التقرير المصور الكامل لتقييم الكيا نيو سيراتو - أحمد سامي-

**mohd_rafat** · 16-10-2009 03:32 AM

بسم الله ماشاء الله على التقرير والتنظيم والأسلوب ألف ألف شكر لإيضاحك لنا هذه السياره الجميله ...
وربنا يبارك فيها وتأخذ خيرها ويكفيك شرها ... آمين

**ahmedmohelsayed** · 18-10-2009 05:53 AM

خير الناس انفعمهم للناس
الف مبروووووووووك
ربنا يبارك لك فيها ويكفيك شرها ان شاء الله
وشكرا جزيلا لأنك نقلت صورة امينة لمن يفكر باتخاذ قرار بشراء هذه السيارة

**Ahmed Samy** · 20-10-2009 02:41 AM

الف شكر على مروركم و كلماتكم المشجعة

شكر للزميل y2y1500 لإثراءه الموضوع بفيديوهات التصادم

**Youssef.Awad** · 20-10-2009 03:34 AM

المشاركة الأصلية كتبت بواسطة ahmed samy

الف شكر على مروركم و كلماتكم المشجعة

شكر للزميل y2y1500 لإثراءه الموضوع بفيديوهات التصادم

العفو يا باشا
احنا دايما فى الخدمة
بس ماقولتش لنا ايه رأيك فيه؟
عشان بصراحة مش عاجبنى نتيجة اختبار التصادم خاصة فى القايم اللى قدام السائق وانبعاجة السقف كده مش ولابد ما تطمنش خاصة اذا كان هذا التصادم المفتعل تم على سرعة 60 كم/س

**m_ezz_elarab** · 22-10-2009 09:57 AM

ألف مبروك يا دكتور
أنا عندى نفس العربية بالضبط بس أنا مش مبسوط من العفشو و لا من الجنوط ال 17 لأنى بحس بالمطبات و لو كانت حفرة تحس إن الجنط هو اللى تخبط
أنا بقارن بعفشة النيسان 2007 صنى
هو ممكن أعمل أية علشان أخفف الموضوع ده..هل أغير الكاوتش و لا أية
و طبعا أنت عارف شوارع المحروسة
منتظر ردك.....سلام

**Ahmed Samy** · 23-10-2009 12:58 AM

المشاركة الأصلية كتبت بواسطة y2y1500

العفو يا باشا
احنا دايما فى الخدمة
بس ماقولتش لنا ايه رأيك فيه؟
عشان بصراحة مش عاجبنى نتيجة اختبار التصادم خاصة فى القايم اللى قدام السائق وانبعاجة السقف كده مش ولابد ما تطمنش خاصة اذا كان هذا التصادم المفتعل تم على سرعة 60 كم/س

النتيجة 4من 5 نتيجة مش سيئة أبدا

لو لا حظت هاتلاقي النقطة ماراحتش بسبب تضرر السائق (ماعدا تأثير من التابلوه على ارجل السائق)

النقط بتتحسم بسبب حاجات تقنية زي تنية القايم او تضرر السقف في تصادم جانبي

لكنها لم تؤثر على السائق ولا الركاب

ايضا صعوبة فتح الباب بعد التصادم قد تحسم نقطة كاملة

التصادم على سرعة 64 كم صحيح ...لكنه ضد حاجز (ثابت) لا يتزحزح يعنى لا يماثل خبطة عربية ...ده زي ما تخبط في حيطة ...

عموما العربية اجتازت الاختبار فعليا و باسكور عالي

المشاركة الأصلية كتبت بواسطة madoo_600

هل ممكن الاقي قطع غيار نيو سيراتو في الحرفيين ولا لا كبوت وفوانيس واكصدام وشبكه ورادياتير وسربنتينه ومروحه عشان اخويا عمل حادث كبيربالعربيه قبل صيانه 1000 كم يا ريت تساعدوني

ما عنديش فكرة للأسف

المشاركة الأصلية كتبت بواسطة m_ezz_elarab

ألف مبروك يا دكتور
أنا عندى نفس العربية بالضبط بس أنا مش مبسوط من العفشو و لا من الجنوط ال 17 لأنى بحس بالمطبات و لو كانت حفرة تحس إن الجنط هو اللى تخبط
أنا بقارن بعفشة النيسان 2007 صنى
هو ممكن أعمل أية علشان أخفف الموضوع ده..هل أغير الكاوتش و لا أية
و طبعا أنت عارف شوارع المحروسة
منتظر ردك.....سلام

لو مش عايز تحس ان الجنط هو اللي اتخبط ...و تخف الاحساس بالنقر (شوية)

اضبط الهوا على 30

بس لازم تحس ...دي ضريبة الثبات بالجنط العريض

**karemof** · 23-10-2009 06:55 AM

المشاركة الأصلية كتبت بواسطة ahmed samy

ب

5 - عجلة القيادة : التحكم و التوجيه

التحكم جيد جدا و دقيق خصوصا على السرعات المتوسطة 60-100 فهو رائع و استجابة عجلة القيادة الصغيرة مرضية جدا .

التحكم بيتقل مع السرعات و لمنه غير مرضي كثقل على السرعات فوق 140 (عجلة القيادة أخف مما يجب)

تضاريس الطريق تؤثر على توجيه عجلة القيادة أيضا بشكل ملحوظ ..

و ده سبب ان الكتير بيشتكو ان العربية "بتحدف" و ده بعد تجارب كتيره وجدته انه بسبب تأثير انحناء الطريق على التوجيه و دي حاجة مضايقاني جدا جدا في العربية .

طبعا زي ما قولت فوق ...باور العربية هيدروليك زيت mando وليس كهربائي مثل الإلنترا .

ده معناه أن في مشكلة في الاتزان على الطريق اعتمادا على التضاريس ؟
عجلة القيادة فيها اهتزازات يعني؟

**Ahmed Samy** · 21-12-2009 05:14 PM

المشاركة الأصلية كتبت بواسطة karemof

ده معناه أن في مشكلة في الاتزان على الطريق اعتمادا على التضاريس ؟
عجلة القيادة فيها اهتزازات يعني؟

مش اهتزازات بالمعنى

بس لو دخلت حتة مكسرة الدريكسيون هايرقص

بس العربية ما يتعومش ولا بتحدف

**karemof** · 21-12-2009 05:52 PM

طيب يا دكتور رأيك ايه في المناقشات الساخنة اليومين دول فيما يتعلق بالسيراتو, وبالذات زادت أكتر بعد حادثة المهندس غازي ,ونتيجة الاستطلاع اللي وصلت لأن حوالي 41 % عندهم حدفة شمال.
http://www.nilemotors.net/Nile/109619-a.html
http://www.nilemotors.net/Nile/109854-a.html
مش دي ممكن تقلق كتير من اللي عايزين يشتروا و أنا من ضمنهم.