هي فين مجانية التعليم اصلا؟!
عرض للطباعة
هي فين مجانية التعليم اصلا؟!
صديقي والله انا نشرت الموضوع ده علشان نطلع بحل مش علشان نتخانق وواحد يقول راي لازم الناس تلتزم بيه بلعكس علشان نوصل لحل وسط بس ايه هو الحل؟
بس اكيد مش الحل اننا نلغي المجانيه بالكامل ولا حتي علي الجامعات
ويبقي السؤال
المشكله الواحد معندوش مشكله في التطوير المشكه في (الحاجه ذكيه)
اللي كل حاجه نيجي نطورها يبوظها الفساد لصالح اشخاص معدومي الضمير
علشان كده انا بدافع عن المجانيه مش علشان مؤمن وخلاص لا علشان مؤمن بحجات تانيه تمنعني من اني افرط في حاجه في ايدي ممكن بكره بسبب التطويرملاقيش حتي التعليم الاساسي
لما اشوف التطوير في البلد يبقي بعد كده افكر العب في التعليم وابوظه اكتر مهوا بايظ
إلى اخي compuland
أحمد زويل أخد الأساسيات من هنا أيام التعليم ما كان بيعتمد على النظام الأنجليزي القديم و مازلنا بنعتمد على نفس النظام بدون تطوير حتى الآن .
و كمان هو كمل دراسات عليا هناك ......... و لو كمل دراسات عليا هنا مكنش وصل لحاجة لأن ببساطة المناهج هنا و طريقة التدريس طريقة بدائية و متخلفة .
و شوف كام واحد من الغرب بيحصل على جوائز نوبل في الفيزياء و الكيمياء و الطب
و كام واحد مننا ؟؟؟؟؟؟؟؟؟
يعني من الآخر أحمد زويل حتى لو تعليمه كله من الأساس للدراسات العليا مش مقياس خالص علشان نقيس عليه لأنه فرد وحيد أو خريج وحيد من ملايين الخريجيين .
و أسأل أحمد زويل نفسه اللي ناقش الكلام ده مع الحكومة و الآخر محدش عبره و عمل مناقشة لرأي الخبير ( أحمد زويل ) .
كل اللي نجح ....... نجح بعد الدراسات اللي عملها هناك أو عملها هنا بطريقتهم هما مش طريقتنا أحنا ........... و نادرا لما تلاقي واحد طالع من جامعة حكومية مصرية في العصر الحديث و فلتة زي احمد زويل .
بالنسبة للخصخصة ......
البطالة زادت مش علشان الخصخصة .
البطالة زادت علشان الزيادة على طلب الوظائف أكبر من الزيادة في الوظائف المعروضة بسبب الزيادة السكانية .
المصانع الحكومية و القطاع العام و المصالح الحكومية الادارية بتعمل بالطريقة الأشتراكية و هي تشغيل كل الخريجين و كل من يحتاج لوظيفة بغض النظر عن أحتياج المصنع أو المكان لهذا العامل الجديد و الناتج .........
فشل الشركات ........ الأنغلاق المحلي .......... سهولة السرقة من هذه الشركات بعكس القطاع الخاص اللي بيكون همه الأول هو نجاح المؤسسة اللي بيرعاها أو بيرأسها .
الصين لا يجوز مقارنتها بمصر لأن ظروفهم مختلفة جذريا عن مصر .
أولا مساحة الصين مثل مصر 8 مرات و نصف المرة .
أغلب هذه المساحة أراضي زراعية و أنهار و غابات بعكس مصر اللي أغلبها صحاري لا يوجد بها ماء و لا زرع أو نبات . يعني الصين معندهومش مشكلة غذائية زينا .
ثانيا ...... بعد أن كبر الحجم العام للسكان بطريقة ستعجز عنها الحكومة و مقدرات الدولة لسد أحتياجاتهم ....... طبقوا قانون تحديد النسل بواحد ( طفل وحيد ) في المدن و طفلين في القرى . ....... أشمعنى معلقتش على النقطة دي ؟؟؟؟؟؟؟؟؟؟ مش هما بيطبقوا تحديد النسل و بصرامة كمان ؟؟؟؟؟؟؟؟؟؟
عوامل النجاح واضحة و بينة لكل الناس ........
