فيكترا سيفيك ميجان ايهما افضل؟؟؟؟؟؟؟؟

**hoza88** · 02-07-2009 04:44 PM

السلام عليكم ورحمة الله وبركاته

كنت عايز اعرف انهي عربية افضل من حيث:
1 كماليات
2 راحة
3 تجميع او سحب
4 اسعار قطع الغيار
5 استهلاك البنزين
6 سعر ما بعد البيع
7 الثبات
ارجو الرد بسرعة لان انا محتار بين العربيات دي

**evoo90** · 02-07-2009 05:13 PM

انا عن نفسى افضل السيفيك

**eng/muhamad** · 02-07-2009 05:18 PM

حضرتك بتقارن بين 3 عربيات حلويين جدا
لكن حضرتك واضع بنود مقارنه غريبه يعنى فى عربيه هتتفوق فى حاجات و عربيه تانيه هتتفوق فى حاجات
1 - الكماليات اكيييييد الميجان
2- الراحه مش فاهم مقصود بيها ايه اوى بس ال 3 عربيات كويسين و مريحين
3- السحب بالترتيب سيفيك ميجان فيكترا
4- قطع الغيار الفيكترا اغلى عشان المانى اما السيفيك و الميجان اعتقد هيكونو قريبيين من بعض
5- استهلاك البنزين اعتقد اقل واحده فيهم السيفيك
6- سعر ما بعد البيع السيفيك و الفيكترا كويسين لكن الميجان سعرها بيقع جاامد
7- الثبات ال 3 عربيات جامدين جدا فى النقطه دى
و فى الاخر حضرتك شوف عاوز ايه من العربيه يعنى لو عاوز عربيه شبابيه يبقى قدامك السيفيك و الميجان برده ممكن تمشى شبابى و فى الحاله دى افضل السيفيك
لكن لو عاوز عربيه كلاسيك شويه يبقى الفيكترا
و راى الشخصى السيفيك افضل واحده فى التلاته ليس لعيوب فى العربيات الاخرى و لكن
1- الفيكترا عربيه تقيله شويه و قطع الغيار غاليه عشان المانى و كمان الشكل ده قديييم و انتهى من مش هينزل تانى
2 - الميجان الشكل الجديدخلاص هينزل قريب يعنى سنه بالكتير و هتكون راكب عربيه شكل قديم

**hoza88** · 02-07-2009 08:41 PM

شكرا يا بشمهندس محمد علي الاجابة لكن المشكلة ان ال3 عربيات احلي من بعض
فمثلا الافيكترا الماني 100/100 وتقريبا اعلي فخامة
والسيفيك اعلي سحب واكتر عربية رياضية
والميجان اعلي كمليات
ولكني عاوز اشتري عربية زيرو فيها كل الكماليات وسحب عالي واعلي فخامة
فمثلا السيفيك عربية شبابية وحلوة بس عيبها انها واطية شوية وشنطتها ضيقة
الفيكترا الماني وفيها كماليات كتيرة بس عيبها قطع غيارها
الميجان بسمع ان في عيوب فيها كتير ومش منتشرة زي السفيك و الفيكترا
وطبعا استهلاك البنزين دة ما اهم الحاجات عندي فكنت عاوز اعرف مين اقل استهلاك بنزين فيهم وبتعمل كام في الصفيحة؟؟؟؟
وبرده محتار مين افضل عربية فيهم؟؟؟؟

**Ahmed Selim** · 02-07-2009 09:04 PM

1 كماليات : ميجان - فيكترا - سيفيك
2 راحة : ال3
3 تجميع او سحب : سيفيك - ميجان - فيكترا
4 اسعار قطع الغيار : فيكترا أغلى شوية بس أعتقد أن كلهم مش هيفرقو كتير عن بعض لو هتجيب قطع غيار أصلى.....
5 استهلاك البنزين : مش عارف بصراحة بس الميجان بتعمل تقريباً 9 كم لكل لتر
6 سعر ما بعد البيع : سيفيك - فيكترا - ميجان
7 الثبات : فيكترا - ميجان - سيفيك

المشاركة الأصلية كتبت بواسطة hoza88

الميجان بسمع ان في عيوب فيها كتير ومش منتشرة زي السفيك و الفيكترا

عيوب الميجان معظمها كان فى موديلات 2005 و 2006 و بعد كده معظم العيوب أتعالجت.....و ممكن تاخد فكرة عنها من هنا

أعطـــال الميجان من مالكى السيارة

الميجان أكثر أنتشاراً من الفيكترا......و أنا عن نفسى بشوفها أكتر من السيفيك كمان.

بالنسبة للميجان و الفيكترا.....الشكل ده هيتغير قريب ( ميجان ) و الفيكترا أسمع بس مش متأكد أنها مش هتنزل تانى.

**blazer** · 02-07-2009 11:20 PM

المشاركة الأصلية كتبت بواسطة hoza88

السلام عليكم ورحمة الله وبركاته
بفرض ان حضرتك هيكون رينج الفلوس 150 الف (يعنى اول فئف فى السيفيك والفيكترا والهاى لاين البانوراما فى الميحان

1 كماليات : الميجان كمالياتها كتييير ثم الفكترا ثم السيفيك
2 راحة :الميجان ثم الفيكترا ثم السيفيك
3 تجميع او سحب السيفيك طبعا ثم الميجان قم الفيكتر
4 اسعار قطع الغيار تقريبا رينج واحد
5 استهلاك البنزين اعتقد السيفيك افضلهم
6 سعر ما بعد البيع السيفيك افضلهم بكتير
7 الثبات التلاته ممتازين وان كنت اعتقد الافضليه للفيكترا
ارجو الرد بسرعة لان انا محتار بين العربيات دي

لو انت هتبص لسعر اعاده البيع يبقى هتفكر فى السيفيك
اما لو مش فارقه يبقى الميجان افضل

**Fadi Ezzat** · 03-07-2009 02:07 AM

انا من راى سيفيك ودة مش تحيز بس
دى العربية الى هتلاقى سعر قطع غيارها كويسة واستهلاك بنزين كويس وسحب عالى اوى اوى وثبات لا يعلى علية فى هذة الفئة

**M.ABDEEN** · 03-07-2009 05:27 PM

سيفيك طبعا فيها معظم اللي حضرتك طالبه وياسلام لو توب هاي لاين ودي ممكن تجيبها من التوكيل وبتكون سبيشيال اوردر واحد صاحبي جابها من 3 اسابيع ب 189 الف جندي !!!!!!! وبصراحة ربنا يباركله

-

مشاهدة نتائج الإستطلاع: من الافضل؟؟؟

الموضوع: فيكترا سيفيك ميجان ايهما افضل؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

ايهما افضل توليدو 2001 ولا اوبل فيكترا 2001

استطلاع ايهما افضل هوندا سيفيك 1990 او نيسان صنى 1993

ايهما افضل كليو 2004 أم ميجان I مو 2003؟

ايهما افضل هوندا سيفيك ام تويوتل كورولا

فيكترا 94 -- كورولا 94 ايهما افضل ؟

الكلمات الدلالية لهذا الموضوع

المفضلات

المفضلات

ضوابط المشاركة