!! كــلام كبيــــر !!

**farahat** · 07-07-2009 09:56 PM

المشاركة الأصلية كتبت بواسطة ahmed a.maksoud

أستاذ و رئيس قسم من يومك....

عاوزين نشوفك فى المقابلة اللى جاية يا باشا....مش تطنشنا زى المرة اللى فاتت :)

يا باشا أنا والله ما أقدرش أطنشكم أبداً ، بس كنت مطحون الاسبوعين إلي فاتوا دول على الأخر و إسأل أيمن يقول لك أنا عشان أقابله عملنا إيه :)
بس إن شاء الله المقابلة الجاية متفوتنيش بإذن الله

07-07-2009 11:38 PM

قلت لكم قبل كده إن م / فرحات

[marq="3;right;3;scroll"]
منهل للعلم
[/marq]

**farahat** · 07-07-2009 11:44 PM

المشاركة الأصلية كتبت بواسطة col. Eng. Khaled

قلت لكم قبل كده إن م / فرحات

[marq="3;right;3;scroll"]
منهل للعلم
[/marq]
:ta_clap[1]:

يا سيدي الفاضل العفو ، د حضرتك استاذنا يا سيادة العقيد

**blazer** · 08-07-2009 03:53 AM

شكرا للبشمهندس فرحات على الشرح الوافى :)

**Hegazio** · 08-07-2009 10:18 AM

المشاركة الأصلية كتبت بواسطة farahat

الخريطة بقى أو ال map عبارة عن إيه ؟ عبارة عن جدول طويييل ذي جداول excel كدة فيه عند كل سرعة للموتور موجود ٣ حاجات و هما كمية بنزين و كمية هوا و توقيت إشعال
يعني ببساطة كدة عند سرعة ٥٥٠ RPM يبقى الرشاش يفتح 0.١ ثانية ، و بوابة الهوا تفتح بزاوية ٢.٤ درجة و الإشعال يتم قبل ما يوصل لأعلى نقطة للبستم بحوالي ٩ درجات ، و هكذا عند ٥٦٠ و ٥٧٠ ... لحد أعلى سرعة للموتور إلي هي مثلاً ٨٠٠٠ RPM

الناس الفاهمة و السواقين المخضرمين (مع احترامي لكل شباب مصر الجامدين ) لما بيسوق عربية و يجرب مواتير بياخد باله مش بس من التفصيل أو أداء الموتور مجمل ، لأ د بيحس تحت رجليه إن مثلاً من سرعة ٢٠٠٠ لحد ٢٤٠٠ لفة سحب العربية مكتوم أو بيعمل نطة أو حاجات كدة و يقدر يحس إذا كان الموتور بيتحرك على الجدول دة بنعومة ولا في حاجات مش مظبوطة ، فمثلا يقول طالما مكتومة يبقى من ٢٠٠٠ - ٢٤٠٠ عايزة كمية هوا زيادة ، يقوم فتح الجدول ي يزود زاوية فتح بوابة الهوا شوية عند كل السرعات من ٢٠٠٠ لحد ٢٤٠٠ ، و يلاقي مثلاً إن العربية بتسقف عند ٤٥٠٠ لفة يقوم مغير توقيت الاشعال شوية .

القصة دي عشان تتعمل محتاجة كذا حاجة :
١- سواق فاهم جداً جداً جداً يعني إيه مواتير و ازاي يظبطها (زمان كنا بنعمل كدة في الكربرتير بالتجربة و الخطأ لحد ما تزبط معانا )
٢- يكون عندي طريقة أخد بيها copy أو نسخة من الجدول إلي على وحدة تحكم الموتور (و دي عايزة كابل مخصوص لكل عربية و برنامج مخصوص لكل عربية ، فاكر يا عم أيمن ؛) )
٣- يكون عندي البرنامج إلي أفتح بيه الجدول دة (ذي ال-excel كدة بس حاجة مخصوص للعربيات )
٤- و أنزل النسخة المعدلة من الجدول على ال-ECU تاني عن طريق نفس الكابل (يعني الكابل لازم يكون فيه قراءة و كتابة مش قراءة فقط )
٥- يكون عندي وسيلة للقياس للنتايج ذي ال-dyno ، يا إما أخلي نفس السواق يجرب تاني و يقول حاسس بتغيير ولا لأ .

اتمنى تكون كدة فكرة ال-remap وضحت و أصبحت سهلة .
الخلاصة إن تغيير الفلتر مش بيحسن كتير في الأداء لوحده (لأن بوابة الهوا فتحتها وحدة مش هتتغير من غير remap ) ، و تغيير ال-map من غير ما يكون في تغيير في وحدات إدخال الهوا و البنزين (يعني فلاتر و هدر و رشاشات بنزين برضه مش هيدي نتيجة كاملة ، لازم كل الحاجات دي تتغير مع بعضها

واضح اني جاهل فعلا .. متشكرين يا باشمهندس فرحات .. واضح انك علامة في المواضيع دي .. ليا الشرف اتعرف عليك و استفيد منك أكتر

( لو محتاج مشورة طبية أو صيدلية

..أأمر )
طب دلوقتي لو فعلا فيه شوية حاجات عاوزة تتظبط بالذات في فتحة الهوا علي ما أعتقد .. ( اللي عنده ميجان عارف خنقة ال 2500 ار بي ام ) بس انا فعلا باظبط شوية حاجات في فتحة الهوا للفلتر و حانضف البخاخات و اغير موتور طرمبة البنزين ( العربية عاملة 160 ..أوانهم يتنضفوا )
و بعدين أعمل Remap.. تقدر تساعدني في الموضوع ده !!؟؟؟
أو لو حد يعرف حد عنده الأجهزة و ننشر النتايج و نشوف كده مع بعض .. ياريت أكون سعيد جدا

**M.Moustafa** · 08-07-2009 11:01 AM

فرحات باشا بجد انت بتحسس الواحد هوا قد ايه جاهل

ربنا يزيدك يا باشا من علمه وتنفع بيه الناس وفعلا عايزين نشوفك المقابلة الجاية يا ريت

**Amr_Moh** · 11-07-2009 04:17 PM

المشاركة الأصلية كتبت بواسطة hegazio

iهو يمكن يكون علم من الأعلام
بس مين فرحات ده ؟؟

على فكرة فرحات دة مش مكان دة زميلنا المهندس فرحات كبير المجناويه

**Hegazio** · 12-07-2009 10:17 AM

المشاركة الأصلية كتبت بواسطة hegazio

iهو يمكن يكون علم من الأعلام
بس مين فرحات ده ؟؟

يااااااه .. ده احنا عرفنا الراجل المحترم و اتعرفنا عليه و قاللنا و قلناله .. انت لسه فاكر ( و بعدين هي مين للسؤال عن المكان؟؟!! )
.
و في انتظار ردك عن السؤال يا استاذ فرحات