أمامنا الأمثلة الناجحة الكثيرة ........ نشوف طبقوها ازاي علشان ننجح زيهم
و هي الأخذ بالأسباب و هانضيف عليها كمؤمنين بالله عز و جل .......أن الأسباب بيد الله عز و جل و لكن يجب أن نأخذ بالأسباب التي خلقها هو نفسه ... جلى علاه .
و التعليم المجاني لغاية الثانوية هيقضي الغرض من تعليم الشعب و محو أميته ....... و الدخول في المجال المناسب لكل شخص و كل فرد .
هناك مليارات بتتصرف كل سنة على دعم الجامعات ..... بس زي ما قلت العدد في الليمون ( اللي على أيام زويل كان عددهم صغير جدا و كان المدرج مفيهوش أكتر من 40 طالب ) بعكس دلوقتي اللي تخش أي كلية تلاقيهم عاملين زي اللي في سوق الأحد مش جامعة .
كفاية أن مفيش و لا جامعة مصرية في أول 500 جامعة على مستوى العالم ؟؟؟؟؟؟؟؟؟؟؟؟؟؟؟؟
اولا يافندم العفو لا خناقة و لاحاجة انا مقدرش اصلا:36_7_4[1]:
حضرتك تتناقش بأسلوب مهذب يؤدي الي ضرورة احترامي لوجهة نظرك حتي لومخالفة :Ta_clap[1]::Ta_clap[1]:
ثانيا الحل الوسط الذي ذكرته يؤيد المنطق الذي اتحدث به الا وهو اختراعنا دائما لحلول في نظرنا وسطية لكنها حقيقة لا تودي و لا تجيب :majd(4):
لابد من حل جذري حاسم
ثالثا التطوير يحتاج لعقول وتنوير والتطوير يبدأ من التعليم المتميز لا العكس كل العالم يسير بهذا المبدأ لذا دعنا لا نضع العربة امام الحصان ثم نتحدث عن التطوير :120146b
تقبل فائق احترامي وتقديري سيدي الكريم:satelite:
معلش انا عاوز ارد على الاعضاء الى نفسها الناس كلها بكافه الطبقات تدخل كليات عسكريه!!!!!!!!!
ياجماعه انتم عارفين تتعاملو مع الظباط بتوع دلوقتى سواء كانو جيش او شرطه ؟؟؟؟؟؟؟؟؟؟؟؟؟؟؟
ازاى عاوزين الطبقات دى تدخول الكليات العسكريه مش لما نعرف نتعامل مع الطبقات الى اعلى منهم بشويه نبقى نتعامل مع دول ياجدعان الكليات دى بتخرج كل سنه دفعه فيها ناس بنت ناس جدا بيكونو فعلان عندهم رغبه فى الدفاع عن البلد دى وبيكون فيهم ناس عندهم رغبه فى الانتقام من الناس وفرد السلطه عليهم وخصوصا لو كانو من الطبقات الى انتم بتقولو عليها.
وبعدين مفهوم الكليات العسكريه اتغير كتير اوى عن زمان الاول كانت فعلان للدفاع عن البلد دى النهرده للترفيه مش اكتر تلاقى عيل بنجمه طالع طايح فى خلق الله عكس زمان لما كان فيه حروب كان الى داخل داخل يدافع مش اكتر لا كان يهمه انه ظابط ولا انه غفير.
احنا فى عصر الانفتاح فطبيعى ان اى حاجه تحصل فى اى حاجه واهى كوسه بكره يقبلو الطبقات دى متزعلوش بس ابقى قابلنى اذا عرفت تكلم الباشا ابن الباشا ومع السنوات ابن الباشا هيكون حاجه فى البلد دى ساعتها هيكمل عليها اكتر ما هى
ربنا يسهل
افتكرت نكتة اللي كلموه من البلد وقالوا له ابوك جاله ورم في المخ قالهم والمخ ده جاله منين ؟؟
هو فين التعليم؟
انا موافق نلغي التعليم نفسه لانه في البلد دي مفيش تعليم اصلا مجاني او غير مجاني
هو عشان بقالنا 30 سنة مش بنحارب يبقى الحروب خلصت
احنا بنحارب من 7000 سنة .... وده قدرنا
لما ناخذ 30 سنة اجازة
ممكن تسميها هدنة .... اجازة مصيف .... اجازة سنوية .... او حتى اجازة وضع
30 سنة في عمر التاريخ مش كتير .... ده فيه حروب استمرت 40 سنة
انت صدقت انا احنا في زمن السلام ومافيش حروب تاني خلاص ؟؟؟؟
:auto:
السلام السلام السلام السلام
السلام الف مسكن والنهضة واسكندرية وموقف العاشر والدائري
وش سواق مكروباظ
الف مسكن ياريس
خدني معاك وياريت مانوصلش
كفايه كده لغايه هنا انا حاسس اني فقدت قيمتي كانسان.
