لا طبعا ياباشا العفو
والحمد لله انك طلعت من المعارضين
ةالحمد لله انهم بيتكلمو على التعليم العالى
على الاقل الواحد ضمن الثانويه
وعرفنا برضوا مين اللى مع القرار ومين اللى ضده
عرض للطباعة
لا طبعا ياباشا العفو
والحمد لله انك طلعت من المعارضين
ةالحمد لله انهم بيتكلمو على التعليم العالى
على الاقل الواحد ضمن الثانويه
وعرفنا برضوا مين اللى مع القرار ومين اللى ضده
اولا معنى كلامك ياتوت
ان كل المعاهد والجامعات الخاصه اللى بتخرجوا منها بيقبوا فاهمين
طبعا لأ الاغلبيه العظمى منهم مش فاهمين اى حاجه
ويقلك انا بتعلم بفلوسى والكليه ديه بتاعه اهلى اعمل اللى انا عايزو
ثانيا المجتهد اللى اتخرج وسافر بره فعلا بيوصل
زى احمد زويل ومجدى يعقوب وغيرهم الالاف كتيررر
وكان ممكن يبقوا اكتر لو ظروف السفر سهله وكويسه
ثالثا الجامعه بتخرج كتير اه والبطاله كتير اه والحكومه مش هتعمل كل حاجه برضوا
بس تفرق كتير لما يكون واحد شغال اى حاجه ومعاه بكالوريوس
وبين واحد شغال اى حاجه ومش معاه اى شهاده
فى حاجة كمان اعتقد انهم بيعملوها بره فممكن يتعلمو فى الجامعة بالدين-credit- يعنى الطالب لو مهتم و مش معاه ممكن ياخد قرض يتعلم بيه و يسدده بعد ما يتخرج بالقسط يعنى اللى عاوز يحقق نفسه بيحقق
متقولش كده
ده موضوع مهم جدا لان التعليم هو قاطرة التقدم
و أشكرك على طرحك الموضوع
التعليم الخاص في مصر الآن زيه زي التعليم الحكومي و الموضوع له أسباب كتيرة .
بس انا بتكلم عن حاجة تانية خالص و هي محاكاه الطريقة اللي الغرب بيعلم بها أولاده .
مش التعليم و الطريقة اللي مصر بتعلمنا بيها .
لو فيه رقابة حكومية و مناهج محترمة ......
مكنش اللي بيتعلم يقول بفلوسي .....
بس بما أن المنظومة خربانة ........... فهي خربانة على كله .
إنما ده ميمنعش ان التعليم الخاص أفضل من التعليم العام خصوصا المعاهد و الكليات اللي بتدرس تحت اشراف أجنبي .
شوف خريجين الجامعة الأمريكية ...... و الكندية و الألمانية .......
و أنسى خريجين المعاهد المصري البحتة الخاصة .
دول زيهم زي بتوع الحكومة مع فرق أن أغلبهم بيكون فاشل في الثانوي ..........و بيدخل المعاهد الخاصة علشان يبقى معاه شهادة ( وجاهة اجتماعية ) و علشان يعمل شلة و يصاحب بنات ...
بعكس اللي في المعاهد الأجنبية الخاصة .
كمان المعاهد و الجامعات الخاصة الأجنبية هدفها الأول التعليم و بعدين الجانب الأقتصادي
أما المعاهد المصرية الخاصة هدفها هو الإستثمار ...... و هدف الطلبة هو الشهادة ( بلد بتاعة شهادات )
و بعدين مش فاهم يعني أيه واحد يكون معاه بكالوريوس و شغال أيه حاجة أحسن من واحد مش معاه ؟؟؟؟؟؟؟؟؟؟؟؟؟؟؟؟؟
طيب في انجلترا مثلا
الفني اللي بيصلح العربيات معاه شهادة أحسن من واحدة معاه بكالوريوس تجارة مثلا .
على الأقل هو معاه شهادة في حاجة مفيدة له و لغيره و أخدها بالعلم و التعب .
