دكتور محمود
حضرتك جبت من الاخر
على مر العصور هاتلاقي في رموز للوجاهة الإجتماعية عند الطبقة المتوسطة ماديا في الشعب المصري
اللي اوعى عليهم في الثمانينات كان الفانيلات المونتيجو والفيديوهات الناشيونال ال 7500 اللي كان ليها باب بيفتح من فوق من رموز الوجاهة الإجتماعية
واللي كان عنده الحاجات دي كان جامد جدا
دلوقت البومة بقت الرمز ده
اللي بيأدي لإنتشار البومة بين المصريين برة برضه انه مثلا بيبقى شايف طبعا 99.9999999999999999999999999% من جيرانه ومعارفه واصحابه واعداؤه اللي عندهم عربيات معاهم لانسر بومة فضي وبالتالي بتبقى حلم مش قادر يحققه فابمجرد مابيسافر ويلاقيها طبعا هناك رخيصة بيروح ملانسر نفسه على طول عشان يجيب عربية زي اللي كانت عند الناس اللي كان بيحس انهم احسن منه زمان وكدا بيتوازن ويحس بالرضا الداخلي (المزيف) عن النفس
المشكلة ان ممكن ده يبان عادي بس ده بقليل من التفكير بيدل على ظاهرة خطيرة
المصري مش طموح، واذا كان طموح بيبقى طموح انه يقلد شخص عنده حاجه مثلا عشان يبقى زيه مش احسن منه، و حتى لو كان عاوز يبقى احسن من التاني بيبقى مثلا لو واحد عنده محل بقاله تلاقي التاني يحاول يفتح محل بقاله اكبر منه عشان يقفل عليه ويفلسه دا بدل ميشوف مشروع تاني يعمله