وكحيوان برضو مش بعيده.
بجد انا يائس ومش حاسس اني عايش
خدني معاك ياريس دانا برضو من محاسيبك
وحلفت اني مش ممكن اسيبك
وماسك فيك باديا وسناني ومش ممكن هرجع تاني
سوق ياريس حتي ولو هتسوق 25 سنه تاني
منا خلاص سلمت ارضي و اوطاني
مليش عيشه هنا تاني
ولا ليا عِرٌضْ ولا كرامتي هترجع تاني
سوق ياعم سوق دانا منكم مخنوق:sad:
بس برضو هدعيلكم
وانا ادعيلكم
وانا ادعيلكم وانا ادعيلكم يااهل الطب عايز تورلوب عاوز ترلوب
ترلب ترلب
ياجماعه انا مش قصدى حاجه تزعل حد انا كل الى اقصده ان احنا حاليا مش عارفين نتعامل مع الطبقات الحاليه بتاعت الظباط ازاى هنتعامل مع الى اقل منها وخصوصا لو كان واحد فى مستوى اجتماعى يكاد يكون منعدم فطبيعى انه عاوز يصلح الوضوع ده فطبعا هيكون النتيجه الفرعنه بتعته والافتراء على الناس وده الى انا شايفه الايام دى .
اما بالنسبه لموضوع الحروب انا هقول كله واحد ليه زمان الناس كلها كانت بتهرب من الجيش والشرطه وكانو حاجه ملهاش لزمه والناس بتخاف منها على شان الحروب وطبعا الناس الى كانت بتعمل كده اصحاب النفوس الضعيفه الى هم زيهم زى بتوع الكام يوم دول الى بيقرفو الناس كانو بيهربو زمان اما الى كان بيدخل الكليات دى كان فعلان عاوز يدافع عن البلد دى مش رايح ياخد سلطه يطلع عين الناس بيها وموضوع الاجازه الى مصر وخداها دى احب اقول ليكم لو الاجازه دى انتهت والله والله لكل الى انتم شيفنهم دول يجرو ويسيبو الحرب زى لما اسرائيل ضربت ناحيه المعبر كده كل دول كانو زى ما يونو فى سبق مين هيطلع اسرع من مين دايما مصر بيدافع عنها المدنين مش الجيش ولا الشرطه زى حرب اكتوبر كده الى دافع عن مصر المجندين البشوات كانو بيستلمو بس
بلا جيش بلا شرطه
صديقي العزيز انا معاك ان الشرطه ملهاش فايده غير في انهم يقرفو المدنيين وده طبعا مش كلهم بس بالطبع الشريحه العظمي منهم
ثانيا انت لو تقصد ان اللي بيدافع عن البلد المجندين ده صحيح واذا كان قصدك ان مفيش في الجيش حد يقدر يحارب يبقي اسمحلي ارد
الجيش فيه قيادات كتير تستحق الاحترام والتقدير والقيادات دي تقدر تحارب وتقدر تكسب بس مع الاسف السياسه شيء والحرب شيء
اللي بجد بيهربو زي الفراخ لما حد يرش جنبهم ميه دول الصف ضباط (دول ناس بتطوع في الجيش من سن صغيره بدون مؤهلات)
انا كنت مجند في الجيش من 2002 ولسه راجع من استدعي قريب قبل الزواج بكام شهر ولما كنت في الجيش لما كان الصف ضباط يدربونا كنا بنكره انفسنا لانهم كانو بيعذبونا مش اكتر لاكن لما كنا نطلع مهمات او تدريب خارج المعسكر الوضع كان بيختلف 180 درجه قمه المتعه والاثاره بجد الواحد كان بيحس انه موجود لهدف وان البلد لو في خطر هيعرف يرد وبقوه كمان
موقف حصل قدام عيني
صف ضابط وقفنا صف قدامه وقال مين معاه شهاده عليا وكل اللي رفع ايده قاله روح لم زباله
دي عقد نقص وموجوده بنسبه كبيره عند الصف ضباط
يبقي متحكمش علي الجيش كله بسبب شريحه واحده
اولا الف مبروك ياباشا على الزواج وربنا يسعدك دايما ان شاء الله
ثانيا انا برده مش قصدى ان مفيش جيش يدافع انا عارف انه فيه جيش يدافع بس برده انا عند كلمتى الجيش بتعنا هم المجندين وبعض القيادات كمان مش كلها و معاهم القليل من الظباط اما الباقى منهم زى ما حضرتك قولت لو فيه حاجه هيجرى زى الفراخ.
