دورة التبريد في الجين تو ت
صباح الفل هتكلم دلوقتى على طرمبة الميه فى الجين تو بالصور ودور التبريد بتاعت الجين2 ببساطه او اي عربية تبريد ماء بيكون ليها نفس السستم تقريبا ولنقل الخبره والنقاش حولها
الأول أدى صورة دور التبريد فى السياره :
http://1.bp.blogspot.com/_0H0gnjnDGW...ing_system.gif
زي ما احنا شايفين المايه أو سائل التبريد بيطلع من الريدياتير عبر الكوعه إلى طرمبة الميه أو بمعنى اصح طرمبة الميه بتسحب الميه من الريدياتير إلى الماتور عشان تمشي فى مواسير رفيعه فى جسم الماتور عشان تبرده
وبعدين بترجع تانى على الريدياتير بعد ما بتعدى على التريموستات اللى بيقيس درجة الحاره وبيبان عندك فى أمبير الحرارة
فبالتالى لو فى اي عطل فى الطرمبه فمش حتسحب الميه من الريدياتير فالحراره تعلى طبعا
ده غير طبعا لو حصل تسرب ماء من أى حته أخري زي خرم فى الريدياتير او طبه فى الماتور أوغير ذلك
انا عارف ان ديه معلومات بدائيه بالنسبه لكم بس حبيت ابسط الموضوع
وديه صور العلبيه بتاعت الطرمبه اللى غيرتها
http://www9.0zz0.com/2009/07/02/07/847701764.jpghttp://www9.0zz0.com/2009/07/02/07/805002295.jpg
والغربيه إنى لقيت عليها صنع فى تايلند وهيه جينون بارتس يعنى مش ماليزى وده وارد
http://www9.0zz0.com/2009/07/02/07/862585861.jpghttp://www9.0zz0.com/2009/07/02/07/230329387.jpg
وديه طرمبة الميه القديمة للى طلعت من العربية
والاسود ده الأويسيل بتعها لإتمام الإحكام
والتاره الصغيره ديه ام تلات اخرام هيه اللى بيركب عليها من بره واللى بنشوفها التاره اللى عليها السير اللى بيمشي مع التكيف والدينمو وعامود الكرنك
http://www9.0zz0.com/2009/07/02/07/769684408.jpg
وديه صورتها من جوه والمرحه اللى بتعمل رفع للميه من الريدياتور وتحتها بقا من جوه رمان بيلى وهو ده اللى فرط عندى فبالتالي المروحه ديه أفشت ووقفت الموتور لأنه مرتبط بسير مع المجموعه اللى قلنا عليها
فالطرمبه بتبوظ للأسباب:
1. اتخرمت من الطبه اللى موجوده فيها مثلا
2. الرومبيل فرط ( وده الشائع )
3. الأويسيل ضرب وبالتالى تسريب ( وفى الحاله ديه ممكن يتغير الأويسيل ده بس )
وفى الأخر تحياتى لييكم واتمنى إنى اكون أفدكم ونقلت التجربه ليكم ولو أى عضو عنده معلومه أو تصحيح معلومات ياريت يتفضل ويشارك
تحياتى