ما حضرتك عايز و فضلت الناس بنفس المبدأ تطلع رخص من غير ما تتعلم أو تمتحن تبقى عملت إيه
أنا كل اللى بنصحك بيه نبدأ من الجذور نحاول نغير وعى الناس و نفهمهم إنهم لما يلتزموا أصلا إنهم يتعلموا على إيدين مدارس معتمدة سواء فى المرور أو المدارس الخاصة بس تكون معتمدة من المرور يعنى إيه سواقة و لما يمتحنوا الامتحان السهل نسبيا الموجود دلوقتى ده أأمن ليهم و حفاظ عليهم و على حياتهم و على مستقبلهم و لازم الناس تلتزم بالموجود قبل تستوعب إننا عايزين أقوى.
الموضوع فعلا حلو و أنا بأناشد الادارة تثبيته لعل الفكرة تتنفذ بدل ما الموضوع يطويه النسيان و سط زحمة المواضيع الكثيرة