واخيرا هقول لحضرتك على حاجه واحده بس الكليه الحربيه النهرده بتعلم الطلاب ازاى يكسرو القوانين وازاى يضربو الناس والشرطه فى الشوارع ودى برده تعتبر ظباط وفى يوم من الايام هيكونو قيادات برده المشكله تانى ان الى بيدخل الكليات دى سواء جيش او شرطه بيدخل على شان المنظره مش اكتر ومش هقول كلهم لا هقول بنسبه 80% وهى دى المشكله وتوضيح (الناس دى فى نفوسها ضعف مش عارفين يدفعو عن نفسهم بيدخلو الكليات دى على شان السلطه والبدله مش اكتر ازاى بقى هيدفعو حتى لو عن نفسهم لو شافو رشاش ؟؟؟؟)
ده الى انا اقصده مش اكتر
شكرا
احب اوريكم مجانية التعليم بتاعت مدرستى
اصيع واشهر مدرسة ف الصياعة والبلطجة
النقراشى ثانوى بكل فخر
اولا الكت من على السور
http://i645.photobucket.com/albums/u...9/Image010.jpg
التثبت فوق السور
http://i645.photobucket.com/albums/u...Image015-1.jpg
حاجة من التراث
http://i645.photobucket.com/albums/u...no2rashey9.jpg
والله العظيم الصورة ديه مش ملعوب فيها
الحضور واحد فقط وده كان انا
http://i645.photobucket.com/albums/u...009/3mr010.jpg
ده ديسك الى حيطلع احمد زويل رقم اتنين
http://i645.photobucket.com/albums/u...79645_4508.jpg
والله انت رجعتنى 8 سنوات وفكرتنى بالمدرسه الى كنت فيها وتقريبا انت مشرف الفصل انا كمان كنت مشرف الفصل وكنت انا الى بحضر بعد الحصه ال 3 مكنتش بلاقى فى الفصل غير 1 معايا واحيانا مفيش :36_1_1[1]:
وبعد كده فى السنه 2 و 3 بقيت اعمل زيهم الفشل ظهر اعراضع عليا انا كمان عدوى بعيد عنك
بعد المشاركات الاخيره
انا مع الغاء التعليم نفسه مش المجانيه وبس
حسبي الله ونعم الوكيل
اسف لعدم مشاركتى الاسبوع الماضى
ايه ياجماعه الموضوع كبر قوى كده ليه
انا احب اسأل المؤيدين لهذا الفرار
سؤالين سألتهم قبل كده
مصاريف الجامعه هتبقى كام
مصاريف الجامعه فى السنه ساعتها هتكون مش اقل من 10 الاف ده لو كان فى رحمه يعنى
يعنى مطلوب من الاسره ديه 20 الف فى السنه ده غير باقى المصاريف
اكل ولبس ونفض لاى حاجه تانيه
رب الاسرة ديه بيشتغل بكام فى الشهر؟؟؟؟
اخونا العزيز توت رد وقال
يعنى يزودوا كل سنه الف جنيه برضو
ومرتبات الناس زى ماهيه
على المدى البعيد بعد اقل من 10 سنين هتلاقى محدش قادر على مصاريف الجامعه
وطبعا كلنا لينا خبرات مع زياده المرتبات وزياده الاسعار
ثانيا تفتكرو لو التعليم بقى بالفلوس ديه
هل الفلوس ديه هتتصرف فعلا لتحسين التعليم
وبردوا كلنا لينا خبرات لابأس بها فى موضوع استغلال اصول وموارد الدوله
أوافق عليها جدا
هو جايب البلد ورا غير مجانية التعليم
التعليم ده لازم يعود له بريقه و يكون الي هايتعلم ده عنده رغبة في بذل الجهد و الغالي و النفيس في سبيل التخرج..
