الموضوع: اخيرا القول الفصل من ظباط مرور فى كمين " الستاير الكبس مش ممنوعة "

المشاركة الأصلية كتبت بواسطة Tyler_Durden

طب أنا عندي ستاير الفابريكة على الازاز الخلفي و الشباكين الخلفيين و دفعت عليهم مخالفة
فابريكة يعني مش أنا الي مركبهم..و دفعت زي الباشا
الفكرة الناس الي واقفة في الكمين دي لو بتتلكك هايعملوها مخالفة..لو مزاجه حلو تبقى مش مخالفة

نفس الرد السابق

المشاركة الأصلية كتبت بواسطة ahmed73

انا باقترح ان احنا نجيبهم ونستعلمهم وقت الضرورة ولما نركن العربية فى الشمس وباللليل هيبقوا فى شنطة العربية _ ولو ماشيين ودخلنا على كمين وحسينا بقلق شد وارمى فى أرضية العربية - خلص الموضوع

انا مع حضرتك فى اننا نستخدمهم فى وقت الضرورة وبالليل يتشالو بس قوللى هاتشيل ازاى الى على الازاز الى ورا والى على البابين الى ورا وانت سايق وداخل على كمين مانت لو وقفت بعيد هاياخدو بالهم انك وقفت قبل ماتدخل الكمين ويمكن يرزلو ويقوللك نفتش العربية (انا بجد عاوز اعرف علشان لو ليها طريقة )

المشاركة الأصلية كتبت بواسطة M_Nabil

لو فابريقة و مثبتين في شهادة البيانات بتاعت العربية يبقى حضرتك اللى غلطان انك تسيبهم يدفعوك الغرامة

كنت حاقولها

المشاركة الأصلية كتبت بواسطة baskota

القرار النهائى ممنوعة ولا مش ممنوعة؟؟؟

انا اصلا مش بحب الستاير فى العربيات

امال داخل تقرا الموضوع ليه ياباشا ؟؟؟ اكيد مشوى زينا

المشاركة الأصلية كتبت بواسطة dr_timo

هية اكيد مخالفة ياجماعة عشان نص القانون واضح بس برده حسب الموقف يعني مثلا لما تقف في كمين في عز الشمس ومعاك ناس ورا وانت مركب الستاير اعتقد صعب اوي يقولك شيل الستاير دي عشان تحرق الناس اللي جوة دول لكن بقي لو قابلك بالليل او حتي بالنهار وانت لوحدك ولاقيك مقفله كل العربية قدام وورا ستاير اكيد لازم يتكلم فاعتقد الستاير اللي هية موجودة دلوقتي اللي بتدوس بزورار تترفع دي معقولة عادي لما يكون في ناس راكبة بالنهار تنزلها وتمشي وان شاء الله ميحصلش مشاكل ولما ييجي الليل ارفعها ولما تكون بالنهار ولوحدك ارفعهم برده وممكن تسيب اللي جمبك انت عشان الشمس انا عن نفسي بعمل كدة وعمر محد كلمني ولا قاللي حاجة

هى ايه الستاير الى بتطلع بالزرار دى ياباشا منين وبكام وبتركب على اى عربية الحقنى الله يخليك

المشاركة الأصلية كتبت بواسطة prince_ahmed2004

الستاير الكبس ممنوعة
انا كنت مفيم القزاز اللى قدام وحاطط ستاير كبس ورا
دخلت لجنة نزلت القزاز القدام
المقدم بص ورا على الستاير مكلمش
قاللى ممكن ترفع القزاز رفعت لقى الفاميه دارك
قالى اركن بعد ما دفعت 50 جنيه قلت له الستاير اللى ورا ايه النظام
قال عادى
اخدت على كلامه
الاسبوع اللى فات وانا داخل المطار وقفني ودفعني مخالفة ستاير 50 جنيه
طب اشلها طب مش عارف ايه مرضيش برده
وقالى في الاخر الستارة بتعت القزاز الخلفي المفروض ممنوعة بس مش بندقق عليها بس لو ظابط رخم هيرخم
كان نفسي اقوله زيك كده
وفي الاخر قاللى على فكرة انت لو فضلت كده مش هتعرف تتعامل مع الناس
عشان شديت معاه في الكلام
قلت له يعني انا متاخر عليهم ومستنيني جوه والطيارة وصلت
وانت قاعد معطلني وتدفعني مخالفة عاوزني فرحان ومبسوط يعني!!!!
قالى لالا انت زي العسل وقعد يهزر
طبعا مليش نفس اهزر بعد ما كعيت ال50 جنيه
قلت له طيب شكرا ومشيت

ماهو ده برضه حاجة غريبة ازاى قانون واحد والتطبيق يبقى مرة اه ومرة لا يبقى فيه حاجة غلط لان المفروض مانبقاش على مزاج الاخ الى بيدى المخالفة لازم يبقى فيه حل (بس حكاية الستاير الى بتطلع وتنزل بالزرار دى سعرها معقول تبقى 100 100 )

المشاركة الأصلية كتبت بواسطة ashouhdy

ستارة الزجاج الخلفى مش ممنوعة بعدى على اكتر من 10 كماين اسبوعيا من سنتيين
ستائر الزجاج الجانبى الخلفى ممنوعة دفعت 50 جنية من اول كمين !

لا هما تلاقيهم ماشافوش الى ورا اساسا الا بعد ماطلعت من الكمين وياريت تقولنا بالليل ولا بالنهار

المشاركة الأصلية كتبت بواسطة hamadamdph

يا جماعة يعني ايه لو بالنهار ماشي انما لو بالليل فيه مخالفة.
هو يعني وانا ماشي يبقى معايا خيط اشده تقع الخمس ستاير.
او الحل الثاني اني اركب بلتكانة واجيب ستاير عمولة من سيدار
لا بجد انا الستاير هي الحل الوحيد معايا عشان عربيتي مفيهاش تكييف وبعدين الكبس اصلا صيني يعني بعد لزقتين مبيتلزقوش ثاني !
!!!!

يعنى لما مايبقاش فيه سبب ( الشمس ) تركن على جنب وتشيلهم علشان ماتحجبش الرؤية وانت سايق وكمان علشان ماتديش ايحاء انك جايب بنات وبتعمل حاجة غلط فى العربية ( طبعا انت لما تعمل حاجة غلط وتحط ستاير هاتمنع باقى الشعب من انه يتفرج ودى هى المخالفة تقريبا لان الناس مش مستنية الستاير او الفيميه علشان تعمل حاجات غلط فى العربيات والبارك بتاع كارفور وهيبر وجراج التحرير يشهد على كلامى)