طب ليه يا جماعة منعملش شكوي أو طلب رسمي لوزارة الداخلية بإسم المتضررين من المنتدي و أرقام بطاقاتهم بإن يكون فيه تقنين لوضع أحد درجات الفاميه و السماح بها و كمان وضع الستائر الجانبية لأن الجو دلوقت مبقاش زي زمان و مبقاش ينفع الواحد ينفع يركب العربية و هي منقوعة بقالها ساعات في الشمس خاصة اللي مفيهاش تكييف .. يعني ده حتي اللي فيها تكييف و الناس بتعاني !
أهو نبقي عملنا اللي علينا و يمكن الحوار و الموضوع ده يجدي .. قبل كدة في المنتدي تم تقديم طلب بتعديل مروري في أحد الأماكن و تم الرد و التنفيذ من الوزارة ..
يعني مبنطلبش كتير .. يسمحولنا بدرجة تقلل من الحرارة زي 02 مثلاَ أو 01 و تكون قانونية و في نفس الوقت مش بتمنع الرؤية داخل العربية .. و ندي أمثلة بدول الخليج اللي مطبقة الموضوع ده .
في إنتظار رأيكم بالنسبة لللإقتراح .
المفضلات