دلوقتي الجامعة بالنسبة للاغلبية مكان لتجمع الاصحاب و الاحبة و تدخين السجاير و شوية حاجات كده مالهاش لازمة..
على الاقل الغاء المجانية في الجامعات ..
مع وجود حيز للمنح الدراسية لمن يثبت تفوقه و جديته في الثانوي
انا وصحابى لما بنكت (((((((((من باب المدرسة عمرى ما حنط من السور)))))))))))))))
يا اما بروح انام((((((((محدش يقولى طب انت بتروح المدرسة ليه بتصحى وتروح حوتيجى تانى ليه))))
او بنروح احنا وصحابى نقف تحت بيت اى واحد صحبنا نعد نرغى او بنروح نفطر
عمر حد شاف حد بيفطر كشرى الساعة تسعة ونص؟؟
والله مرة مدير المنطقة التعليمية داخل المدرسة وهوا على الباب وانا خارج كانه شايف ولى امر مثلا خارج لا انا طالب عادى جدا :36_1_1[1]:
لما يبقى الماء والهواء بفلوس يبقى التعليم ساعتها ممكن يبقى بفلوس
والماء حاليا بقى بفلوس ناقص الهواء .... باريت نستنى شوية افكار من الحكومة بخصوص الهواء وبعدين بعدها نشوف التعليم
انت معتقد ان التعليم مجانى بالمعنى اللى انتى متخيله تسمع عن المدارس التجريبية العربى - واللغات - والمميزة و .... مش عارف ايه وايه دول حاليا الغالبية من مدارس الابتدائى ودول بمبالغ كبيرة مش فاضل غير كام مدرسة حكومية للغلابة سيبهم يا سيدى وربنا يجعل فى قلوبنا الرحمة
مع الاسف لقد اغلق الاستطلاع ولاكن........
انا حاسس انه قفل علي صباعي!!!!!
بالتاكيد لان ده غير اللي كنت متخيله خاااااااااااااااااااااااا ااالص
:120146b :120146b :120146b :120146b :120146b :120146b
لازم يكون مجانى ومينفعش يتلغى كدة احنا بنلغى طبقة كاملة
بس زي ما سبق وقولت الاستطلاع غير ملزم للحكومة الذكية
اكيد غير ملزم للحكومه ولاكن مين اللي هيقف ويقول انا اعترض يااااااااا ذكيه
الموضوع اكبر من كده انا كنت عامل الموضوع وفاكر كل الناس معايا او علي الاقل فاكر ان معايا 90% من الناس
والاسباب كتير اولها عدم الثقه في الحكومه العبقريه وده واضح من ايام الخصخصه وبيع الشركات لانها بتخسر وبفلوسها هنصلح ونعمل والناس فرحت وبعد كده..............................؟
وكتير وكتير
انا قلت انا معنديش اي مانع في الاصلاح لاكن عندي رهاب واضح من الحاجه حسنيه اللي لما تحط اديها في حاجه يبقي عليها السلام
ودي مفيهاش هزار اي حاجه متعجبناش بنرفع رايه المقاطعه طيب لو الحال معجبناش يبقي هنرفع ايه........................؟
هنرفع ادينا لفوق ولا هنسقف ونقعد جنب الحيط
ممكن تسمعو راي واحد لسة مخلص تعليمة الثانوية
انا مع ان التعليم يبقي مجاني لحد الاعدادية و بعد كدة يبقي بمنح للمتفوقين و بفلوس للي لم يحالفهم الحظ في الاعدادية و الباقي و الي غير قادر و دماغة مش في التعليم علية و علي المدارس الفنية الصنايع علي الاقل برضة بيبقي قدامهم فرصة يكمل و يخش هندسة للمجتهدين و دة الي بيحصل حاليا " عن تجربة ناس كتير فضلو التعليم الصنايع و تفوقو و كملو و دخلو هندسة و منهم الي دخل تعدين و بترول "
انا شفت مهازل و انا في ثانوي
