الموضوع: حركات هبله أتحداك لو قلت مش بتعملها

أنا هحاول أرد على كل حاجة بعملها و أقول السبب يمكن أقنعك

المشاركة الأصلية كتبت بواسطة hacker5

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارف!!

مـثــــــــــــلا



ليه بعد ما نشرب كانز البيبسى ونخلصه نهز العلبه؟؟
>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!
دى مش بعملها الحمد لله نفدنا



*ليه اذا شفنا جدار أو عمود نور مكتوب عليه عباره(احترس من الدهان) ما تصدقش وتجرونجرب بأصابعنا؟؟
>> يعني لازم يحلفوا ..؟؟!!
مش عارف ساعات بيبقى عند الواحد فضول يعرف الدهان نشف و لا لسه
ههههههههههههههه طبعا مش كل الناس عمرى الحمد لله ما جربت الموضوع ده




ليه لو كانت بطاريه الريموت كنترول ضعيفه تضغط بقوه على الأزرار؟؟
>>يعني هو كده هتتشحن البطاريه؟؟!!!
بصراحة الريموت بتاعى و يمكن يكون ده تفرد منه لما البطارية بتضعف ضغطة قوية و انت قريب أكتر من المستقبل بيشتغل و إلا يبقى بيشتغلنى أنا
بس حقيقى بيشتغل لما تدوس عليه جامد مش بيشحن



ليه لو أتاخر الأسانسير نضغط على الزرار ميه مره؟
>>يعني كده خلاص هيحس على دمه وبيفتح
دى اللى بصراحة حاجة تضحك بس برده بعذر الناس اللى بتعملها بتبقى زهقانة و ما عندهاش حاجة تانية تعملها فبتضيع وقتها بالضغط تانى زى و انت قاعد على النت ما تتأخر صفحة فى التحميل شوية فتروح عامل ريفريش مع الاختلاف فى إنها فى الحالة التانية أحيانا بتجيب نتيجة



ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟
لو تهنا آه أنا بصراحة بعملها علطول بس طبيعى عشان أقدر أركز فى الطريق لأن طول ما الموسيقى شغالة مش هعرف أركز فى طريق ما أعرفوش ده غير إنى ممكن أحتاج أسأل حد فإيه الللى يخللينى كل ما آجى أكلم بنى آدم أوطى الكاسيت أو أطفيه ما أعرف أنا فين الأول و بعدين أشغله براحتى




ليه لما بنكون قاعدين فى مكان عام ونسمع رنه مسج ولا رنه موبايل على طول تشوف موبايلك ؟؟
ليه حضرتك مهم للدرجه دى علشان يرن موبايلك من بين البشر دى كلها ولا أنت يعنى مش عارف رنه موبايلك
بصرف النظر حضرتى مهم ولا مش مهم هو مش معايا موبيل يعنى ممكن يكون فعلا موبيلى اللى بيرن أنا أو أى حد من الموجودين أعتقد إن كلنا فرصنا متساوية إنه يكون موبيل أى حد فينا و بعدين فى الزحمة و الصوت العالى حواليك و انت مخصص أكتر من نغمة مثلا أو عامل لسه نغمة جديدة ماحفظتهاش أوى أو دخلة موسيقى مشابهة أو نغمة كنت حاططها قبل كده قريب كل اللى فات ده يخليك تبص فى موبيلك بمجرد إنك تسمع موبيل بيرن





كل واحد يقول بصراحه بيعمل ايه من دول وافضح نفسك احسن؟

مسروق ..... قصدى منقول