متحرمش نفسك من العربية اللي نفسك فيها (هو انت هاتعيش كام مرة؟)

اقتباس:

---

المشاركة الأصلية كتبت بواسطة amrico

كلام حضرتك منطقي جدا وعلى فكرة حكاية الخوف من الجديد دي مصيبة
لدرجة ان ساعات تلاقي عربية جديدة مثلا ظهر فيها عيب نتيجة عيب استخدام تلاقي العيب ده اخباره انتشرت كالنار في الهشيم واصبحت سمعة بالباطل على العربية
يا راجل مش قادر انسى واحد ميكانيكي بيتكلم على الأوبل فيكترا الجديدة وبيقولي انها تعبانة !!! سألته تعبانه ليه لقيته بيقولي بتجيب حساسات
وكان قصده انه اجهزة الاستشعار الخاصة بالركن بتعطل
سألته شوفتها او تعرف حد عنده العيب ده يقولك لا بس كل الناس اللي متعرفش هم مين بيقولوا كدا
وزي برضه الإشاعات العجيبة اللي طلعت على ناقل حركة الكورولا
وشكرا على المرور

---

يا باشا أحنا عايشين في بلد من دول العالم الثالث
يعني أنتشار الجهل ..... و الفزلكة ..... و التأليف و التخلف و الهمجية .
....... بس هانعمل أيه مضطرين نعيش فيها .....
و للآسف التغيير صعب
لأن الأغلبية مش فاهمين أننا حمير و عايشين غلط .
فاكرين كله تمام ........
و هي بس الحكومة اللي عايزة تتغير .....
لحل أي مشكلة .......يجب فهمها أولا
و بعدين وضع الحلول و بعدين تطبيق الحل .

و لكن في حالة مصر و المصريين ( أحنا يعني )
أغلبنا شايف أن الدنيا بمبي و حلوة و جميلة ..

و هي بس الحكومة اللي كوخة .........
مع أن كلنا عايزين الضرب بالنار .... :_Alshmokh22[1]:

ربنا يرحمنا

و مرة تانية شُكرا على مواضيعك الجميلة الثرية بجد .

كلام مضبوط ميه ميه
المفروض الواحد يفكر بعيد عن كلام الاعلانات وكلام الناس الي مش فاهمة
المفروض نتعلم ازاي نقارن بين الاشياء علي حسب احتياجاتي فقط فقط فقط
ممكن انا محتاج عربية اقتصادية و غيري عاوز عربية جري وشد وغيره عاوز عربية عائليه
كل واحد له تفكير لازم يعتد بيه
وشكر

اقتباس:

---

المشاركة الأصلية كتبت بواسطة tutankhamoun

يا باشا أحنا عايشين في بلد من دول العالم الثالث
يعني أنتشار الجهل ..... و الفزلكة ..... و التأليف و التخلف و الهمجية .
....... بس هانعمل أيه مضطرين نعيش فيها .....
و للآسف التغيير صعب
لأن الأغلبية مش فاهمين أننا حمير و عايشين غلط .
فاكرين كله تمام ........
و هي بس الحكومة اللي عايزة تتغير .....
لحل أي مشكلة .......يجب فهمها أولا
و بعدين وضع الحلول و بعدين تطبيق الحل .

و لكن في حالة مصر و المصريين ( أحنا يعني )
أغلبنا شايف أن الدنيا بمبي و حلوة و جميلة ..

و هي بس الحكومة اللي كوخة .........
مع أن كلنا عايزين الضرب بالنار .... :_alshmokh22[1]:

ربنا يرحمنا

و مرة تانية شُكرا على مواضيعك الجميلة الثرية بجد .

---

العفو يا استاذ توت
وفعلا محدش بيعترف بالخطأ كلنا في السليم والحكومة هي اللي وحشة

انا بشبه الشعب والحكومة بالفصل الدراسي

لو المدرس دخل فصل فيه طلبة صايعين ومهملين ومش غاويين تعليم تلاقيه ملوش نفس يشرح وبيقضيها قلة ادب وشتيمة للطلبة
اما لو فصل كله طلبة متفوقين وبيسألوا وبيعملوا اللي عليهم هايتحرج ويطلع كل اللي عنده وهايشرح وحتى لو كان مدرس ضعيف هايذاكر ويقوي نفسه عشان يفيد الطلبة

فعلا هي ثقافة شعبنا كده بس اللانسر محترمة واثبتت وجودها بس زعلت قوي لما لاقيت منها ابيض في اسود (تاكسي) وفعلا دلوقتي بتشوف في الشوارع اسطول من البومة والفيرنا وكله بيبقى عامل البدع من تظبيط وترويش وخلافه

اقتباس:

---

المشاركة الأصلية كتبت بواسطة mohammedsamirabdeen

فعلا هي ثقافة شعبنا كده بس اللانسر محترمة واثبتت وجودها بس زعلت قوي لما لاقيت منها ابيض في اسود (تاكسي) وفعلا دلوقتي بتشوف في الشوارع اسطول من البومة والفيرنا وكله بيبقى عامل البدع من تظبيط وترويش وخلافه