كل واحد ابنة فااااشل و معاة شوية فلوس و هو اصلا مش متعلم و يبقي تاجر خردة " مثل حقيقي مش هزار " يدخل ابنة ثانوية عامة و عايزة يكمل تعليمة و ياخد شهادة عشان يتفشخر بيها قدام التجار اصحابة و النتيجة ان الواد يبقي فاااشل اكتر و يبقي دماغة مش في التعليم و يجي المدرسة و يتنيل يشرب في سجاير و يضرب و يتنطط علي المدرسين و احرة 60 % ان حصلها اصلا و يتصرف عليه مش اقل من 1500 جنية دروس شهريا و في الاخر بيخش اي حاجة و السلام او خاص و تبقي النتيجة طالب فاشل و يخش اي حاجة و ما يستفادش بشاهدة لانة هيشتغل مع ابوة و يريتة بيعدي لا دة بياخد السنة في اتنين طب ابوة استفاد ايه من دة كلة ليه مدخلهوش حاجة صنايع علي الاقل كانت هتفيدك و تفيدة في شغلة بعد كدة
و في نوع تاني
الي ابو دكتور او مهندس و عايز ابنة زية بالظبط و يشيل نفس المهنة من بعدة
و يبقي الولد مش حابب المهنة دي او جايب مجموع عالي و ابوة يجبر علية يخش الكلية دي
طبعا النتيجة بيبقي الولد مش حابب المهنة دي و طبعا مش هيمشي فيها و يدبلر كل سنة في 2 و يبقي دكتور فاشل و يعرض حياة الناس للخطر
و مش هقول كل الطلبة كدة لا طبعا في ناس مجتهدة و بتحب العلم سواء قادرة او غير قادرة
النتيجة بقي ان المفروض التعليم مجاني لحد المرحلة الاعدادية و بعد كدة يبقي بمنح للمتفوقين او بفلوس للي عايز
و طبعا لازم تكون الامتحانات صعبة عشان تحدد مين الاصلح
و الي بقي قدراتة العلمية مش عالية و عايز يكمل تعليم عندة المدارس الفنية
و علي فكرة كان في محاولة لتحسين مستوي التعليم الجامعي السنة الي فاتت و جابو الامتحانات صعبة جدااا عشان يبقي الي هيخش كليات قمة صفوة الطلبة
الناس طلعت دعت علي الوزير و الي حاطط الامتحان و قالو انت معندكش قلب و حرام عليك
الناس مش قادرة تفهم ان ربنا خلق الناس طبقات و مش كلة عندة قدرات للتعلم و الدراسة
انا اسف ان كنت طولت عليكو
كلامك صح ..........
و تعليقي على أخر 3 سطور ........
الفساد الأجتماعي ......... و غياب الوعي ......... و الفشخر الكدابة
و الأشتراكية الزفت الي عبد الناصر بلانا بيها .........
هي دي اللي عودت الناس تتمسك بحاجات و تقول عليها حقوق من حقوقهم و في الواقع هي مش حقوق خالص .
و الله العظيم فيه ناس بتروح مع أولادهم الأمتحانات .......... و تقف برة علشان تحاول تدخلهم الأجابات !!!!!!!!!!!!!!!!
مستني أيه من أب بيغشش أبنه .......
عايز الولد يطلع عنده ضمير بعد كدا ؟؟؟؟؟؟؟؟؟؟؟؟؟؟؟؟
بالصدفة كنت في أحد قاعات الكلية عندنا ( اللي انا خلصتها الحمد لله السنة دي ) ... و الله العظيم .. الحائط عليه مناهج .. بالقلم الرصاص .. لأ ... و شوفوا الغبااااااء بتاع الحمار اللي كان بيغش ... و حياة ربنا .. كاتب مسألة إحصاء (السؤال+الحل ..بالأرقام ) اه و الله ... يعني سعادته عايز الورقة تيجي و يكتب اللي هو لازقه عالحيطة !!
تخيلوا ..؟؟؟؟؟
و دول هيبقى اسمهم معاهم بكابوبوووس تجارة من جامعة المنصورة ...
الغريب ان حوائط كتيييييييييير كانت بالمنظر دا ... و كأن الطلبة دول كانوا بيمتحنوا لوحدهم مثلاً !!
و الله احد اسباب فشل البلد هو مجانية التعليم..فعلاً.