إنما أيه فايدة بكالوريوس تجارة مثلا مع واحد شغال حاجة ملهاش أي علاقة بالتجارة ؟؟؟؟؟؟
ده الفرق بينا و بينهم ......... هما عمليين جدا ......... و أحنا بنحب الشهادت تتبروز و تتعلق على الحائط .
لحد هنا لا استطيع الاختلاف في هذه النقطة الا وهي الكوسة وهي السيئة الوحيدة التي تقلقني في حال تطبيق النظام
لكن الفكرة في حال تطبيقها بحذافيرها ناجحة و بجميع المقاييس في جميع الدول التي تطبقها بل و كانت ناجحة في مصر قبل نظام المجانية بعد الثورة مع فارق ان ماكان في مصر بمقابل مادي لجميع المراحل التعليمية واخرجت عباقرة كلهم من الفقراء نعرفهم جميعا وكانوا يأخذون تلك المجانية ويسعون اليها اما ابناء الباشاوات و البهوات فلم نسمع عنهم اسمعت انت؟؟
ولكن بما اننا متأخرين اساسا وحالنا يسر عدو ولايسر الحبيب فلما لا نجرب؟!!
وبعدين البنت ابنة ذلك الميكانيكي لولم تكن متفوقة ما شجع ذلك ابوها علي الاستمرار
وبالتالي عدم تفو قها يجعل تعليمها غير ذي جدوي لا علي مصر و لا علي نفسها عدا القو ل بأ ن معها بكاليوريوس:colsmil: وبالتالي هي ا لعاطفة المتحدثة مرة اخري لامنطق ولا ارادة ولا قدرة علي المنافسة
فى بقى كام جامعه زى الجامعه الامريكيه والكنديه
وكام طالب بتعلم فيها وكام طالب فى الجامعات الحكوميه المصريه
وزى ماقولت المنظومه خربانه خربانه
يعم ولا يعلقهم على الحيطه ولا حاجه
انت قلتها بلدنا بلد شهادات
مثلا لو روحت تتقدم لوحده عشان تتجوزها
هيقلك معاك شهاده ايه وشغال فين وبكام
بردو الشهاده ليها هيبه
عيالك لما تجى تتخلهم المدارس لو حبيت يعنى تدخلهم مدارس لغات ولا تجريبى هيقلك معاك شهاده ايه
اعرف واحد ميكانيكى مش عارف يدخل عياله مدارس لغات خالص
ولا مدرسه قبلتهم دول المدارس اللغات واخد بالك
سيبك من ده كله حتى لو الشهاده مش هيعمل بيها اى حاجه
كفايه انو تعلم واكتسب علم ممكن ينفعه فى يوم من الايام
انما نحجر على الفقراء بقى انهم مش يتعلموا تعليم عالى
يبقى ظلم بين
اللى معاه بقى بكاالوريس تجارة وشغال حاجه تانيه لاتمت للتجاره بصله
فده مش ذنبه
ظروف البلد كده واهو احسن ميقعد على الرصيف
ياراجل ده حتى الرصيف دلوقتى بقى بالحجز وكل بلطجى يقولك ديه منطقتى وماينفعش تقعد على الرصيف بتاعنا
حضرتك ضربت مثال الفنى فى انجلترا
ده بقى فى انجلترا والدول الغربيه
مش فى مصر المحروسه
واحنا بنتكلم على التعليم هنا مش فى انجلترا
حد يقلى تجربه واحده ناجحه فى التربيه والتعليم
والعيب فعلا فينا
ونعيب زماننا والعيب فينا وما لزماننا عيب سوانا
وبعدين ديه مش هتبقى تجربه
هتبقى كارثه بجميع المقايسس
وربنا وحده اللى يعلم اضرار الموضوع ده ايه فى بلد زى بلدنا
ياجدعان فى ناس مش لاقيه رغيف العيش
مجانيه تعليم ايه اللى انتو موافقين على الغائها