---

و ايه يعني انها بقت تاكسي؟


ماهو برة التاكسي بيبقى انضف عربيات

في المانيا مثلا مرسيدس

ده حتى اسمها بومه يمكن من كتر الفيران اللى عند الناس وكمان بيجبوها فيرانى للتمويه..ايش فهمك انتا فى الكلام الكبير ده.روح يا شيخ ربنا ميوريك فأر فى بيتكو:Copy of majd(4):

قلت رأيى فى نفس الموضوع فى شيوع السيارة و علاقتها بالشراء و فعلا دى مشكلة الناس كلها بتفكر فى البيع قبل ما تشترى و كله برده بيقولك اللى نعرفه أحسن من اللى مانعرفوش و اللى يقول هو أنا الشجيع اللى هتجربوا عليه العربية زى ما يكون واخدها طازة من الللى صممها و راح يصنعها بنفسه و عمرها ما اتركبت قبل كده فى أى حتة تانية.
الشعب ده طول عمره مبدأه الأساسى "من خاف سلم" و هو ده المبدأ اللى محتاج يتغير عشان نقدر نتقدم بجد و نجرب حاجات جديدة ممكن تكون أحسن بمراحل من القديمة و أوفر كمان

فكرتوني بنصيحة الاباء و الاجداد وتتمثل في هذه الاقوال المأثورة :
1 - بص يابنتي مفيش زي الفيات ال 131 عربية ناعمة (كانت في وقتها طبعا)
2 - اللادا دي عربية حمالة قسية و تستحمل و قطع غيارها زي الرز (قال يعيني رايح بيها كركوك في العراق)
3 - ال 128 مفيش احلا منها لما تروشها وكمان قطع غيارها مرطرطة (حسسوني اني هروح اجمع عربية بينتيوم فور )

انا حاليا في سلطنة عمان، واحد زميلنا عماني الجنسية عمل حادثة طريق بسيطة مع واحدة ست، لقيته بيطلبني يقولي انا عملت حادثة مع واحدة ست مصرية وبعد ماطمنت ان الحمد لله مفيش خساير قالي ان الست كانت راكبة لانسر بومة ( العقدة وصلت لبرة ) و 90% لو شفت لانسر بومة في الخليج (رغم ندرتها) تلاقي اللي راكبها مصري


تصدق صاحبى والده شغال برة معاه لانسر ههههههههههههههههههههههههه هههههههههههههههههه

رغم حبى الشديد للبومه الا ان
أعلان سيفن اب الجديد هو خير معبر للموضوع دا
انا اساسا بكره اللون الفضى وكمان كرهته من كتره فى الشارع
وبعدين كان فى مثل بيقول اللى يجيب دهبى يكسب واللى يجيب فضى يفقر
عشان كدا احنا شعب فقران كلنا راكبين فضى

على فكره فى مفارقه خطيره قوى
البومه منتشره جدا بس قطع غيارها مش رخيصه نسبة لعدد العربيات اللى فى الشارع ودى حاجه محيرانى جدا ومش عارفلها سبب

بي ليه انت ماقلتش نفس الكلام دا على اللانوس ما هى نفس الحاله مليار لانوس فى مصر دا حتى شيفروليه صعب عليها انها ماتسترزقش ما الموديل دا فنزلوها بعد ما اشتروا الدايو من غير حتى مايغيرو حتى شكل الفوانيس ماعلينا

دا حتى واحد صاحبى كا بيشترى عربيه من سنتين كدا او تلاته مش فاكر فقال انا هشترى جين2 المهم راح المعرض قعد يجربها قعد جواها وعجبته جدا داس على زرار من زرايرها لقاه وقع جوه فقال لا لا يمكن اللى نعرفه احين من اللى مانعرفهوش واشترى لانوس
هل دا معناه ان الجين تو وحشه اكيد لا دى عربيه فى المعرض اتبهدلت كل اللى يعدى يدوس ويفعص فيها اكيد هتيجى فى ايد حد ويقع منها حاجه وخصوصا ان ايامها كانت موديل جديد يعنى بيتفرج عليها 100 يشترى منهم 5 يعنى تفعيص على الفاضى للصبح
المهم احنا كدا وهنفضل كدا فراعنه
- شعب هرب من الصحرا وقعد فوق دماغ بعضه حوالين النيل عشان بيخاف من اللى مايعرفهوش

هوا فى زينا فى الدنيا البيتلز بتاعت الستينات بتتباع دلوقتى اغى من السعر اللى خرجت بيه من المصنع من 40سنه

الـ 504 بيتعامله معاها على انها طياره وهيا منتجه من 30 سنه

وبعدين انت زعلان من البومه ليه ما عندك الـ 128 انا اعرف ناس بتبيع وتشترى 128 من موديل ستينات لحد 2009 وكل ما يجدد يشترى 128

وانت بتقول البومه غاليه امال 128 تبقى ايه تكنولوجيا مش قديمه لا دى ماتت وبـ 45000 دا مش هبل يعنى الجين تو يادوب تشترى صندوقين 128 ماعلينا

إجمالا انا شايف ان الموضع مظبوط بس ليه نضيقه على البومه بس دى ثقافة شعب